کراچی (جیوڈیسک) بھینس کالونی میں گھر کے باہر رکھا بم ناکارہ بنا دیا گیا، تفصیلات کے مطابق کراچی کے علاقے بھینس کالونی میں گھر کے باہر رکھے گئے بم کو ناکارہ بنادیا گیا۔
پولیس کے مطابق گزشتہ رات بھینس کالونی سکھن تھانے کی حدود میں مقامی رہنما کے گھر کے باہر نامعلوم افراد بم رکھ کر چلے گئے تھے، جس کے بعد بم ڈسپوزل اسکواڈ کو طلب کرلیا گیا، جس نے موقع پر پہنچ کر بم کو ناکارہ بنادیا۔
بم ڈسپوزل اسکواڈ کے مطابق بم میں ایک کلو بارودی مواد تھا، جس میں ٹائم ڈیوائس بھی نصب تھی،بم کی اطلاع ملنے پر علاقے میں خوف و ہراس پھیل گیا۔ پولیس نے نامعلوم افراد کیخلاف مقدمہ درج کرکے تفتیش شروع کردی۔
کروڑوں مالیت کی ہیروئن اسمگل کرنے کی کوشش ناکام،تین ملزمان گرفتار