ممبئی (جیوڈیسک) بالی وڈ کے مسٹر پرفیکشنسٹ عامر خان آج اپنی 49 ویں سالگرہ منا رہے ہیں۔ ممبئی میں پیدا ہونے والے عامر حسین خان نے 8 سال کی عمر میں فلم یادوں کی بارات سے فلمی دنیا میں قدم رکھا اور 1988 میں اپنے والد کی فلم قیامت سے قیامت تک میں بطور ہیرو کام کر کے اپنے پاپا کا نام خوب روشن کیا۔ 90 کی دہائی میں عامر نے ہٹ پہ ہٹ فلمز دیں جن میںدل، ہم ہیں راہی پیار کے ، راجہ ہندوستانی، عشق، غلام، سرفروش اور من شامل ہیں۔
فلمی گھرانے کے اس اسٹار کڈ نے جلد ہی اپنی منفرد اداکاری اورکام سے سچی لگن کی بدولت مسٹرپرفیکشنسٹ کا خطاب حاصل کر لیا۔ عامرخان اپنے ہر کردار کی ڈیمانڈ کے مطابق روپ دھار کر خود کو جاذب نظر بنانے کے فن میں ماہر ہیں۔ فلم تھری ایڈیٹس کا کالج بوائے ہو یا منگل پانڈے کا جنگجو، تارے زمین پرکا استاد ہو یا تلاش کا انسپکٹر یا پھردھوم تھری کا ریکارڈ توڑ چور ہر کردار میں عامر کا منفرد جلوہ شائقین کوخوب بھایا۔عامر خان کا فلمی سفر کامیابی سے جاری ہے۔
بالی وڈ: فلم او تیری کے ٹائٹل سانگ او تیری میں سلمان خان کے جلوے
اچھا موضوع فلم کی کامیابی میں اہم کردار ادا کرسکتا ہے، جاوید شیخ
