کراچی (جیوڈیسک) کراچی میں بلاول ہاؤس کے قریب گزشتہ شب ریسٹورنٹ پر فائرنگ کرنے والے ملزم کے محافظ کو پولیس نے گرفتار کرلیا۔ پولیس مرکزی ملزم کو گرفتار کرنے میں تاحال ناکام ہے۔ پولیس کے مطابق بلاول ہاوس کے قریب فائرنگ کا واقعہ میں ملوث دو ملزمان کو گرفتار کیا گیا ہے۔ ملزمان کے زیر استعمال استعمال گاڑی اور اسلحہ بھی برآمد کرلیا گیا ہے۔ گرفتار افراد آغا اصغر نامی شخص کے محافظ ہیں۔ تاہم پولیس واقعے کے مرکزی ملزم کو گرفتار کرنے میں تاحال ناکام ہے۔
ذرائع کے مطابق شہر کے حساس علاقے میں فائرنگ کا مرکزی ملزم بااثر شخص ہے۔ گرفتارمسلح افراد کی رہائی کیلیے بااثرا افراد کےاعلیٰ حکام کو ٹیلی فون بھی کیا گیا۔گزشتہ شب فائرنگ کے باعث سینکڑوں خاندان بچوں سمیت ریسٹورنٹ میں یرغمال بن گئے تھے۔
شہر کے حساس علاقے میں سادہ کپڑوں میں مسلح دہشت گردوں نے فائرنگ کردی تھی۔ مگرڈیفنس اور کلفٹن میں سادہ کپڑوں میں اسلحہ لیکرگھومنے والوں کو روکنےوالا کوئی نہیں۔ فائرنگ اس وقت کی گئی جب پیپلز پارٹی کے شریک چئیرمین آصف علی زرداری اور جماعت اسلامی کے امیر سراج الحق کی بلاول ہاؤس میں ملاقات جاری تھی۔
صحافتی تنظیموں کی جیو نیوز کے دفتر پر پتھراؤ کی شدید مذمت
شیعہ ٹارگٹڈ علاقوں کو ریڈ روزن قرار دیا جائے؛ رحمان ملک
