بھمبرکی خبریں 7.09.2013
Posted on September 7, 2013 By Geo Urdu سٹی نیوز
چوہدری علی شان سونی کے دوبارہ وزیر کی حیثیت سے حلف اٹھانے سے سماہنی کی تعمیر وترقی کی
بھمبر (ڈسٹرکٹ رپورٹر) چوہدری علی شان سونی کے دوبارہ وزیر کی حیثیت سے حلف اٹھانے سے سماہنی کی تعمیر وترقی کی راہ میں حائل رکاوٹیں دور ہونگی چوہدری علی شان سونی عوامی لیڈر ہیں اور عوام کی فلاح وبہبود انکی اولین ترجیح ہے ان خیالات کااظہار برطانیہ میں مقیم اوورسیز کشمیری راہنما چوہدری عابد اسلم جٹ، اٹلی میں مقیم اوورسیز کشمیری راہنما شاہد اقبال ،ملک نوید نے مشترکہ بیان میں چوہدری علی شان سونی کو دوبارہ وزارت کا حلف اٹھانے پر مبارکباد کاپیغام دیتے ہوئے کیا انہوںنے کہاکہ چوہدری علی شان سونی حلقہ کے ہر دلعزیز لیڈر ہیں حلقہ سماہنی کے اندر تعمیر وترقی ا یک نیا باب رقم کیا ہے اقتدار میں یا اقتداسے باہر ہمیشہ انہوںنے عوامی فلاح وبہبود اور عوامی مسائل کو حل کروانے کی کوشش کی ہے ہم انہیں دوبارہ وزارت کا حلف اٹھانے پر مبارکباد پیش کرتے ہیں اورتوقع کرتے ہیںکہ موصوف عوامی خدمت کا سفرجاری رکھیںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلزپارٹی آزادکشمیر تحصیل بھمبرکے چیف آرگنائزر ڈاکٹرشکیل احمد چوہدری آف مکہال مسلہ کشمیر کو حل کیے
بھمبر (ڈسٹرکٹ رپورٹر) پیپلزپارٹی آزادکشمیر تحصیل بھمبرکے چیف آرگنائزر ڈاکٹرشکیل احمد چوہدری آف مکہال مسلہ کشمیر کو حل کیے بغیر جنوبی ایشیاء میں قیام امن کا خواب شرمندہ تعبیر نہیںہو سکتا بھارت کا جنگی جنون خطے کے امن کو تباہ کر دیگا کشمیری قوم نصف صدی سے بھارتی مظالم کو برداشت کررہی ہے بھارت مقبوضہ کشمیر میں افواج کشمیریوں کی نسل کشی کررہا ہے او دوسری طرف لائن آف کنٹرول پر بلا اشتعال فائرنگ اور گولہ باری کررہاہے انہوںنے کہاکہ کشمیری قوم نے بھارت سے آزادی حاصل کرنے کا عہد کر رکھا ہے اور اس کیلئے بڑی سے بڑی قربانی قربانی دینے کو تیا ر ہیں یہی وجہ ہے کہ کشمیری قوم آزادی کی خاطر گزشتہ نصف صدی سے بھارتی مظالم کشمیریوں کوحوصلوں اورجذبوں کو پست پشت نہیں کرسکتے انہوںنے کہاکہ بین الاقوامی دنیا بھارتی جارحیت اور مظالم کا نوٹس لے اور کشمیریوں کی نسل کشی بند کروانے اور آزادی دلانے کیلئے اپنا کردار ادا کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طارق یوتھ فورس کے چیئرمین چوہدری فیصل جاوید نے کہاکہ 6 ستمبر 1965 ہماری تاریخ اور ملکی دفاع کے حوالے سے سنگ میل کی حیثیت رکھتا ہے
بھمبر (ڈسٹرکٹ رپورٹر) طارق یوتھ فورس کے چیئرمین چوہدری فیصل جاوید نے کہاکہ
6 ستمبر 1965 ہماری تاریخ اور ملکی دفاع کے حوالے سے سنگ میل کی حیثیت رکھتا ہے جس دن پاکستانی افواج نے اپنے سے کئی گنا زیادہ بڑی فوج کو جارحیت کانہ صرف منہ توڑ جواب دیا بلکہ عبرت ناک شکست سے دوچار کیا آج بھی بھارت لائن آف کنٹرول پر جارحیت کی کوشش کررہا ہے جارحیت سے قبل 1965 کی تاریخ یاد رکھنی چاہیے پاکستان وکشمیری قوم آج بھی افواج پاکستان کیساتھ شانہ بشانہ کھڑی ہیں افواج پاکستان مشکل کی گھڑی میں ہر آزمائش پر پورا اترے گی انہوںنے کہاکہ مسلم لیگ ن کے قائد میاں نواز شریف نے 28 مئی کو ایٹمی دھماکے کرکے پاکستان کے دفاع ناقابل تسخیر بنایا تھا اب اگر بھارت نے دوبارہ جارحیت کی کوشش کی تو افواج پاکستان اس کو ملیا میٹ کر دے گی میاںنوازشریف نے نئے پاکستان کی بنیاد رکھ دی ہے انشاء اللہ پاکستان بہت جلد ایک مضبوط اور مستحکم ملک کے عہد کے طور پر سامنے آئے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممبرسینٹرل ایگزیکٹو کونسل چوہدری گلزار احمد ایڈووکیٹ نے کہاہے کہ ریاست کے اندر پیپلزپارٹی ایک بڑی عوامی جماعت ہے
بھمبر (ڈسٹرکٹ رپورٹر) پاکستان پیپلزپارٹی آزادکشمیر کے ممبرسینٹرل ایگزیکٹو کونسل چوہدری گلزار احمد ایڈووکیٹ نے کہاہے کہ ریاست کے اندر پیپلزپارٹی ایک بڑی عوامی جماعت ہے جن کی لازوال قربانیوں کی ایک تاریخ ہے نظریے کی صداقت، عزم کی پختگی اور مقصد کی لگن بھٹو شہید اور محترمہ شہید کا طرہ امتیاز تھا فیلڈ کی سیاست عام کارکن ہی کرتا ہے مرکزی قیادت اپنے اپنے حلقوں اور یونین کونسلوں سے باہر نکل کر بھٹو شہید کے فلسفے پر کام کرے بھٹو شہید نے اپنی کارکردگی کی بنیاد پر اگر کھمبے کو بھی ٹکٹ دیا تو وہ بھی منتخب ہو گیا ایم ایل اے صاحبان کی مناسب بات مانی جائے مگر PPP کے ورکر کا بھی اس حلقہ میں خیال رکھا جائیا MLA کاکوئی پتہ نہیں کل کدھر ہوگا مگر کارکن PPP میں ہی رہے گا اس دور اندیشی کی پلاننگ اور حکمت عملی کی ضرورت ہے انہوںنے کہا کہ اگر پیپلزپارٹی کا کارکن بیزار ہوگیا تو پھر مسلم لیگ ن اور تحریک انصاف کا مقابلہ اکیلے مرکزی قیادت نہیں کرسکے گی یہ آزادکشمیر کی سیاست کا ہائی الارم ہے اگر صرف اپنے اپنے گھروں ،حلقوں اور یونین کونسلوں کو تھام کر کھا گیا تو پھر مشکل ہوجائیگا اس سے پیپلزپارٹی کے کارکن بیزار ہونگے MLA اپنے اپنے لیے متفکر اورسرگراں نظرآتے ہیں انہوںنے کہاکہ بھمبر کے حقوق سے محروم ہونا سیاسی نالائقیاںہیں کئی حضرات اپنی شناسائی اور تعلق کو زیادہ کیش کرارہے ہیں جسکے مضراثرات مرتب ہونگے کارکن پیپلزپارٹی ہی کا اثاثہ ہیں پیپلزپارٹی کے علاوہ لوگوںکو اگر عہدے دیے گئے تو اس سے نقصان ہوگا کئی تقرریاںغلط ہوئیں جن پر ہمارے خدشات اور تحفظات ہیں PYOاور PSF جماعت کا دائیاں اور بائیاں بازو ہیں وزیر اعظم آذادکشمیر فوری اقدامات کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبرکے نواھی گاؤں پنڈی جہونجہ میں مخالفین نے فائرنگ کرکے ایک شخص کو زخمی کر دیا
بھمبر (ڈسٹرکٹ رپورٹر) بھمبرکے نواھی گاؤں پنڈی جہونجہ میں مخالفین نے فائرنگ کرکے ایک شخص کو زخمی کر دیا زخمی کو ڈسٹرکٹ ہسپتال بھمبر داخل کر لیا گیا دوملزمان کیخلاف مقدمہ درج مزید تفتیش شروع تفصیلات کیمطابق بھمبرکے نواحی گاؤں پنڈی جہونجہ کا رہائشی راسب شام کو موٹرسائیکل پر اپنے گھر جارہا تھا کہ راستے میں بیٹھے ہوئے مخالفین نے اس پر 30 بور کے تین فائر کیے جن میں سے ایک ایک فائر اسکی ٹانگ میں لگا جس سے وہ زخمی ہو گیا اور موٹرسائیکل سے گر گیا ملزمان موقع سے فرار ہوگئے زخمی کو فوری طور پر ڈسٹرکٹ ہسپتال پہنچایا گیا جہاں اسے داخل کر لیا گیا واقعہ کی سٹی تھانہ میں رپورٹ درج کر لی گئی جس میں نصیر احمد ولد شبیر ،زیب ولد بوٹاخان ساکنان پنڈی جہونجہ کو نامزد کیاگیا ہے پولیس نے مقدمہ درج کرکے مزید تفتیش شروع کر دی ہے واقعہ کی اطلاع ملتے ہی ایس ایچ او سٹی پولیس بھمبر چوہدری اظہر اقبال نفری کے ہمراہ فوری طور پر موقع پر پہنچے اور واقعہ کی موقع پر چیکنگ اور واقعہ سے متعلق معلومات اکھٹی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلزپارٹی کے نظریاتی، مخلص اور جان نثار کارکنان کو نظر انداز کرکے چُوری کھانے والے مجنوں کو صوابدیدی پوسٹوں پر تعینات کرنا
بھمبر (ڈسٹرکٹ رپورٹر) پیپلزپارٹی کے نظریاتی، مخلص اور جان نثار کارکنان کونظر انداز کرکے چُوری کھانے والے مجنوں کو صوابدیدی پوسٹوں پر تعینات کرنا انتہائی ظلم وزیادتی ہے نظریاتی، مخلص اور جان نثار کارکنان ہی جماعت کا قیمتی اثاثہ ہیں جنہوںنے ہر مشکل وقت میں جماعت کا ساتھ دیا لیکن حکومت جیالوں کے اوپر چُوری کھانے والوں کو ترجیح دے رہی ہے اگر صورتحال یوں ہی رہی اور جیالوں کااستحصال ہوتا رہا توآنے والے وقت میں ضلع بھمبر کے اندر پیپلزپارٹی کانام لینے والا کوئی نہ ہو گا
ان خیالات کااظہار پیپلز یوتھ آرگنائزیشن کے مرکزی ممبر عمر ریاض ساگر نے کیاا نہوںنے کہاکہ مشکل اور نامساعد حالات کے اندر ضلع بھمبر کے اندر پیپلزپارٹی کا پرچم بلند رکھنے والے نظریاتی، مخلص اور جان نثار کارکنان کو آج پارٹی کی ریاستی قیادت بھولا چکی ہے جیالوں کے اوپر ایسے لوگوں کو ترجیح دی جارہی ہے جنہوںنے ہمیشہ پیپلزپارٹی کی پیٹھ میں چھرا گھونپا ہے صوابدیدی پوسٹوں پر جیالوں اور قربانیاں دینے والوں کا حق ہے جبکہ بھمبر کے ایسے لوگوںکو صوابدیدی پوسٹوں پر لگایا گیا جن کا پیپلزپارٹی سے دور دور تک کوئی تعلق واسطہ نہ ہے مجید حکومت کیخلاف عدم اعتماد کی تحریک پیش ہونے پر بھمبرمیں ڈھول کی تھاپ پر بھنگڑے ڈالنے، آتش بازی کرنے اور جشن منانے والوں کو صوابدیدی پوسٹوں پر بیٹھا کر نظریاتی کارکنوں کا قتل عام کرنے کے مترادف ہے جسکی ہم بھرپور مذمت کرتے ہیں اور پیپلزپارٹی کی مرکزی اور ریاستی قیادت سے نوٹس لینے کا مطالبہ کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایکسین برقیات مقصود منہاس کی بھمبر تعیناتی خوش آئند ہے موصوف باصلاحیت، ایماندار اور فرض شناس آفیسر ہیں
بھمبر(ڈسٹرکٹ رپورٹر) ایکسین برقیات مقصود منہاس کی بھمبر تعیناتی خوش آئند ہے موصوف باصلاحیت، ایماندار اور فرض شناس آفیسر ہیں انکی بھمبرتعیناتی سے عام اور غریب لوگوں کو ریلیف ملے گا ان خیالات کا اظہار بھمبرکے سیاسی وسماجی راہنماؤں ظہیرمنہاس، ٹھیکیدار فریاد حسین، حاجی محمد اقبال عارف منہاس نے کیا انہوں نے کہا کہ ہم نئے تعینات ہونے والے ایکسین سے توقع کرتے ہیں کہ موصوف بھمبر کے اندر بجلی کی لوڈ شیڈنگ اور ریکوری کے نظام کواحسن انداز میں چلائیں گے اور لوگوں کو ریلیف فراہم کرنے کیلئے اپنی صلاحیتوں کو بروئے کار لائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راجہ ناصر مقصود کا تحصیلدار ترقیاب ہونا خوش آئندہے موصوف انتہائی باصلاحیت اور فرض شناس آفیسر ہیں
بھمبر (ڈسٹرکٹ رپورٹر) راجہ ناصرمقصود کاتحصیلدار ترقیاب ہونا خوش آئندہے موصوف انتہائی باصلاحیت اور فرض شناس آفیسر ہیں موصوف نے ہمیشہ حکومت اور محکمہ مال کی نیک نامی کا اضافہ کیاہے ان خیالات کااظہار پروفیسر ساجد محمود، عامر عزیز، راجہ عاطف محمود، راجہ رمیض، جازب رفتاج، شاروز اقبال، رحمت خان، ملک یاسر، دانش اکرم، ارسلان اعظم، راجہ فدا اکرم نے مشترکہ بیان میں کیا انہوںنے کہاکہ ہم امید کرتے ہیں کہ موصوف آئندہ بھی اپنی صلاحیتیوں کو بروئے کارلاتے ہوئے عوام کے مسائل کو حل کرانے، حکومت اور محکمے کی نیک نامی میں اضافے کا باعث بنیں گے۔
