یورپی یونین کی خارجہ امور کی نمائندہ کیتھرین ایشٹن نے مصر کے معزول صدر محمد مرسی سے نامعلوم مقام پر ملاقات کی۔ ایشٹن نے کہا کہ مرسی خیریت سے ہیں لیکن وہ کس مقام پر ہیں اسکا انہیں علم نہیں۔
کیتھرین ایشٹن نے کہا کہ ان کی مرسی سے دو گھنٹے کی ملاقات ہوئی لیکن انہوں نیاس ملاقات کی تفصیلات بتانے سے انکار کیا۔ محمد مرسی کو جہاں بھی رکھا گیا ہے وہاں انہیں ٹیلویژن اور اخبارت تک رسائی ہے اور وہ مصر کے حالات سے پوری طرح باخبر ہیں۔
دوسری جانب محمد مرسی کی حمایت میں ہزاروں خواتین سڑکوں پر نکل آئیں اور مطالبہ کیا کہ سابق صدر کو جلد بحال کیا جائے۔ خواتین نے ایشٹن کے دورہ مصر اور فریقین کے درمیان بحالی کی کوششوں کو نام نہاد قرار دیا اور مطالبہ کیا کہ ہمیں منتخب اور جمہوری اقتدار واپس چاہئے جو ہم نے انتھک جدوجہد سے حاصل کیا تھا۔
کچھ اطلاعات کے مطابق کیتھرین ایشٹن کو محمد مرسی سے ملاقات کے لیے ایک ہیلی کاپٹر میں لے جایا گیا۔ جس سے اشارہ ملتا ہے کہ انہیں قاہرہ سے باہر کسی مقام پر رکھا گیا ہے۔ بیرنس کیتھرین ایشٹن نے کہا کہ محمد مرسی کے ساتھ دوستانہ ماحول میں بات چیت ہوئی لیکن جو مرسی نے ان سے کہا ہے وہ اسے دہرانے کی کوشش نہیں کریں گی۔
جان کیری دو روزہ سرکاری دورے پر آج پاکستان آرہے ہیں
زمبابوے میں آج عام انتخابات ہونگے،صدر موگابے اور مورگن مد مقابل
