مکلی (جیوڈیسک) ٹھٹھہ کے کو ہستانی علاقے برادیہ آباد میں پولیس اور ڈاکوؤں کے درمیان مقابلے میں پولیس کو مطلوب ڈاکو انور پالاری ہلاک ہوگیا، مقابلے میں ایک ڈاکو غلام علی پالاری کو زخمی حالت میں گرفتار کرلیا گیا جبکہ ایک ڈاکو حسین پالاری فرار ہوگیا
پولیس نے کلاشنکوف، پستول اور بھاری تعداد میں گولیاں بھی برآمد کرلی گئی ہیں، ایس ایس پی ٹھٹھہ فدا حسین مستوئی نے پریس کانفرنس میں بتایا کہ مقابلے میں ہلاک ہونے وا لے ڈاکو انور پالاری کا تعلق گینگ وار سے تھا اور وہ مختلف وارداتوں میں ملوث تھا، ایک ہفتہ قبل ہالیجی جھیل کے قریب ڈاکوؤں سے مقابلے میں شہید ہونیوا لے پولیس اہلکار عبدالشکور سومرو کے قتل میں مذکورہ گینگ ملوث ہے
خفیہ اطلاع پر ہم نے ڈاکوؤں کو گرفتار کرنے کی کوشش کی لیکن ڈاکوؤں نے پولیس پارٹی پر حملہ کر دیا، جس کے نتیجے میں انور پالاری موقع پر ہلاک ہوگیا، ایس ایس پی نے بتایا کہ مقابلے میں حصہ لینے والے پولیس اہلکاروں کیلئے ایک لاکھ روپے کے انعامات کی سفارش کی گئی ہے۔
انتخابات اگلی عید سے پہلے ہوں گے، وزیراعظم تحریک انصاف کا ہوگا، عمران خان
سراج الحق 18 اکتوبر سے سکھر سمیت چھ اضلاع کا دورہ کریں گے
