بھمبر (ڈسٹرکٹ رپورٹر) الخیر یونیورسٹی کے وائس چانسلر ڈاکٹر امتیاز اقدس نے کہا کہ پشاور میں تعلیم گاہ کو قتل گاہ بنانے والے علم دشمن ہیں جنہوں نے سکول پر نہیں بلکہ پاکستان کے مستقبل پر حملہ کیا ہے سانحہ پشاور ایک المناک قومی سانحہ ہے سفاک درندوں نے معصوم طلباء اور اساتذہ کو شہید کر کے انسانیت سوز کارروائی کی ہے پھولوں کے شہر کو خون میں رنگ دیا جس کی جتنی بھی مذمت کی جائے کم ہے انہوں نے کہا کہ سکول پر حملہ کرنے والے درندے انسانیت کی بھی تذلیل ہیں معصوم کلیوں کو پھول بننے سے قبل مسل دینے کی کوئی مذہب اور کوئی معاشرہ اجازت نہیں دیتا حملہ کرنے والے مسلمان تو دور کی بات انسان کہلانے کے قابل بھی نہ ہیں اس طرح کے واقعات مسلمانوں اسلام اور پاکستان کو بد نام کرنے کی گھنائونی سازش ہے ہمیں متاثرہ خاندانوں سے دلی ہمدردی ہے ہماری دعا ہے کہ اللہ تعالیٰ شہداکے درجات بلند کریں اور لواحقین کو صبر و جمیل عطا فرمائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر ( ڈسٹرکٹ رپورٹر ) یونین کونسل شمالی افتخار آباد کے گائوں نواں چک کے درجنوں افراد نے خاندانوں سمیت پیپلز پارٹی کو خیر آباد کہہ کر مسلم کانفرنس میں شمولیت اختیار کر لی آئندہ الیکشن میں مرزا شفیق جرال کی حمایت کا اعلان تفصیلات کے مطابق یونین کونسل شمالی افتخار آباد کے گائوں نواں چک سے پیپلز پارٹی اور وزیر حکومت چوہدری پرویز اشرف کو چھوڑ کر درجنوں افراد نے کنبوں ، قبیلوں سمیت مسلم کانفرنس میں شمولیت اختیار کر لی اور آئندہ الیکشن میں سابق وزیر حکومت مرزا محمد شفیق جرال کی حمایت کا اعلان کر دیا اعلان کرنے والوں میں سید مظفر الحسین، سید عبدالقادر شادہ، سید عتیق الرحمان، سید مہیب الرحمان، سید لطیف شاہ ، سید محمد یونس، سید منور الحسن، قاری سید محمد یوسف شاہ، ڈاکٹر سید محمد یاسین شاہ، سید علی رضا شاہ، راجہ منیر حسین، راجہ محمد رشید ، راجہ محمد راشد، مرزا شاہد خلیل نمایاں ہیں۔
اس موقع پر مرکزی چیف آرگنائز و سابق وزیر حکومت مرزا محمد شفیق جرال نے نئے شامل ہونیوالوں کا خیر مقدم کرتے ہوئے کہا کہ مہاجرین 1965 کو حقوق ملکیت مسلم کانفرنس کے دور میں ملے مسلم کانفرنس نے ہی مہاجرین کو آباد کیا انہوں نے کہا کہ پیپلز پارٹی کے دور میں یونین کونسل افتخار آباد شمالی میں کوئی کام نہیں کیا جسکی وجہ سے لوگ مسلم کانفرنس اور میری کارکردگی سے متاثر ہو کر میرے قافلے میں شامل ہو رہے ہیں آئندہ الیکشن میں مسلم کانفرنس بھاری اکثریت سے کامیابی حاصل کریگی اور علاقہ کے اندر تعمیر و ترقی کا عمل دوبارہ شروع کیا جائے گا انہوں نے کہا کہ مسلم کانفرنس میں شامل ہونیوالوں کا بھر پور تحفظ کیا جائیگا اس موقع پر سید جماعت علی شاہ ، چوہدری محمد ارشاد آسی ایڈووکیٹ نے سید برادران کا شکریہ ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) میونسپل کمیٹی بھمبر کے نئے تعینات ہونیوالے ایڈمنسٹریٹر راجہ شاہد انور نے اپنے عہدے کا باقاعدہ چارج سنبھال کیا چارج سنبھالنے سے قبل موصوف کو اپنی رہائش گاہ سے ایک بڑے جلوس کے ہمراہ میونسپل کمیٹی کے دفتر لایا گیا جلوس سینکڑوں گاڑیوں اور موٹر سائیکلوں پر مشتمل تھا جلوس راجہ شاہد انور کی رہائش گاہ کوٹھی موڑ سے شروع ہوا جو میرپور چوک، سماہنی چوک، ہاتھی، گیٹ ، لاری اڈہ، سبزی چوک، میلادچوک، سکول چوک، ہسپتال چوک، کالج چوک اور ڈی سی آفس روڈ سے ہوتا وا میونسپل کمیٹی کے کمیونٹی ہال پہنچا راستے اور بازار میں لوگوں نے انکی گاڑیوں پر پھولوں کی پتیاں نچاور کی اور گلے میں مالا بھی ڈالی جبکہ یوتھ کے نوجوانوں ڈھول کی تھاپ پر رقح اور بھنگڑے ڈالتے رہے کمیونٹی ہال میں نئے ایڈمنسٹریٹر کے اعزا زا میں استقبالیہ دیا گیا استقبالیہ تقریب سے خطاب کرتے ہوئے ایڈمنسٹریٹر میونسپل کمیٹی راجہ شاہد انور نے کہا کہ ایڈمنسٹریٹر تعینات کرنے پر پیپلز پارٹی کی مرکزی قیادت ، محترمہ فریال تالپور، وزیراعظم آزاد کشمیر چوہدری عبدالمجید، سنیئر وزیر چوہدری محمد یاسین اور ممبر کشمیر کونسل راجہ بابر علی ذوالقرنین خان کا شکر گزار ہوں جنہوں نے مجھ پر اعتماد کیا اور مجھے اس عہدے پر فائز کیا پوری کوشش کرونگا کہ قائدین نے مجھ پر جو اعتماد کیا لوگوں کے مسائل حل کرنے اور شہر کے اندر تعمیر و ترقی کیلئے اپنا بھر پور کردار ادا کروں سیاسی وابستگی سے بالا تر ہو کر میرٹ ، ایمانداری سے بلا تخصیص لوگوں کی خدمت کرونگا والد محترم کے لوگوں کی خدمت کے مشن کو جاری ساری رکھوں گا۔
استقبالیہ تقریب سے صدر ڈسٹرکٹ بار راجہ مظہر اقبال ایڈووکیٹ، سابق ممبر ضلع کونسل چوہدری محمد یوسف درائیاں ، سابق چیئرمین ضلع زکوٰة و عشر چوہدری فضل علی، صدر میلاد کمیٹی چوہدری محمد اکرم، صدر کشمیر پریس کلب راجہ نعیم گل سمیت دیگر نے خطاب کیا استقبالیہ پروگرام کے بعد موصوف نے میونسپل کمیٹی کے دفتر جا کر اپنے عہدے کا باقاعدہ چارج سنبھالا اس موقع پر بھمبر کی تمام سیاسی جماعتوں کے نمائندے، سول سوسائٹی ، تاجر ، وکلائ، صحافیوں ، یوتھ اور رفقاء کار کی بڑی تعداد بھی موجود تھی اس موقع پر شہر بھر میں ایڈمنسٹریٹر کے مبارکبادی بینرز ، پینا فلیکس اور قد آور پورٹریٹ جگہ جگہ لگائے گئے تھے۔
بھمبر (ڈسٹرکٹ رپورٹر) میلاد کمیٹی بھمبر کا اجلاس چوہدری محمد اکرم میلاد کمیٹی بھمبر کے صدر جبکہ فواد خورشید جنرل سیکرٹری منتخب تفصیلات کے مطابق میلاد کمیٹی بھمبر کا اجلاس مرکزی جامع مسجد بھمبر میں منعقد ہوا اجلاس کی صدارت پروفیسرمولانا امین الدین نے کی اجلاس میں تاجروں، سول سوسائٹی ، یوتھ کے نمائندئوں نے شرکت کی اجلاس میں اتفاق رائے سے چوہدری محمد اکرم عرف پپو جٹ کو میلاد کمیٹی بھمبر کا صدر جبکہ فواد خورشید کو جنرل سیکرٹری منتخب کر لیا گیا جبکہ دیگر عہدیداران کا انتخاب نو منتخب صدر اور جنرل سیکرٹری باہمی مشاورت سے کرینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) پریس فائونڈیشن کے الیکشن میں امجد چوہدری کی کامیابی ورکنگ جر نلسٹس کی فتح ہے 11 سال سے پریس فائونڈیشن کو چند لوگوں نے یرغمال بنا رکھا ہے مخصوص گروپ کو نوازا جا رہا تھا جب کہ ورکنگ جرنلسٹس کا استحصال کیا جا رہا تھا ان خیالات کا اظہار یونین آف جرنلسٹ ضلع بھمبر کے صدر ڈاکٹر طاق شاکر ، نائب صدر ملک شوکت حسین سیکرٹری مالیات ارشد محمود غازی نے کیا انہوں نے کہا کہ امجد چوہدری کا پریس فائونڈیشن آزاد جموں و کشمیر کو وائس چیئرمین منتخب ہونا ورکنگ جرنلسٹس کی فتح ہے پریس فائونڈیشن کے ممبران نے آزاد کشمیر میں عامل صحافیوں کو بورڈ آف گورنر کا ممبر منتخب کیا تھا جنہوں نے 11 سال سے یرغمال پریس فائونڈیشن کو قبضہ گروپ سے آزاد کرواتے ہوئے اچھی قیادت کا انتخاب کیا ہے امجد چوہدری کا وائس چیئرمین پریس فائونڈیشن منتخب ہونا عامل صحافیوں کیلئے خوش آئند ہے ان کے انتخاب سے عامل صحافیوں کے مسائل حل ہونگے پریس فائونڈیشن کی کارکردگی میں بہتری آئیگی موصوف اپنی خداداد صلاحیتیوںسے پریس فائونڈیشن کو فعال ادارہ بنائینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر) ڈسٹرکٹ ٹریفک انسپکٹر رانا رضوان اختر نے کہا ہے کہ ڈی آئی جی ٹریفک سردار فہیم خان اور ایس ایس پی چوہدری منیر حسین کی خصوصی ہدایت پر ٹریفک نظم کو بہتر اور جدید بنانے کیلئے پلان پر عملدرآمد شروع کر دیا ہے موٹر سائیکل سوالوں کیلئے ہملٹ کے لازمی استعمال ، دوران ڈرائیونگ موبائل فون استعمال کرنے، طے شدہ کرایوں سے زیادہ وصول کرنے والوں، کم عمر ڈرائیوروں کی سرزنش سمیت کالے شیشے استعمال کرنے والی گاڑیوں کے خلاف گرینڈ آپریشن شروع کر دیا ہے خلاف ورزی کے مرتکب افراد کے خلاف سخت قانونی کارروائی عمل میں لائینگے ان خیالات کا اظہار انہوں نے کشمیر پریس کلب بھمبر کے صحافیوں کو اپنی کارکردگی کے حوالہ سے تفصیلات بتاتے ہوئے کہا کہ سال 2014 کے گذشتہ 11 ماہ کے دوران ضلع بھمبر میں ٹریفک قوانین کی خلاف ورزیوں پر 28166 کو مبلغ 12197500 روپے جرمانہ کیا گیا جبکہ 6000 سے زائد گاڑیوں اور موٹر سائیکلوں کو ضبط کیا گیا انہوں نے کہا کہ جرمانے بدوں کاغذات ، لائسنس ، نمبر پلیت، ہیلمٹ ، فٹنس سرٹیفکیٹ کی عدم دستیابی سمیت اوور لوڈنگ ، زائد کرایہ وصولی سمیت دیگر خلاف ورزیوں پر کئے گئے اس موقع پر انہوں نے کہا کہ میڈیا کی طرف سے مسائل کی نشاندہی پر ان کے مشکور ہیں ہم انشاء اللہ خرابیوں اور خامیوں کو دور کرنے کی کوشش کرینگے میڈیا کے توسط سے عوام الناس سے اپیل کرتے ہیں کہ وہ ہمارے ساتھ تعاون کریں ہم انہیں محفوظ سڑکیں اور حادثات سے محفوظ ٹریفک نظام مہیا کریں عوام ٹریفک قوانین کی پاسداری کریں اور اپنے چھوٹے چھوٹے بچوں کو موٹر سائیکل اور گاڑیاں دینے سے گریز کریں۔
