لاہور (جیوڈیسک) وزیر اعلیٰ پنجاب محمد شہباز شریف کی زیرصدارت تین گھنٹے طویل اجلاس ہوا جس میں پنجاب کے سکولوں میں نئے کلاس رومز کی تعمیر کے لئے پروگرام شروع کرنے کے حوالے سے مختلف تجاویز کا جائزہ لیا گیا۔
اس موقع پر شہباز شریف کا کہنا تھا کہ جنوبی پنجاب کے 16 اضلاع کے سکولوں میں ترجیحی بنیادوں پر اضافی کمرے تعمیر کئے جائیں گے۔ انہوں نے کہا کہ اضافی کمروں کی تعمیر کے لئے فوری طور پر ضروری اقدامات اٹھائے جائیں، سکولوں کا سروے اور اس سروے کا تھرڈ پارٹی آڈٹ کرایا جائے۔
ان کا کہنا تھا کہ اضافی کمروں کی تعمیر سے بچوں اور بچیوں کیلئے تعلیمی سہولتوں کی فراہمی ممکن ہو گی۔
بھارتی ہائی کمشنر کی دفتر خارجہ طلبی، مقبوضہ کشمیر میں بھارتی مظالم پر احتجاج
محمود خان اچکزئی کے بیان پر خیبرپختونخوا اسمبلی میں تحریک التوا جمع
