ملتان (جیوڈیسک) بہاالدین زکریا یونیورسٹی ملتان نے بی اے بی ایس سی کے سالانہ نتائج کا اعلان کردیا تمام پوزیشنیں طالبات نے حاصل کرلیں سیلاب زدہ علاقے کی 2 طالبات بھی شامل ہیں۔ جامعہ زکریا میں کل 45373 طلبا و طالبات نے شرکت کی جبکہ 17829 طلبا وطابات نے کامیابی حاصل کی۔
کامیابی کا تناسب 39.29 فیصد رہا۔ پوزیشن حاصل کرنے والی طالبات میں حافظہ نایاب نے بی ایس سی میں 709 نمبر لیکر پہلی پوزیشن صائمہ بختاور نے 707 نمبر لیکر دوسری پوزیشن جبکہ یاسمین اقبال نے 695 نمبر لیکر تیسری پوزیشن حاصل کی۔
اسی طرح بی اے سالانہ امتحان میں ندا امبرین نے 638 نمبر لیکر پہلی، عائشہ انعم 625 نمبر لیکر دوسری، آسیہ بتول 624 نمبر لیکر تیسری پوزیشن حاصل کی۔ اس طرح بی اے بی ایس سی کے سالانہ امتحان میں 6 کی 6 پوزیشن طالبات لے گئیں جبکہ بی اے کی پہلی اور دوسری پوزیشن سیلاب سے متاثرہ علاقے جلالپور کی طالبات نے حاصل کی۔
نواب شاہ، مولانا یعقوب قادری کے قاتلوں کی عدم گرفتاری کیخلاف جماعت اہلسنت کی ریلی
شیخ افضل کیس : عدالت نے وکلا کو حتمی بحث کے لیے طلب کر لیا
