بھمبر (ڈسٹرکٹ رپورٹر) سابق سینئر وزیر حکومت چوہدری صحبت علی مرحوم کی دوسری سالانہ برسی کی دعائیہ تقریب آج منعقد ہو گی دعائیہ تقریب میں اعلیٰ حکومتی شخصیات ، بیورو کریسی ، سیاسی و سماجی راہنمائوں، سول سوسائٹی سمیت اہم شخصیات شرکت کریں گی تفصیلات کے مطابق پاکستان پیپلز پارٹی کے بانی راہنما و سابق سنیئر وزیر حکومت چوہدری صحبت علی کی دوسری سالانہ برسی آج بھمبر میں منائی جائیگی برسی کی دعائیہ تقریب دن 11:30 بجے آصف میرج ہال سماہنی روڈ ستھ میں منعقد ہو گی برسی کی تقریب میں اعلیٰ حکومتی شخصیات، بیورو کریسی ، سو ل سوسائٹی، وکلائ، صحافی ، تاجر ، ڈاکٹرز، سیاسی و سماجی اور مذہبی شخصیات شرکت کرینگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر ( ڈسٹرکٹ رپورٹر ) بیرسٹر سلطان محمود اور چوہدری محمد سرور کی پاکستان تحریک انصاف میں شمولیت خوش آئند ہے انکی شمولیت سے پارٹی مزید مضبوط ، فعال اور متحرک ہو گی آزاد کشمیر کے اندر نظریاتی اور مخلص نوجوانوں کو نمائندگی دیکر عملی تبدیلی کا آغاز کیا جائیگا ان خیالات کا اظہار پاکستان تحریک انصاف آزاد کشمیر ضلع بھمبر کے جنرل سیکرٹری یاسر رزاق ، سٹی صدر راجہ حامد ناصر نے کیا انہوں نے کہا کہ نوجوان تحریک انصاف کا سب سے قیمتی اثاثہ اور سرمایہ ہیں آزاد کشمیر بھر سے با صلاحیت اور متحرک نوجوان دیگر جماعتوں سے مایوس اور دلبراشتہ ہو کر تحریک انصاف میں جوق در جوق شامل ہو رہے ہیں انہوں نے کہا کہ سابق وزیراعظم آزاد کشمیر بیرسٹر سلطان محمود چوہدری اور سابق گورنر پنجاب چوہدری محمد سرور کی پاکستان تحریک انصاف میں شمولیت سے آزاد کشمیر اور پاکستان کے اندر حقیقی معنوں میں تبدیلی آئی ہے بڑی بڑی قد آور شخصیات کی شمولیت سے تحریک انصاف پاکستان اور آزاد کشمیر کی سب سے بڑی سیاسی جماعت بن رہی ہے انشاء اللہ بہت جلد پاکستان اور آزاد کشمیر کے اندر تحریک انصاف کی حکومت ہو گی انہوں نے کہا کہ عوام فرسودہ اور استحصالی نظام سے چھٹکارہ حاصل کرنا چاہتے ہین جس کیلئے وہ عمران خان کی قیادت میں متحد ہو رہے ہیں آنے والا وقت تحریک انصاف کا ہے آزاد کشمیر اور پاکستان کی مزید اہم شخصیات تحریک انصاف میں شامل ہونے والی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر ( ڈسٹرکٹ رپورٹر)14 فروری کو ملک بھر میں بے حیائی اور فحاشی کو فروغ دینے کے طور پر منایا جانیوالا ویلنٹائین ڈے ہماری تہذیب و ثقافت کے برعکس ہے اس دن کا منانے کا مقصد نوجوان نسل کو بے راہ روی پر ڈالنا ہے فحاشی اور بے حیائی کے اس طوفان بد تمیزی کیخلاف انجمن طلباء اسلام ملک بھر میں 14 فروری کو بطور یوم حیاء کے طور پر منائے گی ان خیالات کا اظہار انجمن طلباء اسلام آزاد کشمیر کے سیکرٹری جنرل انجینئر امین مجاہد نے ATI کے کارکنان کے ہمراہ ایک اجلاس سے خطاب کرتے ہوئے کیا اس موقع پر انہوں نے کہا کہ آج 14 فروری کو یوم حیاء کے طور پر منانا مقصد یہ ہے کہ نوجوان نسل کو یہ باور کرایا جا سکے کہ ہماری تہذیب وثقافت میں بیٹیوں ، مائوں اور بہنوں کی ردا اور حیاء کو عزت دی جائے جبکہ ہمارے نبی ۖ نے عورت کو اعلیٰ مقام دلایا اور ماں کے قدموں تلے جو ایک عورت ہے جنت رکھ دی انہوں نے کہا کہ انجمن طلباء اسلام 14 فروری کو ویلنٹائن ڈے کیخلاف ملک بھر میں ریلیاں اور سیمینار منعقد کر کے اس دن کو یوم حیاء کے طور پر منائے گی اس موقع پر ناظم ایف جی یونٹ محمد عزیز، محمد زبیر طالب، سارنگ قسیم، راجہ فریاد ، حمزہ علی ، علی احمد اور اسامہ تنویر بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر ( ڈسٹرکٹ رپورٹر ) ڈسٹرکٹ بار ایسوسی ایشن بھمبر کے الیکشن کیلئے ووٹنگ آج ہو گی چوہدری عارف سرفراز ایڈووکیٹ اور چوہدری گلزار احمد ایڈووکیٹ کے پنیلوں کے درمیان کانٹے دار مقابلہ ہو گا دو چار زائد ووٹ لیکر کوئی بھی امیدوار کامیاب ہو جائیگا تفصیلات کے مطابق ڈسٹرکٹ بار ایسوسی ایشن بھمبر کے سال 2015 کے سالانہ الیکشن کیلئے ووٹنگ آج ہو گی جبکہ چوہدری عارف سرفراز ایڈووکٰٹ اور چوہدری گلزار احمد ایڈووکیٹ کے درمیان صدارت کیلئے ،چوہدری محمودا لحسن ایڈووکیٹ اور راجہ ندیم انور ایڈووکیٹ کے درمیان جنر سیکرٹری اور چوہدری ضیاء الرحمن ایڈووکیٹ اور عامر بٹ ایڈووکیٹ کے درمیان سنیئرنائب صدر ، راجہ بدر حسین ایڈووکیٹ اور چوہدری محمد اسلم آسی ایڈووکیٹ کے درمیان فنانس سیکرٹری کیلئے کانٹے دار مقابلہ ہو گا 67 ممبران بار اپنا ووٹ کا حق استعمال کرینگے دو چار زائد ووٹ لیکر کوئی بھی امیدوار کامیاب ہو سکتا ہے جبکہ دونوں پنیلوں کے امیدواران اپنی اپنی کامیابی کے متضاد دعوے کر رہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر ( ڈسٹرکٹ رپورٹر ) جماعة الدعوة کے زیر اہتمام 15 فروری کو بھمبر میں یکجہتی کشمیر کانفرنس منعقد ہو گی حافظ عبدالرحمن مکی مہمان خصوصی ہونگے تفصیلات کے مطابق جماعة الدعوہ ضلع بھمبر کے زیر اہتمام 15 فروری بروز اتوار بعد دوپہر جسیال پلازہ بھمبر میں یکجہتی کانفرنس منعقد ہو گی تقریب کے مہمان خصوصی جماعة الدعوہ کے مرکزی راہنما حافظ عبدالرحمن مکی ہونگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر (ڈسٹر کٹ رپورٹر)سپین میں مقیم اوورسیز کشمیری راہنما راجہ ذوالفقار احمد، راجہ عمر ذوالفقار آ ف بڑھنگ نے اپنے مشترکہ بیان میں کہا کہ میجرجنر ل راجہ شاہدپرویزعلی خان بہادرسپہ سالار اور پیشہ ورآرمی آفیسر ہیں ان کی میجرجنرل کے عہدے پر ترقی خوش آئندہے موصوف پیشہ ورانہ صلاحیتوں کی وجہ سے میجرجنرل کے عہدے پر ترقیاب ہوئے شاہد پرویز علی خان آزادکشمیراورپاکستان کی عوام کے ماتھے کا جھومرہیں موصوف نے پاک آرمی میں اپنے فرائض دیانتداری سے سرانجام دیئے وہ ایک محب وطن ہونے کے ساتھ بہادرسپہ سالار اور پیشہ ورآرمی آفیسر بھی ہیںہماری دعا ہے کہ اللہ تعالیٰ انہیں زندگی میں مزید کامیابیاں اور کامرانیاں عطا فرمائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر ( ڈسٹرکٹ رپورٹر ) کشمیر پریس کلب بھمبر کے صدر ناصر شریف بٹ ایک ماہ کے دورہ پر دوئبی روانہ ہونگے جبکہ سنیئر صحافی طارق محمود ثاقب پریس کلب کے قائمقام صدر ہونگے تفصیلات کے مطابق کشمیر پریس کلب کے صدر ناصر شریف بٹ ایک ماہ کے دورے پر گزشتہ روز دوئبی روانہ ہونگے دوست احباب اور صحافیوں نے انہیں ائیر پورٹ سے الوداع کیا موصوف اپنے قیام کے دوران مختلف تقریبات میں شرکت اور اوورسیز کمیونٹی کی اہم شخصیات سے ملاقات کرینگے جبکہ انکی غیر موجودگی میں سنیئر صحافی طارق محمود ثاقب پریس کلب کے قائمقام صدر ہونگے۔
تحقیق کے ذریعے ذہنی تخلیق کو اُجاگر کیا جاسکتا ہے۔ شاہ فیصل کالونی میں سائنسی نمائش کا انعقاد
اسپارک کے تحت گورنمنٹ اسکول کے مابین کرکٹ میچ کا انعقاد
