چشتیاں : قائد اللہ اکبر تحریک ڈاکٹر احسان باری نے صحافیوں سے بات چیت کرتے ہوئے کہا ہے کہ بھٹو کا اقتدار بھی پرائیویٹ سکولوں، کالجوں اور چھوٹی صنعتوں کو سرکاری تحویل میں لینے کی وجہ سے ختم ہوا تھا اور موجودہ حکمران قیمتی اداروں ٹیلی فون وغیر ہ کے بعد واپڈاجیسے تمام اہم محکموں کو قومیانے کی ہی طرز پر نجکاری کے ذریعے فروخت کرنے پر تلے ہوئے ہیں تاکہ مال پانی بنا کر بیرون ملک لوٹاہوا سرمایہ زیادہ سے زیادہ جمع کرواسکیں۔
پھر اقتدار جائے بھاڑ میں رات کے کسی پچھلے پہر ذاتی طیاروں کے ذریعے ملک سے فرار اختیار کرجائیں کہ نہ رہے گا بانس نہ بجے گی بانسری۔سابقہ اور موجودہ حکمرانوں کے بلاول، زردای ہاؤسز اور جاتی امرائی محلات سے بڑی ایمپائر ز ،بلڈنگز اور پلازے بیرون ملک تیار ہوچکے ہیں تاکہ وہ اور ان کی آئندہ نسلیں زندگی خوش و خرم اور”یاد اللہ” میں گزارسکیں۔ انہوں نے انتباہ کیا کی ایسے حکمران ٹولے یہ بات فراموش کردیتے ہیں کہ خدائی لاٹھی بے آواز ہوتی ہے اور یہ کہ سبھی جمع شدہ سرمائے شہنشاہ ایران، روسی زاروں اور صفیوں کے کسی کام نہ آسکے تھے اور انہیں دفن کیلئے بھی کفن اوروطن کی زمین نصیب نہ ہوسکی تھی۔
ڈاکٹر باری نے دست بستہ تینوں برسراقتدار سیاسی پارٹیوں مرکز اور پنجاب میں ن لیگ ، سندھ پر قابض آصف زرداری اور خیبر پختونخواہ میں حکمران عمران خان سے گذارش کی ہے کہ وہ مہنگائی، غربت ، بے روزگاری ، دہشت گردی ، ناانصافی کو ختم کرنے کیلئے فوری اقدامات کریں وگرنہ بپھرے ہوئے ، پسے ہوئے نچلے طبقات کے لوگ ان کی اقتداری ڈھولکی پھاڑ ڈالیں گے اورآئندہ انتخابات میں ان کے نامزد کردہ جاگیرداروں ، وڈیروں، صنعتکاروں اور وزیروں مشیروں کی ضمانتیں تک ضبط کرواڈالیں گے۔
اللہ اکبر تحریک اقتدار حاصل کرنے چھ ماہ کے اندر بجلی ، گیس ، صاف پانی ، تعلیم ، علاج ، انصاف مفت فراہم کرنے اورمحنت کشوں کی تنخواہ پچاس ہزار روپے ماہانہ بذریعہ سبسڈی ادا کرنے کا وعدہ پورا کرنے کی مکمل پابند ہے جس سے ملک صحیح معنوں میں فلاحی مملکت بن جائے گا۔
ہیڈ آفس: باری ہاؤس ، باری روڈ ہارون آباد ضلع بہاولنگر پنجاب پاکستان 0300–0315–0321–0333–0345–6986900 drihsanbari@yahoo.com,drahsanbari@yahoo.com drahsanbari@gmail.com,drmianihsanbari@gmail.com mianihsanbari@gmail.com,ahsanbarrimian@gmail.com ehsanbarrimian@gmail.com,ihsanbarrimian@gmail.com drahsanbarri@gmail.com,drehsanbarri@gmail.com drihsanbarri@gmail.com,drmainahsanbarri@gmail.com drmianehsanbarri@gmail.com,drmianihsanbarri@gmail.com web:www.allahoakbar-tehreek.com
جی پی آئی خبروں کی تصویری جھلکیاں۔
آل پاکستان این بی پی فٹ بال ٹورنامنٹ نیشنل شاہین، جمیل شہید اور بلوچ یوتھ گارڈن نے میدان مار لیا
