بھمبر (ڈسٹرکٹ رپورٹر) نواحی علاقہ کس چناتر نالہ کے رہائشی محمد طارق نے کہا ہے کہ عدالتی فیصلوں کے باوجود اس کی22کنال6مرلے اراضی قبضہ مافیا کے درپے ہے ،لیاقت علی ولد غلام رسول موضعہ کس چناتر کے پٹواری شمعون کے ساتھ ملی بھگت اور جعلی کاغذات کے ذریعے اسے اس کی زمین سے بے دخل کرواکرزبردستی قبضہ کرنا چاہتا ہے ۔ڈپٹی کمشنر کے واضح فیصلہ اور گرداور ودیگر افسران کی رپورٹس میرے حق میں ہیں ،مگرمحکمہ مال تحصیل بھمبرکے بعض افسران ساڑھے تین سال بعد بھی اس پر عمل نہیں کروا سکے،چیف سیکرٹری ،ڈپٹی کمشنر بھمبر انصاف دلائیں ان خیالات کا اظہار نالہ کس چناتر کے رہائشی محمد طارق نے صحافیوں کودیے گئے اپنے ایک بیان میں کیا ۔محمد طارق نے بتایا کہ لیاقت ولد غلام رسول دوسرے گائوں گڑھا باغ سے تعلق رکھتاہے کھیوٹ نمبر 152اور خسرہ نمبر3281سے اس کا دور تک بھی واسطہ نہیں،اس کھیوٹ و خسرہ نمبر3281 کے22کنال 6مرلے پر اس کے والد محمد اعظم ولد شیر محمد کا قبضہ ہے ،ہم نے باڑ بندی اور مال مویشی کی رہائش اس میں بنا رکھی ہے ،وہاں ہمارا ایک کمرہ بھی موجود ہے ،لیاقت علی کا اس رقبہ سے کوئی تعلق واسطہ نہیں ہے ،تحصیلدار بھمبر کے بعد ڈپٹی کمشنر کی عدالت میںہمارے حق میں فیصلہ ہوا اور مخالف فریق لیاقت کی طرف سے اپیل حقائق پر مبنی قرار نہیں دی گئی اور منسوخ کر دی گئی،مگر آج تک اس پر عمل نہیں کروایا گیا، ا س کے بعد بھی لیاقت ولد غلام رسول پٹواری شمعون اور اسلم ولد صادق کے ساتھ مل کر جعلی کاغذات تیار کر کے مجھے تنگ کر رہا ہے اور قبضہ کرنے کے لیے اس نے اپنی نظریں میری زمین پر گاڑھ رکھی ہیں ، لیاقت کے بھتیجے حمزہ نے میرے گھرآکرسنگین نتائج کی دھمکیاں لگائیں ،میں سابقہ فوجی ہوں میرا ریکارڈ بالکل صاف شفاف ہے میں نے اپنی نوکری ذمہ داری سے کی ہے ۔چیف سیکرٹری ،ڈپٹی کمشنر مجھے انصاف دلائیںاور پٹواری شمعون کے خلاف شفاف تحقیقات کر کے کارروائی عمل میں لائیں جو علاقے میں جعلی کاغذات بنا کر لوگوں کو لڑانے اور ان کے حقوق غصب کرنے کے لیے اپنی پوری معاونت فراہم کرتا ہے۔محمد طارق نے کہا کہ اگر انصاف نہ ملا تو وہ اس کے حصول کے لیے ہرقسم کا راست اقدام اٹھانے کا حق محفوظ رکھتا ہوں جس کی تمام تر ذمہ داری متعلقہ حکام پر ہوگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر ( ڈسٹرکٹ رپورٹر )بھمبر سب ڈو یژن سٹی ون میںنادہندگان سے ریکو ری مہم تیزی آگئی، کئی علاقوں میں سینکڑوں کنکشن منقطع کر دئیے گئے، محکمہ بر قیات کے اعلیٰ احکام کی خصوصی ہدا یت پر سب ڈویژ ن سٹی 1بھمبر کے ایس ڈی او را جہ جبرا ن افضل نے مختلف علاقوں بھمبر شہر ،کس چنا تر ،بڑ ھنگ ،مو ڑھا سدھا ،لس ،رو پیری ،دھندڑ ،مغلورہ برسا لی کا اچا نک دورہ کیا اورڈیڈ لائن کے باوجودبقایاجات کی عدم ادائیگی پر صا رفین کے کنکشن منقطع اوران کی تاریں ری سٹور کرلی گئیں ،ایس ڈی او محکمہ بر قیا ت را جہ جبر ان افضل نے صحا فیوں سے گفتگو کر تے ہو ئے کہا کہ نادہندگان کسی رعایت کے مستحق نہیں ہیںجن صارفین کے ذمہ بقایاجات ہیں وہ فوری طور پر اپنے بقایا جا ت جمع کروائیں بصورت دیگر ان کے ساتھ سختی سے نمٹا جائے گااور ان کے کیسز لینڈ ریو نیو ایکٹ کے تحت تحصیلدا ر ریکوری اورFIRکیلئے پولیس حکام کو بھیجے جا ئینگے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(ڈسٹرکٹ رپورٹر) سا بق صدر ڈسٹر کٹ با ر ایسوسی ایشن چو ہد ری محمد خلیل ایڈووکیٹ نے کہا ہے کہ آزاد کشمیر میں این ٹی ایس کا نفاذ اور پبلک سروس کمیشن کی تنظیم نوموجودہ حکومت کے تاریخی اقدامات ہیں، جس پر حکومت آزادکشمیر کو خراج تحسین پیش کرتے ہیں، سابقہ حکومتوں نے شعبہ تعلیم کو بری طرح نظر انداز کیا،اس شعبے کو سیاسی عمل دخل سے پاک کرنے کے لئے موجودہ حکومت کے اقدامات قابل ستائش ہیں،جس کو آزادکشمیر کے عوام قدر کی نگاہ سے دیکھتے ہیں جس کے مستقبل پردور رس نتائج مرتب ہوں گے ان خیالات کا اظہار انہوں نے اپنے لاء چیمبر میں سینئر صحافیوں سے گفتگو کرتے ہوئے کیا۔انہوں نے کہا کہ پبلک سروس کمیشن کی میرٹ پر دوبارہ تشکیل سے حقیقی ٹیلنٹ سامنے آئے گا اور سفارش کلچر کا خاتمہ ہو گاانہوں نے کہا کہ آزادکشمیر کے لوگوں کو موجودہ حکومت سے بہت توقعات وابستہ ہیں ،سفارش ، اقربا پروری اور رشوت کلچر کا خاتمہ موجودہ حکومت کی ترجیحات کا حصہ ہونا چاہیے ۔تاکہ آزادکشمیر کے عوام کو حقیقی معنوں میں ریلیف مل سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر ( ڈسٹرکٹ رپورٹر) آزادکشمیر سکول ٹیچرزآرگنائزیشن کے تمام دھڑوں کا اتحاد وقت کی ضرورت تھا، تمام دھڑوں کے متحد ہونے پر سردار عارف شاہین ، سید نذیرحسین شاہ، محمد اشرف کیانی چوہدری منیر ناز مبارک باد کے مستحق ہیں۔ ان خیالات کا اظہار ڈویژنل جنرل سیکرٹری ٹیچرز آرگنائزیشن میرپور راجہ طارق پرویز نے صحافیوں سے گفتگو کرتے ہوئے کیا۔ انہوں نے کہا کہ اساتذہ آزادکشمیر ٹیچرزآرگنائزیشن میں اتفاق نہ ہونے کی وجہ سے گزشتہ چھ برسوں سے مسلسل مسائل کا شکار رہے ہیں۔اس دوران اساتذہ کے مسائل حل ہونے کی بجائے بڑھتے رہے ہیں۔ تنظیم کے دھڑوں میںاتحاد ہونے سے سب سے زیادہ فائدہ اساتذہ کو ہو گا۔جس کے لئے ٹیچرز آرگنائزیشن کی ساری قیادت مبارکباد کی مستحق ہے۔ انہوں نے مزید کہا کہ تمام مرکزی عہدیدران موجودہ حکومت کی جانب سے میرٹ اور انصاف کی بنیادوں پر محکمہ تعلیم میں لائی جانیوالی اصلاحات کا ساتھ دیں اور اپ گریڈیشن آف گریڈ وفاق کے مطابق کروانے کے لئے کردارجدوجہدجاری رکھیںتاکہ پرائمری14- جونیئر B-16، اور سینئر مدرسB-17جا سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر(ڈسٹرکٹ رپورٹر )جموں وکشمیر لبریشن لیگ کا مرکزی کنونشن 25دسمبر کو صبح 10بجے جبیر ہوٹل میرپور میں منعقد ہوگا، جس میں تمام مرکزی قائدین، عہدیداران، مرکزی مجلس عاملہ کے اراکین ،آزاد جموں وکشمیر، صوبہ پنجاب ، خیبر پی کے اور گلگت کے تمام ضلعی اور تحصیل سطح کے عہدیداران بھی شرکت کریں گے کنونشن میں شرکت کے لیے تمام ضلعی اور تحصیل صدور کو دعوت نامے ارسال کیے جا چکے ہیں،دوسری طرف ضلعی صدر جموں وکشمیر لبریشن لیگ کلیم الفتح نے ضلع بھمبر کی کمیٹی کے تمام اراکین کوکنونشن میںبروقت اپنی شرکت یقینی بنانے کی ہدایت جاری کی ہے۔
پاکپتن کی خبریں 23/12/2016
جرمنی پلٹ شہری کے “آفتاب میرج ہال” پر قبضہ مافیاء نے عورتیں بیٹھا دیں
