ممبئی (جیوڈیسک) مس انڈیا اور اداکارہ بننے کا خواب دیکھنے والی جوہی چاولہ کے سارے خواب ایک ایک کر کے سچ ثابت ہو گئے۔ جوہی نے 1984 میں مس انڈیا کا تاج اپنے سر سجایا اور فلم انڈسٹری میں داخل ہو گئیں۔
1986 میں فلم سلطنت سے اپنے فلمی کیریئر کا آغاز کرنے والی جوہی چاولہ نے فلم ” قیامت سے قیامت تک ” میں وہ قیامت مچائی کہ سب کو ہی اپنا گرویدہ کر لیا۔ 28 برس تک 70 سے زائد ہندی فلموں میں کام کرنے والی جوہی چاولہ کی دیگر کامیاب فلموں میں ڈر، بول رادھا بول، ہم ہیں راہی پیار کے اور عشق سمیت دیگر زبانوں کی فلمیں بھی شامل ہیں۔
جوہی چاولہ نے اداکاری کے ساتھ ساتھ فلم پھر بھی دل ہے ہندوستانی، اشوکا اور “چلتے چلتے” میں ہدایتکاری کے جوہر بھی دکھائے۔
جوہی چاولہ نے فلم فیئر اور سٹار سکرین ایوارڈ کے علاوہ رواں سال بالی ووڈ کا سب سے بڑا اعزاز دادا صاحب پھالکے بھی حاصل کیا۔ جوہی چاولہ کا فلمی سفر ابھی جاری ہے اور انکے مداح انہیں اب بھی پردہ اسکرین پر دیکھنا چاہتے ہیں۔
