ڈیرہ اسماعیل خان (جیوڈیسک) سینٹرل جیل ڈیرہ اسماعیل خان میں قیدیوں اور پولیس اہلکاروں میں جھگڑا ہو گیا۔ جھڑپ میں 2 پولیس اہلکار زخمی ہو گئے۔ مشتعل قیدیوں کو منشتر کرنے کیلیے ہوائی فائرنگ اور آنسو گیس کی شیلنگ بھی کی گئی۔ افطار سے کچھ دیر قبل سینٹرل جیل ڈیرہ اسماعیل خان میں اچانک ہنگامہ آرائی شروع ہو گئی۔ کمشنر محمد مشتاق جدون کے مطابق کالعدم تنظیم کے 3 قیدیوں نے ایک بیرک سے دوسری بیرک میں جانے کی کوشش کی۔
اس دوران انھیں پولیس اہلکار نے روکا تو مزید قیدی بھی جمع ہوگئے۔ ادھر پولیس اہلکار بھی اپنے پیٹی بند بھائی کی مدد کو پہنچ گئے اور فریقین میں جھگڑا ہو گیا۔ لڑائی میں دو پولیس اہلکار اور کئی قیدی زخمی ہوئے۔
جبکہ مشتعل قیدیوں نے بیرکوں میں جانے سے انکار کر دیا۔ صورتحال پرقابو پانے کے لیے پولیس کی بھاری نفری طلب کرلی گئی۔قیدیوں کو منتشر کرنے کے لیے ہوائی فائرنگ اور آنسو گیس کی شیلنگ بھی کی گئی۔ بعد میں قیدیوں اور پولیس افسران میں مذاکرات کے بعد قیدی بیرکوں میں واپس چلے گئے۔
افغان صدر حامد کرزئی دورہ پاکستان کی دعوت قبول کر لی
ساہیوال : لڑکی سے مبینہ زیادتی، ملزمان رسیوں سے باندھ کر فرار
