بوچھال کلاں (نامہ نگار) ضلع چکوال میں بچوں کے اغوا کے پیش نظر پھیری والوں پر پابندی عائد کر دی گئی تھی مگر پھری والوں نے DCOکے احکامات کو ہوا میں اڑتے ہوئے علاقہ ونہار میانی بوچھال سمیت تمام گائوں میں دوبارہ پھیری لگانا شروع کر دیا ہے جس سے عوام میں تشویش پائی جا رہی ہے تفصیل کے مطابق بچوں کے اغوا کی خبریں عام ہونے کے بعد DCOچکوال نے پھیری والوں پر پابندی لگائی تھی جس پر کچھ روز تو عمل ہوا مگرعلاقہ ونہار میں ایک بار پھر پھیری والوں نے اپنا دھندہ شروع کر دیا ہے جس سے عوام میں ایک بار تشویش پائی جا رہی ہے انہوں نے حکاک بالا سے مطالبہ کیا ہے کہ پھیری والوں پر پابندی لگا کر اس پر عمل درآمد بھی کرا یا جائے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بوچھال کلاں (نامہ نگار) علاقہ ونہار کے لوگ وطن اور علاقہ پرست ہیں ان کے خلاف خواہ مخواہ افوائیں پھیلائی گئیں تھانہ کلر کہار میںSHOکلر کہار نذیر راکی نے ہمارے نمائندہ سے گفتگو کرتے ہوئے کہا کہ جب میں نے تھانہ کا چارج سمبھالا تو مجھے پتہ چلا کہ سر کلاں اور دیگر گائوں کے عوام خطرناک اور جرائم پیشہ لوگ ہیں مگر جب مجھے وہاں جانے کا اتفاق ہوا تو وہاں کے لوگ انتہائی مخلص اور ملنسار نکلے وہاں پولیس چوکی کے قیام کا خیر مقدم کیا گیا اور ہمارے ساتھ بھر پور تعاون کیا گیا انہوں نے کہا کہ ایک گندئی مچھلی سارے تالاب کو گندہ کرتی ہے ان گائوں میں چند جرائم پیشہ لوگ ہو نگے جنہوں نے ان لوگوں کو بدنام کر رکھا ہے انہوں نے کہا کہ اپنے علاقے میں جرائم کا خاتمہ ہمارا مشن ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بوچھال کلاں (نامہ نگار )علاقہ ونہار میں ایمبولینس لگے ہارن والی گاڑیوں اور موٹر سائیکلوں نے عوام کو پریشان کر رکا ہے تفصیل کے مطابق علاقہ ونہار میانی اور نواحی علاقوں میں بے شمار ایسی گاڑیاں اور موٹر سائیکل گھوم رہے ہیں جنہوں نے ایمبولینس کے ہارن لگا رکھے ہیں اور جب یہ سائرن بجا کر سڑکوں پر آتے ہیں تو عوام پریشان ہو جاتے ہیں انہوں نے DPOچکوال سے اپیل کی ہے کہ سائرن بجانے والے ان افراد کے خلاف کاروائی کریں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بوچھال کلاں (نامہ نگار ) بوچھال کلاں کے رہائشی الفلاح وئلفیر فائونڈیشن کے چئیرمین ملک نوید اختر نے حلقہ پی پی 21اور این ائے 60سے الیکشن لڑنے کا اعلان کیا ہے انہوں نے کہا کہ وہ موروثی سیاست کا خاتمہ کر کے عوام کو حقیقی لیڈر شپ دینا چاہتے ہیں ان کے اس اعلان سے سیاست کی دنیا میں ایک نیا اضافہ ہو گیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بوچھال کلاں (نامہ نگار) سینئر صحافی ملک خالد ضمیر بوچھال کلاں کی اہلیہ محترمہ رضا الٰہی سے انتقال کر گئیں۔ مرحومہ کے نماز جنازہ میں بزرگ مسلم لیگی رہنما ملک اسلم اعوان سیتھی، ایڈیشنل سیشن جج ملک سعادت حسین، ملک اظہر حسین ایڈووکیٹ (جنرل سیکرٹری ڈسٹرکٹ بار ایسوسی ایشن چکوال)، ایوارڈ یافتہ سماجی کارکن ملک حفیظ دھرکنہ، سینئر صحافی ریاض ملک، سماجی شخصیت بابو ملک محمد افسر بوچھال کلاں، حاجی محمد نواز ملک (سابق ممبر ضلع کونسل چکوال)، حاجی ملک وزیر، ملک اشتیاق حسین (صدر یوتھ ونگ مسلم لیگ (ن) تحصیل کلرکہار)، پٹواری ملک رفاقت حسین، رہنما مسلم لیگ (ن) حاجی ملک جاوید اقبال رنسیال، ملک شکیل احمد (ہیڈ ماسٹر GHS سرکلاں)، سابق ہیڈ ماسٹر ملک افتخار احمد شاہد، حاجی ملک کفایت سیتھی، حاجی ملک محمد ریاض (سابق اُمیدوار برائے چیئرمین یو سی بوچھال کلاں)، پروفیسر محمد اعجاز جنجوعہ، ملک جاوید اختر (جنرل کونسلر یو سی بوچھال کلاں)، سینئر رہنما PPP ملک عمران احسان، ڈاکٹر ملک اکرام الحق، ملک ضیاء الرحمان، ماسٹر نمبردار ملک طارق، ملک عامر فاروق سیتھی، حاجی امتیاز حسین کہوالہ نورپور، دیگر معززین علاقہ، سماجی و سیاسی شخصیات اور زندگی کے ہر شعبے سے تعلق رکھنے والے عوام نے کثیر تعداد میں شرکت کی۔ مسلم لیگ (ن) جدہ کے صدر ملک محی الدین نے ملک خالد ضمیر سے اظہار افسوس کیا ہے۔ ونہار میڈیا گروپ نے ملک ضالد ضمیر سے ان کی اہلیہ کی وفات پر اظہار یعزیت کی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بوچھال کلاں (نامہ نگار ) راجہ عجائب انچارج پولیس چوکی بوچھال کلاں نے جب سے پولیس چوکی کا چارج سنبھالا ہے جرائم کی شرح میں کمی ہو گئی ہے ان خیالات کا اظہار ملک کشتاق کنوال نے نمائندہ سے گفتگو کرتے ہوئے کیا انہوں نے کہا کہ علاقہ بھر اس قبل جرائم پیشہ افراد کی آماجگاہ بن چکا تھا مگر راجہ عجائب نے چارج سنبھالتے ہی جرائم پیشہ افراد کے خلاف کاروائی شروع کی تو جرائم پیشہ افراد زیر زمین چلے گئے اور علاقہ میں جرائم کی شرح میں کمی واقع ہوئی انہوں نے راجہ عجائب کی کاوشوں کو سراہا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کلرکہار(تحصیل رپورٹر)اہلیان خیرپور اپنے فیصلے خود کریں گے ملک مرسلین اعوان تفصیل کے مطابق ملک مرسلین اعوان نے صحافیوںسے گفتگو میں کہا کہ ہم کسی کے خلاف ذاتیات کی جنگ نہیں لڑ رہے بلکہ اس گائوں کے غریبوں کے لئے کام کرنا چاہتے ہیں اس سلسلے میں مسلم لیگ ن کے کارکنان بڑھ چڑھ کر حصہ لیں اس سلسلے میں انہوں نے کہا کہ صوبا ئی وزیر کی طرف سے دی جائے والی خیرپور کے لئے گرانٹ تاریخی ہے اس میں کسی قسم کی روکاوٹ برداشت نہیں کریں گے اس کے علاوہ ایم این اے بھی جلد خیرپور کا دورہ کریں گے انہوںنے کہا کہ ڈی جی سیمنٹ فیکٹری نے خیرپور کو سہولیات دی ہیں اور اس کے علاوہ وہ مذکرات کے ذریعے اہلیان کو اور سہولیات دینا چاہتے ہیںجو کہ خوش آئن ہے اور ہم ان سے اپنے جائز مطالبات کے لئے مذاکرات کا راستہ اختیار کریں گے اگر ڈی جی سیمنٹ واقعی اہلیان خیرپور سے دوستی کا رشتہ چاہتی ہیں تو ہم بھی ان کو مایوس نہیں کریں گے جس سے اس گائوں کی غریب عوام کو انشااللہ فائدہ ہوگا ہمیں اس گائوں کے مفاد سے ذیادہ کوئی چیز اہم نہیں ہے گائوں کے شر پسندوں اور فیکٹری میں تنخواہ داروں ٹائوٹوںکی عوام نشاندہی کریں اگر واقعی ایسا ہوا تو ہم ایسے لوگوں کا احتساب کرنے میں عوام کا بھرپور ساتھ دیں گے اور ایسے لوگوں کے خلاف کھڑے ہوں گے۔
ملکہ کی خبریں 17/9/2016
گجرات کی خبریں 17/9/2016
