اسلام آباد (اصل میڈیا ڈیسک) وفاقی وزیر برائے منصوبہ بندی اسد عمر کا کہنا ہے کہ مردم شماری میں فوج کا کام سکیورٹی کا ہوگا اور مردی شماری کے لیے شناختی کارڈ کی شرط نہیں ہوگی۔
اسلام آباد میں تقریب سے خطاب کرتے ہوئے اسد عمر نے کہا کہ ملک میں آئندہ کی منصوبہ بندی کے لیے مردم شماری ضروری ہوتی ہے، جدید ٹیکنالوجی کے باوجودمردم شماری کبھی 10،کبھی 15 سال بعد ہوتی ہے اور مردم شماری کے بعد الزام لگنا شروع ہوجاتے ہیں لہٰذا اتنے اہم کام کے لیے ضروری ہے کہ دنیا میں جدید ٹیکنالوجی استعمال کریں۔
انہوں نے کہا کہ ملک میں جتنی اعتماد کی فضا بحال ہوگی اچھے نتائج آئیں گے، شماریات پر ماہرین تمام صوبوں سے مانگے گئے تھے جب کہ اسمبلی اور پارلیمنٹ کو اعتماد میں لینا ہوگا۔
اسد عمر کا کہنا تھاکہ مردم شماری میں فوج کا کام سکیورٹی کا ہوگا،10ارب کا ہارڈ ویئر اور سافٹ ویئر لیا جا رہا ہے، رواں سال جاری اخراجات کے لیے 5 ارب رکھے گئے ہیں۔
انہوں نے مزید کہا کہ پاکستان میں رہ کر کوئی وسائل استعمال کرے تو اس کا شمار ہو گا، جو فرد روزگار کے سلسلے میں جا کر رہ رہا ہے وہاں پر اس کا شمار ہوگا جب کہ مردم شماری کا قومی شناختی کارڈ سے تعلق نہیں، مردم شماری شناختی کارڈ کی بنیاد پر نہیں ہو گی، اس کے لیے شناختی کارڈ کی شرط نہیں۔
اسد عمر کا کہنا تھاکہ مردم شماری کے دوران کرفیو لگانے کا کوئی ارادہ نہیں اور کرفیو اس صورت میں لگایا جاتا ہے جب مردم شماری ایک ہی دن ہو۔
پیکا قانون میں ترمیم اسلام آباد ہائیکورٹ میں چیلنج
اسلام آباد کی عدالت نے نور مقدم قتل کیس کا فیصلہ محفوظ کر لیا
