بھمبر ( ڈسٹرکٹ رپورٹر ) بھمبر میں اہل سنت والجماعت کے راہنما حافظ شجاع الرحمن پر ہونیوالا حملہ سفاکیت، درندگی اور ظلم ہے انجمن حسینیہ بھمبر اس کی بھر پور مذمت کرتی ہے اور انتظامیہ سے مطالبہ کرتی ہے کہ واقعہ کی تحقیقات کرائی جائیں اور ملوث عناصر کو سامنے لا کر قرار واقعہ سزا دی جائے ان خیالات کا اظہار انجمن حسینیہ بھمبر کے صدر سید سبط الحسن کاظمی نے کشمیر پریس بھمبر میں سید مدثر بخاری، سید ماجد علی گیلانی، امانت ذوالفقار جعفری اور ملک عبدالرزاق کے ہمراہ پریس کانفرنس کرتے ہوئے کیا انہوں نے کہا کہ حافظ شجاع الرحمن ہمارے بھائی ہیں ہم سب ایک ہی شہر کے رہنے والے ہیں ان کے ساتھ پیش آنے والا واقعہ نہ صرف افسوسناک ہے بلکہ انتہائی زیادتی اور ظلم و ستم ہے جس کی ہم بھر پور مذمت کرتے ہیں ہم ہر طرح کی دہشت گردی کے خلاف ہیں تمام مسلمان بھائی کلمہ گو ہیں واقعہ شہر کی پر امن فضا کو خراب کرنے کی سازش ہے جسے مذہبی رنگ دے کر بھمبر کا امن خراب کرنے کی کوشش کی گئی ہے ہم سب کو بھمبر شہر کا امن عزیز ہے انجمن حسینیہ تمام مسالک کا احترام کرتی ہے جیو اور جینے دو کی پالیسی پر گامزن ہے انہوں نے کہا کہ ہم حسینی قافلہ کے پیرو کار ہیں اور ہر طرح کے جبر اور ظلم کے خلاف ہیں انتظامیہ سے بھی ہمارا مطالبہ کیا کہ بھائی حافظ شجاع الرحمان کے ساتھ پیش آنے والے واقعہ کی غیر جانبدارانہ تحقیقات کی جائیں اس سلسلہ میں اہل تشیع انتظامیہ کے ساتھ ہر قسم کا تعاون کرنے کیلئے تیار ہیں انتظامیہ ملوث عناصر کو سامنے لا کر بھمبر شہر کی پر امن فضا کو خراب کرنے کی سازش کرنے والوں کو بے نقاب کرے ہم حافظ شجاع الرحمان کی جلد صحت یابی کیلئے بھی دعا گو ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بھمبر ( ڈسٹرکٹ رپورٹر )بھمبر ڈسٹرکٹ ایجوکیشن آفیسر نسواں کا دفتر مخص نوکریوں کی فروخت بے جا تقرریوں اور من پسند تبادلوں کا مرکز بن کر رہ گیا ہے تعلیم کے شعبے میں در پیش مسائل کے تدارک کی بجائے من مرضیاں اور اقربا پروری موجود آفیسران کا شیوہ ہے سیرلہ گرلز پرائمری سکول میں موجود نائب قاصد ہ کی آسامی پر استحقاق رکھنے والی خاتون کے حق پر شب خوب مار کر انتہائی زیادتی کی گی جس کی ہم بھر پور مذمت کرتے ہیں ہمارا وزیر تعلیم سے مطالبہ ہے کہ بھمبر ڈسٹرکٹ ایجوکیشن آفیسر نسواں میں جاری غیر ضروری کاروبار کا نوٹس لیا جائے بصورت دیگر عوام علاقہ DEO آفس کا گھیرائو کر کے سخت احتجاج کرینگے ان خیالات کا اظہار سیرلہ کے سیاسی و سماجی راہنما راجہ شبیر حسرت نے میڈیا نمائندگان سے گفتگو کرتے ہوئے کیا انہوں نے کہا کہ گرلز پرائمری سکول سیرلہ میں کالرہ نائب قاصدہ کی خالی آسامی پر سیرلہ کی مقامی اور اہلیت رکھنے والی بیوہ خاتون کا حق تھا جسے ڈسٹرکٹ ایجوکیشن آفس میں موجود عملہ نے ملی بھگت کر کے میرٹ سے ہٹ کر اپنی من پسند امیدوارہ کو ایڈجسٹ کر دیا جو اہل علاقہ کیساتھ بڑی زیادتی ہے انہوں نے کہا کہ وزیر تعلیم آزاد کشمیر میں بوگس تقرری کا نوٹس لیں بصورت دیگر اہلیان سیرلہ DEO آفس کا گھیرائو کر کے سخت احتجاج پر مجبور ہونگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) پیپلز یوتھ آرگنائزیشن ضلع بھمبر کے عہدیداران نے اپنے استعفیٰ پیپلز پارٹی آزاد کشمیر کے چیف آرگنائزر وزیر ہائوسنگ چوہدری پرویز اشرف کو دے دئیے تفصیلات کے مطابق پیپلز پارٹی اور حکومت کی طرف سے پیپلز یوتھ آرگنائزیشن ضلع بھمبر کے عہدیداران اور کارکنان کو مسلسل نظر انداز کرنے پر چند روز قبل اپنے استعفیٰ PYO کے مرکزی ممبر عمر ریاض ساگر کو پیش کیے تھے جن کو عمر ریاض ساگر نے ضلعی عہدیدران کے ہمراہ گذشتہ روز پیپلز ہائوس میں پیپلز پارٹی آزاد کشمیر کے مرکزی چیف آرگنائزر و وزیر ہائوسنگ و فزیکل پلاننگ چوہدری پرویز اشرف کو پیش کر دیا گیا وزیر ہائوسنگ نے یوتھ کے عہدیداران سے ایک ہفتہ کی مہلت مانگ لی انہوں نے یوتھ کے عہدیداران کو یقین دلایا کہ ایک ہفتہ کے اندر اندر آپ کے مسائل اور استعفوںکے حوالے سے زرداری ہائوس کو آگاہ کرونگا اور آپ کے مسائل حل کرونگا اگر ایک ہفتہ کے اندر آپ کی جائز شکایات اور مسائل حل نہ ہوئے تو آپ آئندہ کا لائحہ عمل طے کرنے میں آزاد ہونگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) سٹی صدر اہل سنت والجماعت حافظ شجاع الرحمن پر قاتلانہ حملے اور بھمبر میں ہونیوالی دہشت گردی کے خلاف آج بھمبر میں امن ریلی نکالی جائیگی امن ریلی بعد نماز جمعہ میلاد چوک سے شروع ہوگی جو بھمبر کے مختلف بازاروں کا چکر لگائے گی تفصیلات کے مطابق چند روز قبل سٹی صدر اہل سنت والجماعت حافظ شجاع الرحمن پر ہونیوالے قاتلانہ حملہ اور بھمبر شہر میں ہونیوالی دہشت گردی کی کارروائی کے خلاف اہل سنت والجماعت کے زیر اہتمام آج امن ریلی نکالی جائیگی جس میں تاجر، سول سوسائٹی،بھمبر کے سیاسی وسماجی تنظیموں سمیت اہل سنت والجماعت کے کارکنان شرکت کرینگے امن ریلی بعد نماز جمعہ میلاد چوک سے شروع ہو گی جو بھمبر کے مختلف بازاروں کا چکر لگاکر واپس میلاد چوک میں اختتام پذیر ہو گی امن ریلی سے اہل سنت والجماعت کے مرکزی قائدین اور ضلعی عہدیداران کے علاوہ دیگر بھی خطاب کرینگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) صدر ریاست، وزیراعظم آزاد کشمیر اور چیف جسٹس سپریم کورٹ و ہائی کورٹ میں باکردار لوگوں کو شریعت کورٹ کے جج کیلئے منتخب کریں ایسے وکلاء کو جج بنایا جائے جن کا کردار معاشرہ میں اور وکلاء میں بہترین ہو اگر غلط لوگوں کا پینل بنایا گیا تو اس سے وکلاء اور عوام میں شدید رد عمل ہو گا سول سوسائٹی ایماندار، دیانتدار اور با کردار لوگوں کو جج دیکھنا چاہتی ہے جوڈیشل نظام کی مضبوطی اصل میں ریاست میں کی مضبوطی کا دوسرا نام ہے ان خیالات کا اظہار ممبر بار کونسل چوہدری محمد لطیف ایڈووکیٹ، چوہدری محمد نجیب ایڈووکیٹ، چوہدری سعید خادم ایڈووکیٹ، چوہدری امتیاز تاج ایڈووکیٹ، مرزا مظہر اقبال ایڈووکیٹ، مرزا محمد اقبال ایڈووکیٹ، خواجہ محمد امین ایڈووکیٹ، مرزا محمد اقبال ایڈووکیٹ ، چوہدری غضنفر علی ایڈووکیٹ، راجہ غضنفر علی ایڈووکیٹ، چوہدری ظفر محمود ایڈووکیٹ اور چوہدری محمد اسلیم ایڈووکیٹ نے ایک میٹنگ میں کیا انہوں نے کہا کہ حالات اور وقت کا تقاضا ہے کہ اچھے لوگوں کو جج بنایا جائے لوگوں کی نظر میں اس وقت صدر ریاست ، وزیراعظم آزاد کشمیر، چیف جسٹس ہائی کورٹ و سپریم کورٹ پر لگی ہوئی ہیں ٹائوٹ، کرپٹ، بدنام اور اچھی شہرت نہ رکھنے والوں لوگوں کو اگر جج بنایا گیا تو ا سے بہت نقصان ہو گا جس سے قوم کافی عرصہ تک سزا بھگتے گی راشی اور برے کردار کے لوگوں کو تو معاشرہ قبول نہیں کرتا پڑھی لکھی سوسائٹی تو کسی طور برداشت نہیں کر سکتی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) بھمبر یوتھ کے راہنما چوہدری عامر اکرم کے والد محترم چوہدری محمد اکرم گذشتہ روز قضائے الہٰی سے وفات پا گئے مرحوم کو نماز جنازہ کے بعد تحصیل والے قبرستان میں سپرد خاک کر دیا گیا نماز جنازہ میں ڈپٹی اپوزیشن لیڈر چوہدری طارق فاروق، سابق سپیکر اسمبلی چوہدری انوار الحق، نائب صدر PPP ڈاکٹرا نعام الحق چوہدری، چوہدری محمد نجیب ایڈووکیٹ، سابق ممبر ضلع کونسل چوہدری محمد یوسف درائیاں، چیف آفیسر چوہدری محمد فیاض، ایکسین برقیات چوہدری احسان اللہ، صدر صراف یونین راجہ شوکت علی، ٹھیکیدار چوہدری محمد الیاس، چوہدری ظہیر الدین بابر، صدر ٹرانسپورٹ یونین ضلع بھمبر چوہدری محمد عارف کاکا، سابق صدر پریس کلب راجہ نعیم گل، چوہدر ی طالب حسین گورسیاں، ماسٹر چنن دین، صدر میلاد کمیٹی بھمبر چوہدری محمد اکرم مقدم، چوہدری خالد حسین ایڈووکیٹ، ذیشان مصطفی، پروفیسر فہیم گل، انتظار سلیم گیٹو، SDO چوہدری عنصر محمود، چوہدری طفیل احمد، شیخ محمد صادق، چوہدری خالد لاٹ ، چوہدری سلیمان یونس، چوہدری تنویر صابر، چوہدری ندیم صابرسمیت تاجروں، سول سوسائٹی اور عزیز و اقارب نے بڑی تعداد میں شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) سیکرٹری تعلیم سکولز آزاد کشمیر راجہ غلام عباس نے گورنمنٹ پائلٹ سکینڈری سکول بھمبر کا معائنہ کیا سکول کے چاک و چوبند رائفل اور بینڈ دستہ نے سیکرٹری تعلیم کو سلامی پیش کی اس موقع پر صدر سکولز آفیسران سید آزاد حسین گردیزی، سابق صدر معلم چوہدری خورشید احمد اور ڈسٹرکٹ ایجوکیشن آفیسر مردانہ چوہدری محمد اشرف بھی موجود تھے سیکرٹری تعلیم نے رائفل اور بینڈ دستہ کی کارکردگی کو سراہتے ہوئے 10 ہزار روپے انعام دیا جبکہ ادارہ کے صدر معلم اور سٹاف کو مبارکباد دی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) ایڈمنسٹریٹر میونسپل کمیٹی بھمبر راجہ شاہد انور کا معذور بچوں کے سکول اور گورنمنٹ مسجد پرائمری سکول ستھہ باولی کا وزٹ معذوروں کیلئے 10 ہزار جبکہ پرائمری سکول کی چار دیواری تعمیر کرنے کا اعلان تفصیلات کے مطابق ایڈمنسٹریٹر میونسپل کمیٹی بھمبر راجہ شاہد انور نے گذشتہ روز بلدیہ حدود میں قائم معذور بچوں کے سکول صبا انسٹی ٹیوٹ آف سپیشل ایجوکیشن اور گورنمنٹ مسجد سکول پرائمری سکول ستھہ باولی کا وزٹ کیا اس موقع پر صدر میلاد کمیٹی بھمبر چوہدری محمد اکرم مقدم، ٹھیکیدار چوہدری محمد یونس درائیاں، چوہدری محمد رشید مقدم ، SDO میونسپل کمیٹی چوہدری تبارک حسین ، چوہدری منظور ان کے ہمراہ تھے ایڈمنسٹریٹر میونسپل کمیٹی راجہ شاہد انور نے معذور بچوں کیلئے 10 ہزار روپے جبکہ پرائمری سکول کی چار دیواری کی تعمیر کرنے کا اعلان کیا۔
آٹھواں آل پاکستان نیشنل بنک فٹ بال ٹورنامنٹ میں بلوچ یوتھ ملیر اور بغداد اسپورٹس کی فتوحات
بھمبر کی خبریں عاطف اکرم سے 15/01/2015
