کراچی (جیوڈیسک) سندھ حکومت نے پاکستان پیپلز پارٹی کے چیئرمین بلاول بھٹو زرداری پر دہشتگردوں کے حملے کا خدشہ ظاہر کرتے ہوئے رینجرز اور پولیس کو ان کی سیکیورٹی کے انتظامات مزید سخت کرنے کی ہدایت کی ہے۔
محکمہ داخلہ سندھ کی جانب سے سندھ رینجرز اور آئی جی پولیس کو بھجوائے گئے مراسلے میں کہا گیا ہے کہ کالعدم دہشتگرد تنظیم جند اللہ کی جانب سے بلاول بھٹو زرداری کو نشانہ بنانے کی منصوبہ بندی کی جارہی ہے۔
اس لئے پولیس اور رینجرز پاکستان پیپلز پارٹی کے چیئرمین کی حفاظت اور سیکیورٹی کے لئے موثر اقدامات کرے۔ واضح رہے کہ پاکستان پیپلز پارٹی 18 اکتوبر کو کراچی میں جلسہ کررہی ہے جس میں بلاول بھٹو زرداری خصوصی خطاب کریں گے۔
پنجاب ، سندھ حکومت نے بلدیاتی انتخابات سے متعلق جوابات سپریم کورٹ میں جمع کرا دیئے
بلوچستان میں بارش سے موسم سرد، خیبرپختونخوا ، پنجاب میں بھی بادل برس پڑے
