ممبئی (جیوڈیسک) بھارتی میڈیا رپورٹس کے مطابق لاکھوں دلوں پر راج کرنے والی بالی ووڈ کی خوبرو اداکارہ ممتا کلکرنی کے بارے میں پولیس کو ٹھوس ثبوت فراہم ہو چکے ہیں کہ وہ منشیات کی سمگلنگ جیسے گھناؤنے دھندے میں ملوث ہے۔
ممبئی پولیس کے افسر پرم بیر سنگھ نے پریس کانفرنس سے خطاب کرتے ہوئے اس بات کا انکشاف کیا۔ ان کا کہنا تھا کہ منشیات سمگلنگ کے الزام میں گرفتار ملزموں نے اپنے اعترافی بیانات میں یہ تسلیم کیا ہے کہ ممتا کلکرنی اس جرم میں اپنے شوہر وکی گوسوامی کے ساتھ برابر کی شریک ہے۔
جبکہ یو ایس ڈرگ انفورسمنٹ ایجنسی (ڈی ای اے) نے بھی تصدیق کی ہے کہ سابق بالی ووڈ ہیروئن کا منشیات کی سمگلنگ میں بنیادی کردار ہے۔ واضح رہے کہ بھارتی پولیس کو منشیات سمگلنگ کے کیس میں اس وقت بڑی کامیابی ملی تھی جب رواں سال 16 اپریل کو گرفتار ملزموں کی نشاندہی پر 18 ہزار کلوگرام پر مشتمل بھاری منشیات قبضہ میں لی گئی تھی۔
گرفتار ملزموں نے اپنے بیان میں انکشاف کیا ہے کہ ممتا کلکرنی افریقی ملک تنزانیہ اور دبئی میں ہونے والی ان خفیہ میٹنگز کا حصہ ہوتی تھیں جن میں منشیات کی تجارت کے بارے میں ڈسکس کی جاتی تھی۔
بھارتی میڈیا کے مطابق بھارتی پولیس نے ممتا کلکرنی اور اس کے شوہر وکی گوسوامی کی گرفتاری کیلئے انٹرپول سے رابطہ کرنے کا فیصلہ کیا ہے۔ اطلاعات ہیں کہ یہ جوڑا اس وقت افریقی ملک کینیا میں رہائش پذیر ہے۔
سلمان خان کوبالی ووڈ میں اپنا مقام چھن جانے کا خوف ستانے لگا
دلیپ کمار کی نواسی سایشا کی فلم شوائے کی تصویر جاری
