منڈی بہاءالدین (جیوڈیسک) منڈی بہاء الدین کے حلقہ این اے 108 کے ضمنی الیکشن میں مسلم لیگ (ن) کے امیدوار ممتاز احمد تارڑ نے میدان مار لیا ہے۔
ممتاز احمد تارڑ 77 ہزار 884 ووٹ لے کر کامیاب قرار پائے جبکہ تحریک انصاف کے طارق تارڑ طارق تارڑ 40 ہزار 570 ووٹ لے کر دوسرے نمبر پر رہے اور پیپلز پارٹی کے امیدوار آصف بشیر مانگٹ 29 ہزار 618 ووٹ لے کر تیسرے نمبر پر رہے۔
حلقہ این اے 108 میں ووٹنگ کا ٹرن آئوٹ 53 فیصد رہا۔ ممتاز تارڑ نے اپنے حریف تحریک انصاف کے امیدوار طارق تارڑ پر برتری لینا شروع کی تو لیگی کارکنوں نے جیت کا جشن منانا شروع کر دیا۔
ڈھول کی تھاپ پر کارکنوں نے بھنگڑے ڈالے اور آتش بازی کی۔ فتخ کا جشن مناتے لیگی کارکنوں نے اسلحے کی بھی نمائش کی۔
واضع رہے کہ منڈی بہاءالدین کی نشست کچھ عرصہ پہلے مسلم لیگ (ن) سے تحریک انصاف میں شامل ہونے والے اعجاز چودھری کی نااہلی پر خالی ہوئی تھی۔
ملک کے مختلف شہروں میں سزائے موت کے 4 مجرموں کو پھانسی
بحیرہ عرب میں بننے والا ہوا کا شدید کم دباؤ طوفان میں تبدیل ہو گیا
