بھمبر کی خبریں 07.04.2013
Posted on April 7, 2013 By Tahir Webmaster سٹی نیوز
بھمبر گجرات روڈ اور بھمبر میرپور روڈ کھنڈرات میں تبدیل جگہ جگہ گڑھے
بھمبر(ڈسٹرکٹ رپورٹر)بھمبر گجرات روڈ اور بھمبرمیرپور روڈ کھنڈرات میں تبدیل جگہ جگہ گڑھے منٹوں کا سفر گھنٹوں میں طے ہونے لگا جبکہ گڑھوں کے باعث متعدد حادثات محکمہ شاہرات گڑھوں کو تارکول اور بجری کی بجائے مٹی سے بھرنے میں مصروف بارش ہوتے ہی پھسلن بننے لگی عوام علاقہ کا اعلیٰ حکام سے اصلاح و احوال کا مطالبہ تفصیلات کیمطابق محکمہ شاہرات بھمبرکی غفلت کے باعث بھمبر میرپور روڈ اور بھمبر گجرات روڈ بڑے بڑے گڑھوں میں تبدیل ہو کر کھنڈرات کا منظر پیش کررہی ہے سڑکوں میں ناقص میٹریل کے استعمال اور سڑکوں کے کنارے پر نکاسی کے نالے نہ ہونے کے باعث سڑکیں دن بدن ٹوٹ پھوٹ شکار ہین جبکہ سڑکوں میں پڑنے والے گڑھوں کے باعث متعدد حادثات بھی رونما ہو چکے ہیں جن میں کئی قیمتی انسانی جانیں بھی ضائع ہو چکی ہیں جبکہ محکمہ شاہرات حسب روایت گڑھوں میں تارکول بجری ڈالنے کی بجائے مٹی سے پر کرنے کی پالیسی پر گامزن ہے گڑھوں میں ڈالی جانے والی مٹی بارش کے بعد مزید پھسلن کا باعث بن جاتی ہے جس سے سڑکوں پر دوڑنے والے گاڑیوں اکثر سلپ ہو کر حادثات کا شکار ہو جاتی ہیں جبکہ سڑکوں کو مزید نقصان پہنچا ہے عوام علاقہ نے اعلیٰ حکام سے محکمہ شاہرات کی مبینہ غفلت کا نوٹس لینے کامطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موضع بڑھنگ لس کے پٹواری نے ملی بھگت کرکے آباؤ اجدادسے لیکر ہمارے زیر قبضہ ملکیتی رقبہ پر کسی اور کی گرداوری لگا دی
بھمبر(ڈسٹرکٹ رپورٹر)موضع بڑھنگ لس کے پٹواری نے ملی بھگت کرکے آباؤ اجدادسے لیکر ہمارے زیر قبضہ ملکیتی رقبہ پر کسی اور کی گرداوری لگا دی ہے کمشنرمیرپور ڈویژن اور ڈپٹی کمشنر بھمبر واقع کا نوٹس لیکر انصاف دلائیں اور متعلقہ اہلکاروں کیخلاف کاررائی کریں 1ٹانگ سے معذور سکول ٹیچر کی دہائی تفصیلات کیمطابق گزشتہ روز بھمبرکے نواحی گاؤں بڑھنگ کے رہائشی 1ٹانگ سے معذور سکول ٹیچر عنصر محمود نے صحافیوں کو بتایا کہ میرے دادا رحمداد خان نے 1970میں موضع لس میں نمبر خسرہ 1032،1030اور 1038سے رقبہ تعدادی 86کنال خریدا تھا جوکہ ہمارے قبضہ میں ہے اور ہم اسے کاشت کرتے چلے آرہے ہیں ہمارے زیر قبضہ ملکیتی رقبہ خسرہ نمبر 1030موضع لس سے محکمہ مال کے پٹواری نے ملی بھگت کرکے نذرحسین وغیرہ کے نام گرداوری لگا دی ہے اور ریکارڈ مال میں 1986درج کر دیا ہے جبکہ ہمارے پاس نقل گرداوری 1997اور2001موجود ہے جس پر ہمارے علاوہ کوئی شخص قابض نہ ہے پٹواری حلقہ محمد لطیف نے نذرحسینسے ساز باز کرکے ہمارے قیمتی زرعی رقبہ کی جعلی گرداوری لگا دی ہے سکول ٹیچر عنصر محمود نے کمشنر میرپور ڈویژن راجہ امجد پرویز علی اور ڈپٹی کمشنر بھمبر چوہدری محمد طیب سے مطالبہ کیاہے کہ وہ ریکارڈ مال کی چھان بین کرکے جعلی گرداوری کی منسوخی کے احکامات صادر فرمائیں اور ریکارڈ مال میں ردوبدل کرنے والے پٹواری کیخلاف قانونی کارروائی کریں تاکہ آئندہ محکمہ مال کا کوئی اہلکار ریکارڈ مال میں ردو بدل نہ کر سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر میںبجلی کی غیر اعلانیہ لوڈ شیڈنگ میں بے تحاشہ اضافہ شہری اور تاجرچکرا کر رہ گئے
بھمبر(ڈسٹرکٹ رپورٹر)بھمبر میںبجلی کی غیر اعلانیہ لوڈ شیڈنگ میں بے تحاشہ اضافہ شہری اور تاجرچکرا کر رہ گئے جبکہ کئی ایک علاقوں میں پانی کا بحران شدت اختیار کر گیا عوام علاقہ شہریوں اور تاجروں کاغیر اعلانیہ لوڈ شیڈنگ پر شدید غم وغصہ کااظہار غیر اعلانیہ لوڈشیڈنگ بند کی جائے بصورت دیگر احتجاج پر مجبور ہو نگے تفصیلات کیمطابق بھمبرمیں غیر اعلانیہ لوڈشیڈنگ کا دورانیہ کئی کئی گھنٹوں تک جا پہنچاہے لوڈ شیڈنگ کے باعث شہریوں کی زندگی اجیرن ہو گئی جبکہ تاجر برادری خصوصاً بجلی سے چلنے والے کاروبارٹھپ ہو کر رہ گئے ہیں بجلی کی کئی کئی
گھنٹے کی غیر اعلانیہ بندش کے باعث متعدد علاقوں میں پانی کا بحران پیدا ہو گیا ہے اور شہری ہینڈ پمپوں سے پانی لانے پر مجبور ہو گئے ہیں شہریوں نے کہاکہ محکمہ برقیات ہر ماہ اضافی یونٹس کے بلز نہیں آنے چاہیے انہوں نے کہاکہ محکمہ برقیات کے میٹرریڈرز اور آفیسران ملی بھگت سے عوام کا خون چوس رہے ہیں جو اب برداشت سے باہر ہوتا جا رہا ہے شہریوں ،عوام علاقہ اور تاجروں نے کہاکہ اگر غیر اعلانیہ لوڈ شیڈنگ او ربجلی کے بلوں میں اضافی یونٹوں کا مسلہ حل نہ کیا گیا تو محکمہ برقیات کے دفاتر کا گھیراؤ کرینگے اور راست اقدام اٹھانے سے بھی گریز نہیں کیا جائے گا انہوں نے کہاکہ ڈپٹی کمشنر بھمبر صورتحال کا نوٹس لیکر محکمہ برقیات کے ذمہ داران کو بجلی لوڈشیڈنگ کا باقاعدہ شیڈول دینے کا پابند بنائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خلیل قمر چوہدری ماہر مضمون کی زیر صدارت سیکنڈری سکولز آفیسرز کا اجلاس منعقدہوا
بھمبر(ڈسٹرکٹ رپورٹر)خلیل قمر چوہدری ماہر مضمون کی زیر صدارت سیکنڈری سکولز آفیسرز کا اجلاس منعقدہوا جس میں چوہدری عبدالکریم صدرمعلم کو کنٹرولر امتحانات ثانوی تعلیمی بورڈ میرپور آزادکشمیر تعیناتی پر مبارکباد دیتے ہوئے وزیر اعظم آزادکشمیر ،وزیر تعلیم ،سینئر وزیر چوہدری محمد یاسین کاشکریہ ادا کیا جنہوں نے ایک سینئر ترین ،دیانتدار ،فرض شناس اور اچھی شہرت کے حامل صدرمعلم کو تعلیمی بورڈ جیسے حساس ادارے میں تعینات کیا تعلیمی بورڈ آزادکشمیر کے تمام ادارہ جات میں کلیدی حیثیت رکھتا ہے اس میں پورے آزادکشمیر کے نونہالوں کا مستقبل چھپا ہوا ہے اس کا سربراہ ایسے شخص کو ہونا چاہیے جس کا ماضی اور حا ل دونوں کرپشن سے پاک ہوں اور اس میں دیانتداری اور فرض شناسی کوٹ کوٹ کر بھری ہوئی ہے بلاشبہ کنٹرولر ہذاء یہ تمام خصوصیات پائی جاتی ہیں امید واثق ہے کہ انکی تعیناتی سے بورڈ ترقی کی منازل طیکرے گا اس موقع پر اجلا س میں محمد مشتاق مدرس،محمدریاض مدرس،محمدفاروق مدرس،چوہدری خالد حسین سینئر سائنس مدرس ،ظفر اقبال جونیئر
مدرس سمیت دیگر نے بھی شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم کانفرنس ریاستی تشخص کی علامت ہے عوامی حقوق اور تحریک آذادی کشمیر کیلئے مسلم کانفرنس کی گراں قدر خدمات ہیں مسلم کانفرنس کو کمزور کرنا
بھمبر(ڈسٹرکٹ رپورٹر )مسلم کانفرنس ریاستی تشخص کی علامت ہے عوامی حقوق اور تحریک آذادی کشمیر کیلئے مسلم کانفرنس کی گراں قدر خدمات ہیں مسلم کانفرنس کو کمزور کرنا تحریک آذادی کشمیر کو کمزور کرنے کے مترادف ہے عوامی حقوق اور تحریک آذادی کشمیر کیلئے صدر جماعت سردارعتیق احمدخان کی قیادت میں اپنا سیاسی سفر جاری رکھیں گے ان خیالات کااظہار آل جموں و کشمیر مسلم کانفرنس UKکے نومنتخب نائب صدر چوہدری محمد اسلم بنڈالوی نے کیا انہوںنے کہاکہ مسلم کانفرنس تحریک آزادی کشمیر اور نظریہ الحاق پاکستان کی داعی جماعت ہے غیر ریاستی جماعتوں کی وجہ سے تحریک آزادی کشمیر پر منفی اثرات مرتب ہو رہے ہیں مسلم کانفرنس کشمیریوں کے قومی تشخص ،عزت و وقار کی علامت ہے جسکی آزادخطے کے عوام کے حقوق اور تحریک آذادی کشمیر کیلئے گراں قدر خدمات ہیں مسلم کانفرنس جتنی مضبوط ہو گی تحریک آزادی کشمیر بھی اتنی ہی مضبوط ہو گی آزادخطے میں جتنی بھی ڈویلپمنٹ ہوئی ہے اس کا تمام تر کریڈٹ مسلم کانفرنس کے سپریم ہیڈ سردار عبدالقیوم خان اور صدرجماعت سردار عتیق احمد خان کو جاتا ہے مجاہد اول سے لیکرسردار عتیق تک مسلم کانفرنس کا دور حکومت مثالی رہا ہے جس سے تعمیر وترقی اور خوشحالی آئی اور اس دوران تحریک آزادی کشمیر کو مضبوط کیا گیا آج ایک منظم سازش کے تحت مسلم کانفرنس کو کمزور کرکے تحریک آذادکشمیر کو کمزور کرنے کی کوشش کی جارہی ہے اور ریاست جموں وکشمیر کی وحدت کو بحال کرنے کی بجائے تقسیم کیا جا رہا ہے انہوں نے کہاکہ ریاست جموںوکشمیر کے باشعور عوام آج بھی مسلم کانفرنس کیساتھ ہیں اور انشاء اللہ مسلم کانفرنس ایک بار پھر خطے کی مضبوط اور سیاسی قوت بن کرسامنے آئے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عظیم لیڈر مرتے نہیں بلکہ ہمیشہ عوام کے دلوںمیںزندہ رہتے ہیں
بھمبر(ڈسٹرکٹ رپورٹر )عظیم لیڈر مرتے نہیں بلکہ ہمیشہ عوام کے دلوںمیںزندہ رہتے ہیں ذوالفقار علی بھٹو پوری دنیا کے عظیم لیڈر تھے اور آج بھی عوام کے دلوں میں زندہ ہیں قائد عوام نے پوری دنیا کے غریب اور مظلوموں کو عزت ووقار کیساتھ زندہ رہنا سکھایا ان خیالات کااظہار پاکستان پیپلزپارٹی برٹن کے صدر چوہدری محمد یونس آف بروٹی نے کیا انہوں نے کہاکہ ذوالفقار علی بھٹو شہید کے نظریات اور افکار آج بھی زندہ ہیں جبکہ ان کو قتل کرنے والے فوجی آمر کا آج کوئی نام نہ ہے ذوالفقار علی بھٹو نے ظالم اور جابر حکمرانوں کے سامنے سرجھکایا نہیں بلکہ عزت وقار کیساتھ پھانسی کے پھندے کو قبول کرکے ایک تاریخ رقم کر دی انہوں نے کہاکہ قائد عوام ذوالفقار علی بھٹو نے قائد اعظم کے بعد پاکستان کے عوام کو ایک نئی سوچ فکر دی پاکستان کو دنیا کے اندر باوقار ملک کے طور پر متعارف کروایا عالم اسلام کو ایک پلیٹ فارم پر جمع کیا پاکستان کو ایٹمی قوت بنایا جبکہ دوسری طرف 4اپریل کو فوجی آمر نے بین الاقوامی سامراج کے ایجنٹ کا کردار ادا کرتے ہوئے بھٹو شہید کا عدالتی قتل کرکے آنے والی نسلوں کا قتل کیا بھٹو شہید آج بھی عوام کے دلوں میں زندہ ہیں اور ہمیشہ زندہ رہیں گے پیپلزپارٹی اور بھٹو شہید کے جیالے قائد عوام کے مشن کو جاری رکھیں گے اور پاکستان کے اوپر بھٹو شہید کی روح ہمیشہ حکمرانی کرتی رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر کا رہائشیتاجر جلالپور جٹاں میں ٹریفک حادثہ میں جان بحق مرحوم کو نماز جنازہ کے بعد بھمبرمیں سپرد خاک کر دیا گیا
بھمبر (ڈسٹرکٹ رپورٹر)بھمبر کا رہائشیتاجر جلالپور جٹاں میں ٹریفک حادثہ میں جان بحق مرحوم کو نماز جنازہ کے بعد بھمبرمیں سپرد خاک کر دیا گیا تفصیلات کیمطابق بھمبرکے رہائشی پروفیسر خوشی محمد کے بڑے بھائی محمد جاوید جوکہ جلالپور جٹاں
میں فوٹو گرافی کاکام کرتے ہیں گزشتہ روز اپنے گھر سے رکشہ پر سوار ہو کر دوکان کی طرف جا رہے تھے کہ تیز رفتار ٹرالر نے رکشہ کو اوور ٹیک کرتے ہوئے ٹکر مار دی جس سے وہ شدید زخمی ہو گئے جنہیں فوری طور پر ہسپتال منتقل کیا گیا مگر وہ جانبر نہ ہو سکے اور اپنے خالق حقیقی سے جاملے مرحوم کی میت جب بھمبر پہنچی تو کہرام مچ گیا ہر آنکھ اشکبا ر تھی مرحوم کو نماز جنازہ کے بعد تحصیل والے قبرستان میں سپردخاک کر دیا گیا نمازجنازہ میں سول سوسائٹی ،وکلاء ،صحافیوں ،پروفیسرز ،سرکاری ملازمین ،تاجروں ،عوام علاقہ اور عزیز واقارب کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی ای او ریٹائرڈ خواجہ محمد صادق بٹ نے اپنے تعزیتی بیان میں ماسٹر(ر)چوہدری شاہ محمد آف سرسالہ کی وفات پر دلی رنج و غم کااظہا رکیا
بھمبر (ڈسٹرکٹ رپورٹر )ڈی ای او ریٹائرڈ خواجہ محمد صادق بٹ نے اپنے تعزیتی بیان میں ماسٹر(ر)چوہدری شاہ محمد آف سرسالہ کی وفات پر دلی رنج و غم کااظہا رکیا مرحوم کیلئے دعائے مغفرت اور ورثاء کیلئے صبروجمیل کی دعا کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر فریڈم موومنٹ ضلع بھمبرکا ایک تعزیتی اجلاس زیر صدارت محمود الحسن ایڈووکیٹ منعقد ہوا
بھمبر(ڈسٹرکٹ رپورٹر)کشمیر فریڈم موومنٹ ضلع بھمبرکا ایک تعزیتی اجلاس زیر صدارت محمود الحسن ایڈووکیٹ منعقد ہوا اجلاس میں سیاسی و سماجی راہنما چوہدری عبدلرؤف کاشر کے جواں سالہ بھتیجے اور سلطان یوتھ فورس کے مرکزی صدرحیدر علی کاشر کے کزن کی اچانک وفات پر گہرے دکھ و غم کااظہار کیا گیا اور دعا کی گئی اللہ تعالیٰ مرحوم کو اپنے جواررحمت میں جگہ دے اور پسماندگان کو صبروجمیل دے اجلاس میں سٹی صدر مشتاق احمد کاشر ،ملک شوکت آزاد،رومان رضا،چوہدری سلیم ساگر ،ظہیر عباس ٹھاکر ،عنصرآرائیں سمیت دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اصلاحی کمیٹی سیرلہ وینگ یونین سیرلہ کے ممبران ملک شوکت حسین ،مشتا ق احمد کاشر ، نے اپنے مشترکہ بیان میں مرزا حبیب آف سیرلہ کی زوجہ کی وفات پر لواحقین سے اظہار تعزیت کیا
بھمبر(ڈسٹرکٹ رپورٹر)اصلاحی کمیٹی سیرلہ وینگ یونین سیرلہ کے ممبران ملک شوکت حسین ،مشتا ق احمد کاشر ،رومان رضا، راجہ کامران ،ناصربوٹا ،راجہ اخلاق ،راجہ عبداللہ ظفر،فرقان شاہ ،راجہ وقاص نے اپنے مشترکہ بیان میں مرزا حبیب آف سیرلہ کی زوجہ کی وفات پر لواحقین سے اظہار تعزیت کیا ہے اور دعاکی ہے کہ اللہ تعالیٰ پسماندگان کو صبر وجمیل عطا کرے اور مرحومہ کو اپنے جوار رحمت میں جگہ دے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر پریس کلب بھمبرکاایک تعزیتی اجلاس زیر صدارت راجہ نعیم گل منعقد ہوا
بھمبر(ڈسٹرکٹ رپورٹر )کشمیر پریس کلب بھمبرکاایک تعزیتی اجلاس زیر صدارت راجہ نعیم گل منعقد ہوا اجلاس میں چوہدری محمد حنیف کی والدہ اور قاری عدنان انجم کی تائی محترمہ اور ماسٹر شاہ محمد کی وفات پر گہرے دکھ ورنج کااظہار کرتے ہوئے مرحومین کیلئے دعائے مغفرت اور لواحقین کیلئے صبروجمیل کی دعا کی اجلاس میں ناصرشریف بٹ ،طارق محمود ثاقب ،عزیزالرحمان ناز ،چوہدری خالدحسین ایڈووکیٹ ،ملک شوکت حسین ،ڈاکٹرطارق شاکر ،مرزاندیم اختر،قاضی انصرزمان،جہانگیر پاشا،ظہور احمد رضا ،سلیم ساگر ،فیصل صغیر شمیم ،عاطف اکرم ،یاسین تبسم ،شیراز پرویز مشتاق ،عابد زبیر ،مرتضیٰ گیلانی ،وسیم نذر ،ارشد محمود ،مرزا عمر فاروق سمیت دیگر نے شرکت کی۔
