چوہدری محمد نصیر آرائیں(مرحوم)کی یادمیں نصیرمیموریل کرکٹ ٹورنامنٹ کا آغاز 1 جولائی بروز سوموار کو ہو گا
Posted on June 27, 2013 By Noman Webmaster سٹی نیوز
کنجاہ : چوہدری محمد نصیر آرائیں(مرحوم)کی یاد میں نصیر میموریل کرکٹ ٹورنامنٹ کا آغاز 1 جولائی بروز سوموار کو ہو گا۔ فائنل میچ آٹھ جولائی کو کھیلا جائے گا۔ کنجاہ جرنلسٹس ایسوسی ایشن کے زیر سرپرستی ہونے والے اس ٹورنامنٹ کی انتظامیہ ٹیم فرینڈزالیون کرکٹ کلب کنجاہ ہو گی۔
جبکہ چیف آرگنائزر میں ملک شیراز عمر۔ حافظ عبیراکمل طور۔ میرصفی اور چوہدری وحید بشیرآرائیں ہونگے۔مہمانان خصوصی میں الحاج افضل گوندل۔ سابق امیدوار برائے ایم این اے گجرات اور حاجی رضوان اصغر مچھیانہ، سابق ناظم یونین کونسل مچھیانہ ہونگے۔
یہ ٹورنامنٹ میجر شبیر شریف شہید کرکٹ گروانڈ نزد ناگریا نوالی چونگی کنجاہ میں کھیلا جائے گا۔ پہلا انعام 6000 روپے دوسرا انعام 3000 روپے ہو گا اس کے علاوہ بھی فائنل جیتنے والی ٹیم کو کنجاہ اوورسیز میلاد کمیٹی کی طرف سے 3000 روپے جبکہ فائنل ہارنے والی ٹیم کو 2000 روپے انعام دیا جائے گا اس کرکٹ ٹورنامنٹ میں کنجاہ اور اسکے نواحی گاوں اور دیہاتوں کی بہت سی ٹیمیں حصہ لے رہی ہیں۔ ٹورنامنٹ کے حوالے سے انتظامات کو حتمی شکل دی جارہی ہے۔
