بھمبرکی خبریں 08.08.2013
Posted on August 8, 2013 By Geo Urdu سٹی نیوز
پاکستان پیپلزپارٹی آزادکشمیر کے مرکزی راہنما ممبر سینٹرل ایگزیکٹو کونسل چوہدری گلزار احمد ایڈووکیٹ نے صحافیوں سے گفتگو کرتے ہوئے کہاکہ بھارت مقبوضہ کشمیر کے اندر مظالم کو روکے اس کو انکا خمیازہ بھگتنا پڑے گا
بھمبر(جی پی آئی)پاکستان پیپلزپارٹی آزادکشمیر کے مرکزی راہنما ممبر سینٹرل ایگزیکٹو کونسل چوہدری گلزار احمد ایڈووکیٹ نے صحافیوں سے گفتگو کرتے ہوئے کہاکہ بھارت مقبوضہ کشمیر کے اندر مظالم کو روکے اس کو انکا خمیازہ بھگتنا پڑے گا انہوںنے کہاکہ عورتوں ،بچوں کاقتل ،بے گناہ لوگوں کیساتھ ظالمانہ سلوک ،عزتوں کو تار تار کرنا ناقابل برداشت ہے انہوںنے کہاکہ بھارتی لیڈر شپ گاندھی اور گوپال اچاریہ کی طرح کے برصغیر کی تقسیم والے بیانات نہ دے برصغیر کی تقسیم پر ہندو لیڈر شپ بھی کہتی تھی کہ بر صغیر کی تقسیم ایک جسم کے دوٹکڑے ہیں اور اب کشمیر پر کہتے ہیں کہ یہ ہمارا سر ہے اور ہمارے ماتھے کا جھومر ہے انہیں معلوم ہونا چاہیے کہ مسلہ کشمیر آخر کار اللہ کی مدد سے حل ہو گا مقبوضہ کشمیر بھارت کو خالی کرنا پڑے گا سلامتی کونسل اور اقوام متحدہ کی قراردادوں کیمطابق بھارت کو اپنی فوج مقبوضہ کشمیر سے فورا ً نکال کر مذاکرات کی میز پر آنا چاہیے مقبوضہ کشمیر کی آزادی اٹل ہے انہوںنے یہ بھی کہاکہ بھارت نے پاکستان کیساتھ ایسٹ پاکستان کی علیحدگی کی زیادتی کرکے ایک نیا قرض چڑھایا ہوا ہے جبکہ مقبوضہ کشمیر کی آزادی ہمارا حق ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر لوئر سیرلہ بارش سے شدید متاثر بارشی پا نی کے باعث متعدد گھروں کی دیواریں گر گئیں
بھمبر(جی پی آئی)بھمبرلوئر سیرلہ بارش سے شدید متاثر بارشی پا نی کے باعث متعدد گھروں کی دیواریں گر گئیں جبکہ قریبی برساتی نالے میں آنے والی طغیا نی کا پانی محلوں میںداخل متعدد گلیاں کھنڈر بن گئیں لوئر سیرلہ حاجی یوسف لنک روڈ میں بڑے بڑے پتھر نکل آئے علاقہ کے مکینوں کو سخت مشکلات کا سامنا اعلیٰ حکام نوٹس لیںعوام علاقہ کا مطالبہ تفصیلات کیمطابق بھمبرکے نواحی علاقہ لوئر سیرلہ میںگزشتہ روز ہونے والی طوفانی بارش نے تباہی پھیلا دی قریبی برساتی نالہ میںشدید طغیانی باعث بارشی پانی قریبی رہائشی علاقوں میںداخل ہو گیا جسکے باعث متعدد گلیاں زیر آب آگئیںاور پانی کے ریلے گلیوں سے اینٹیں اور پتھر اکھاڑ کر بہا لے گئے اورگلیوں میںبڑے بڑے گھڑے بن گئے جبکہ کئی ایک گھروں کی دیواریں پانی کا دباؤ برداشت نہ کرسکنے کے باعث زمین بوس ہو گئیں شدید بارش سے پہلے خستہ حالی کی شکار حاجی محمد یوسف لنک روڈ کی حالت مزید ابتر ہوگئی اور سڑک میںبڑے بڑے پتھر نکل آئے جس سے علاقہ کے مکینوں کو گزرنے میں شدید مشکلات کا سامنا کرنا پڑرہا ہے عوام علاقہ نے اعلیٰ حکام سے لوئر سیرلہ میں ہونے والی طوفانی بارش سے تباہی کانوٹس لینے اور اصلاح واحوال کا مطالبہ کیاہے۔علاوہ ازیں بھمبرکے ملحقہ گاؤں نکہ گڑھا ،پیر کانجی ،پراٹی ،کنڈ ،بیلی،مٹھالہ ،سریانی ،ڈھیری ،چھپڑیاں ،دندہ ،چٹی ڈھیری ،کریانہ ،پہل چوہان مٹھالہ ڈسپنسری سے پختہ سڑک نالے میں بہہ جانے سے اور پراٹی کے مقام پر لینڈ سلائیڈنگ کی وجہ ان دیہاتوںکا شہر سے زمینی رابطہ منقطع ہوگیا اور متعلقہ ادارے خو اب خرگوش اور عید کے مزے لوٹنے میںمصروف ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلزپارٹی پسے ہوئے طبقات کی جماعت ہے اورآزادکشمیر میں2سالہ کارکردگی قابل تعریف ہے
بھمبر(جی پی آئی)پیپلزپارٹی پسے ہوئے طبقات کی جماعت ہے اورآزادکشمیر میں2سالہ کارکردگی قابل تعریف ہے وزیر اعظم پاکستان میاں نواز شریف کی طرف سے جمہوریت کو غیر آئینی طریقہ سے گرانے کی کوشش کو ناکام بنانے سے ریاست جموںوکشمیر کے دونوں حصوں میںمثبت پیغام گیا پیپلزپارٹی کی حکومت آزادخطہ میں تعمیر وترقی منصوبے مکمل اور پانچ سالہ دور اقتدار پورا کرے گی ان خیالات کااظہار پیپلزپارٹی ضلع بھمبر کے سینئر نائب صدر ملک لیاقت عزیز اعوان نے اپنے ایک اخباری بیان میں کیاا نہوںنے کہاکہ چند نا عاقبت اندیش سیاستدانوں نے غیر سنجیدہ حرکت کرکے اپنا مذاق بنوایا ہے اور ایک اور بڑی جمہوریت پسند پارٹی کو بھی اپنے ساتھ شامل کرکے ان کی عزت ووقار بھی داؤ پر لگا ئی لیکن وزیر اعظم میاں نوازشریف نے تحریک آزادی کے بیس کیمپ میں دانشمند انہ فیصلہ کرنے سے انتشار کی فضا کو ختم اور جمہوریت کو اور بھی مضبوط بنیادوں پرڈال دیا انہوںنے کہاکہ پیپلزپارٹی کی جمہوریت کیلئے بے شمار قربانیاں ہیں بالخصوص لیڈر شپ نے اپنی جانوں کے نذرانے دیکر اس عمل کو اور بھی مضبوط کیا پیپلزپارٹی کی 2سالہ دور اقتدار کے دوران آزادکشمیر میں تعمیروترقی کے انقلاب برپا کیا ہے اور 5سالہ دور اقتدار مکمل ہونے تک آزادکشمیر میں فقید المثا ل ترقی ہو گی انہوںنے کہاکہ ہم وزیر اعظم آزادکشمیر کے شانہ بشانہ ہیں اور کسی ایسے غیر آئینی اقدامات کی حمایت نہیں کرینگے جس سے جمہوریت کو نقصان پہنچے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عید کی سرکاری تعطیلات کے شروع ہونے سے قبل ہی سرکاری ملازمین گھروں کو عید منانے روانہ ہوگئے
بھمبر(جی پی آئی)عید کی سرکاری تعطیلات کے شروع ہونے سے قبل ہی سرکاری ملازمین گھروں کو عید منانے روانہ ہوگئے بدھ کے روز تو سرکاری دفاتر میںہو کا عالم رہا اگست کاماہ شروع ہوتے ہی ملازمین نے تنخواہ لینے کے بعد ہی عید کی تیاری کرلی تھی دفاتر میںچند روز تک ملازمین کی خاصی تعداد جو کم ہو گئی تھی وہ بھی بدھ تک کم ہوکر صرف چوکیداروں اور چپڑاسیوں تک محدود ہو کر رہ گئی سرکاری ملازمین فیملی کے ہمراہ بازاروں ،مارکیٹوں اور بیشتر آفیسران میرپور اور گجرات کے شاپنگ سنٹروں میںپہنچ گئے ضلعی آفیسران سمیت دفاتر خالی نظر آئے جبکہ سائلین کو مایوس واپس لوٹنا پڑا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیڈول بنکوں میں عید کے موقع پر نئے کرنسی نوٹ دینے کیلئے شناختی کارڈ کی کاپی فراہم کرنے کی شرط لازمی رکھی گئی نئے نوٹوں کو دینے کے دوران بعض بنکوں میںاپنے عزیز واقارب جاننے والوں بالخصوص کاروباری لوگوں کی بڑی تعداد
بھمبر(جی پی آئی)شیڈول بنکوں میں عید کے موقع پر نئے کرنسی نوٹ دینے کیلئے شناختی کارڈ کی کاپی فراہم کرنے کی شرط لازمی رکھی گئی نئے نوٹوں کو دینے کے دوران بعض بنکوں میںاپنے عزیز واقارب جاننے والوں بالخصوص کاروباری لوگوں کی بڑی تعداد میںمختلف مالیت کے نئے کرنسی نوٹ جاری کیے گئے جبکہ لوگ نئے نوٹوںکے حصول کیلئے بنکوں کا چکر لگاتے ایک بنک سے دوسرے بنک میںنئے نوٹوں کے حصول کیلئے گھومتے رہے دوسری طرف مارکیٹ میں نئے کرنسی نوٹ اضافی رقم لیکر دوکاندار فروخت کررہے ہیں۔
