حضرت محمد صلی اللہ علیہ وآلہ وسلم کی ولادت با سعادت کے سلسلہ میں ایک عظیم الشان جلوس سے خطاب
Posted on January 13, 2014 By Geo Urdu سٹی نیوز
کروڑ لعل عیسن (نامہ نگار) کائنات ، سید الانبیاء ، فخر موجودات حضرت محمد صلی اللہ علیہ وآلہ وسلم کی ولادت با سعادت کے سلسلہ میں چکنمبر 99-TDA بستی کمہاراں والی میں ایک عظیم الشان جلوس سے خطاب کرتے ہوئے قاری محمد عظمت اللہ باروی نے کہا کہ محمد عربی صلی اللہ علیہ وآلہ وسلم تمام جہانوں کیلئے رحمت بن کر آئے۔
جن کا میلاد منانا ثابت ہے۔ چونکہ آپ صلی اللہ علیہ وآلہ وسلم کا میلاد اصحاب رسول نے منایا۔ انہوں نے کہا کہ عاشقان رسول اس ماہ مبارکہ میں زیادہ سے زیادہ جشن منائیں ۔ اپنے گھروں پر جھنڈے لہرائیں اور محافلِ میلاد کروائیں۔ انہوں نے مزید کہا کہ میلاد النبی صلی اللہ علیہ وآلہ وسلم کی برکت سے سارا سال رزق کی فراوانی رہے گی اور اللہ کی رحمتیں اور برکتیں نازل ہونگی۔ جلوس میں سینکڑوں افراد نے شرکت کی۔
جلوس کی قیادت صاحبزدہ افتخارالحسن سواگ، قاری محمد عظمت اللہ نے کی جبکہ قاری محمد حفیظ اللہ، حافظ عبدالعزیز، حافظ محمد فاروق، حافظ شمس الحسن، میاں حاجی افتخار احمد نے خطاب کیا۔ آخر میں جلوس کے تمام شرکاء میں لنگر تقسیم کیا گیا۔
