پشاور (جیوڈیسک) بلیک وارنٹ پانے والے دو مجرموں کو پشاور سنٹرل جیل منتقل کر دیا گیا ہے جنہیں کسی بھی وقت پھانسی دی جائیگی۔
ہری پور جیل سے پشاور کے سنٹرل جیل منتقل کئے جانیوالوں میں دومجرم شامل ہیں جنہیں پھانسی کی سزا دی جائیگی۔ پھانسی کی سزا پانیوالوں میں ڈیرہ اسماعیل خان کے امان اللہ شامل ہیں جنہوں نے خاتون وکیل کو 2006 ء میں قتل کیا تھا جبکہ دوسرے مجرم نیاز محمد ہیں جنہیں سابق صدر پرویز مشرف پر حملے میں پھانسی کی سزا دی گئی تھی۔
انہیں سیکورٹی وجوہات کی بناء پر ہری پور جیل منتقل کر دیا گیا تھا تاہم گذشتہ روز انہیں سنٹرل جیل پشاور منتقل کر دیا گیا ہے جنہیں اگلے چوبیس گھنٹے میں پھانسی کی سزا دی جائیگی۔ پھانسی کیلئے کوہاٹ سے تعلق رکھنے والے جلاد سے رابطہ کیا گیا ہے۔
کراچی: ٹمبر مارکیٹ میں لگی آگ پر قابو پا لیا گیا
کشمیر حکومت نے آٹا سبسڈی کے نام پر 7 ارب ہڑپ کرلئے
