ممبئی (جیوڈیسک) بالی ووڈ اداکارہ بپاشا باسو اوراداکار کرن سنگھ گروور نے رواں برس اپریل میں شادی کرنے کا فیصلہ کیا ہے۔
بالی ووڈ اداکار کرن سنگھ گروور اور بپاشا باسو کے درمیان کئی عرصے سے معاشقہ چل رہا ہے اور دونوں اداکاروں کو کئی مقامات پر ایک ساتھ چھٹیاں گزارتے دیکھا گیا ہے جب کہ دونوں اداکاروں نے ہمیشہ سے اپنے معاشقے کی خبروں کے بارے میں خاموشی اختیار کیے رکھی ہے تاہم اب دونوں اداکاروں نے شادی کرنے کا فیصلہ کرلیا ہے۔
میڈیا رپورٹس کے مطابق اداکار کرن سنگھ گروور اور ٹی وی کی مشہور اداکارہ جینیفر وینگٹ کے درمیان باقاعدہ طلاق کے بعد اب بالی ووڈ اداکارہ بپاشا باسو اورکرن سنگھ نے طویل عرصہ دوستی کو رشتے میں بدلنے کا فیصلہ کیا ہے جس کے بعد دونوں اداکاروں کی جوڑی اپریل میں شادی کے بندھن میں بندھ جائے گی جب کہ شادی کا باقاعدہ اعلان آئندہ چند روز میں کیا جائے گا۔
واضح رہے کہ بالی ووڈ اداکار کرن سنگھ گروور اور بپاشا باسو نے فلم’’الون‘‘ میں مرکزی کردار ادا کیا تھا جس کے بعد دونوں اداکاروں میں قربتیں بڑھی تھیں۔
شادی کے بعد فلمیں نہ ملنے کی سوچ غلط ثابت ہوئی، ودیا بالن
بہترین کہانی، کردار اور میوزک فلم کی کامیابی کی ضمانت ہیں، آمنہ شیخ
