جھنگ (تحصیل رپورٹر) ضلع کونسل کا افتتاحی اجلاس چیئرمین بابر علی خاں سیال کی زیر صدارت جناح ہال کونسل میں منعقد ہوا۔ اجلاس میں چیف آفیسر رانا غلام دستگیر ‘ وائس چیئرمین سید محمد عباس شاہ اور خان محمد خان جبوآنہ سمیت ڈسٹرکٹ آفیسر پلاننگ محمد اسلم ‘ ڈسٹرکٹ آفیسر فنانس رئوف گجر اور ارکان ضلع کونسل و سٹاف نے شرکت کی ۔ اجلاس سے خطاب کرتے ہوئے چیئرمین ضلع کونسل بابر علی سیال نے تمام اراکین کو خوش آمدید کہا اور انہیں منتخب کرنے پر تمام اراکین کا شکریہ ادا کیا ۔ انہوں نے کہا کہ جھنگ زرخیز ضلع ہے اور بزرگوں اور مشائخ عظام کی سرزمین ہے جس کا ہم پر قرض ہے کہ اس ضلع کی خدمت کرتے ہوئے اس کی تعمیر و ترقی کے لئے بھر پور کردار ادا کریں۔انہوں نے کہا کہ ہماری ترجیحات میں ترقیاتی منصوبوں کی شفافیت ‘جلد تکمیل ‘ ضلع کونسل کی آمدن کے ذرائع کو بڑھانے کے ساتھ ضلع کی روایتی محبت اور ثقافتی روایت کو فروغ دینا ہے ۔ انہوں نے کہا کہ اراکین عوامی مسائل کی نشاندہی کریں تاکہ ان کو حل کرکے سماجی ترقی کو آگے بڑھایا جا سکے ۔ انہوں نے کہا کہ ضلع میں بہترین ٹیم ورک کے ساتھ تمام چیلنجزکا مردانہ وار مقابلہ کریں گے اور عوامی خدمت کے مشن کو پورا کیا جائے گا ۔انہوں نے وزیراعظم محمد نواز شریف اور وزیر اعلی پنجاب محمد شہباز شریف کا شکریہ ادا کرتے ہوئے کہا کہ وہ ان کے اعتماد پر پورا تریں گے اور عوامی بھلائی کے لئے حکومتی پالیسیوں کے بہترین نتائج حاصل کئے جائیں گے ۔ انہوں نے مقامی ارکان پارلیمنٹ کا بھی شکریہ ادا کیا اور کہا کہ ضلع کی تعمیر و ترقی کے لئے ان کی رہنمائی میں کام کریں گے جبکہ اراکین ضلع کونسل کے مشوروں کو بھی مقدم رکھا جائے گا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (تحصیل رپورٹر) چیئر مین میونسپل کمیٹی شیخ محمد نواز اکرم نے کہا ہے کہ شہر کی خوبصورتی اور عوامی ریلیف کی فراہمی ہمارا اولین مشن ہے جس کی تکمیل کے لئے تمام اراکین اورسٹاف مل جل کر جدوجہد جاری رکھیں گے۔انہوں نے یہ بات میونسپل کمیٹی کے پہلے اجلاس کی صدرات کرتے ہوئے کہی۔وائس چیئرمین تصور حسین شاہ اور اراکین کے علاوہ متعلقہ افسران بھی اس موقع پر موجود تھے ۔چیئرمین میونسپل کمیٹی شیخ محمدنواز اکرم نے تمام اراکین کاخیر مقدم کرتے ہوئے ان کا شکریہ ادا کیا اور کہا کہ وہ ایوان اورعوام کے اعتماد پر پورااترے کیلئے تمام ترصلاحیتوں کو بروئے کار لائیں گے۔انہوں نے کہا کہ وزیراعلیٰ پنجاب محمدشہبازشریف کے ویژن کے مطابق ترقیاتی عمل کو آگے بڑھایا جائے گا اور عوام کی خدمت میں کوئی کسراٹھا نہیں رکھی جائے گی۔چیئرمین میونسپل کمیٹی نے تمام عملہ بالخصوص عملہ صفائی اپنے فرائض منصبی احسن طریقے سے سرانجام دیتے ہوئے شہر میں صفائی ستھرائی کے نظام کو بہتر کریں ۔اس ضمن میں ان کی کارکردگی واضع تبدیلی نظر آنی چاہیے تاکہ عوام کو خاطر خواہ ریلیف مل سکے۔انہوںنے کہا کہ تمام ملازمین مل جل کر کام کریں سائلین کو خندہ پیشانی سے سنتے ہوئے انہیں عزت دیں اور انکے جائز کام فوری طور پر حل کروائیں ۔ چیئر مین میونسپل کمیٹی شیخ محمد نواز اکرم نے ہدایات دیتے ہوئے کہا کہ تمام ملازمین بروقت اپنی حاضری کو یقینی بنائیںاس ضمن میں بغیر اطلاع چٹھی یا دیر سے آنے کی صورت میں قانونی کاروائی کی جائیگی۔ انہوںنے کہا کہ فیلڈ سٹاف اپنی ڈیوٹی پر جانے سے پہلے اور دفتر واپسی پرتمام اندراجات کی تکمیل کویقینی بنائیں۔ انہوںنے مزید کہا کہ تمام عملہ اپنا کام ایمانداری اور محنت کیساتھ کرے جس افسر/ملازم کوجو ڈیوٹی دی جائے وہ تکمیلی رپورٹ کے بارے میں فوری مطلع کرے۔انہوں نے کہا کہ تمام ارکان مل جل کر شہریوں کی خدمت کریں ۔اس سلسلے میں بلاتفریق فنڈز خرچ کئے جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ضلع جھنگ میں ایمبولینسوں کی رجسٹریشن کا آغاز کردیا گیا۔ انجینئرعلی حسنین جھنگ (تحصیل رپورٹر )میڈیا کواڈینیٹر محمد زبیر کے مطابق پنجاب ایمر جنسی سروس ریسکیو 1122نے ضلع جھنگ میںوزیراعلیٰ پنجاب کی ہدایات کے تحت ڈسٹرکٹ ایمرجنسی آفیسر علی حسنین کے احکامات پر ایمبولینسوں کی رجسٹریشن کا آغاز کردیا گیاہے۔جس کے مطابق سرکاری،نیم سرکاری و نجی اداروں کی ایمبولینسوں کی ریسکیو 1122کے تحت رجسٹریشن 3تا 31جنوری 2017کی صبح 9سے شام 3بجے تک کی جائے گی۔ایمبولینس مالکان کی اطلاع کے لیے نوٹسزجاری کیے جا رہے ہیں اور شہر کی اہم جگہوں پر معلوماتی بینرزبھی آویزاں کیے جارہے ہیں۔ انجینئر علی حسنین نے ہدایات جاری کرتے ہوئے کہا کہ رجسٹریشن کے عمل میں رجسٹریشن فارم کو پْر کیا جارہا ہے، ایمبولینس کے مالکان ایمبولینس سے متعلق تمام دستاویزات ساتھ لائیں،بیان حلفی جمع کرائیں۔ایمبولینس، مالک اور ڈرائیور کی تمام تفصیلات کو درج کیا جائے گا۔تمام کوائف مکمل ہونے پر ایمبولینس مالکان کو ریسکیو 1122کی جانب سے رجسٹریشن سرٹیفکیٹ جاری ہوں گے۔جس کے بعد وہ اپنی ایمبولینس کو حادثاتی مریضوںکی منتقلی کے کام لاسکیں گے جن کا مکمل ریکارڈ ریسکیو 1122کے پاس محفوظ ہوگااور بوقت ضرورت ان ایمبولینسوں کو بڑے حادثات میں ایمرجنسی سروسز کے لیے جائے حادثہ پرزخمی افراد کی خدمات کے لیے طلب کیا جا ئے گا۔جس کا بنیادی مقصد ان ایمبولینسوں کو غیر ضروری استعمال سے روکنا ،حادثات میں دستیابی کو یقینی بنانا ہے یاد رہے کہ 31جنوری کے بعد کسی ایمبولینس کو رجسٹرڈ نہیں کیا جائے گا اورنہ ہی بغیر رجسٹرڈ ایمبولینس روڈ پر چلنے کی اہل ہوگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ( تحصیل رپورٹر )پیپلز پارٹی جمہوری طریقہ سے پانامہ زدہ حکمرانوں کو گھیرا ڈالے گی۔ ان خیالات کاا ظہار پاکستان پیپلز پارٹی کے سینئر ضلعی رہنما اور چیمبر آف کامرس اینڈ انڈسٹری جھنگ کے سابق صدر میاں حاجی عابد کھوکھر نے ایک پریس ریلیز میں کیا۔ انہوں نے کہا کہ لاہور میں بلاول کی زیرقیادت پارٹی کے یوم تاسیس اور صدر زرداری کی وطن واپسی نے حکمرانوں کے چہروں کی ہوائیاں اڑا دی ہیں۔ انہوں نے کہا کہ قوم جمہوری طریقہ سے پانامہ زدہ حکمرانوں کو ایسا گھیرا ڈالے گی کہ ان کیلئے بچ نکلنے کا کوئی راستہ نہ رہے گا۔ انہون نے مزید کہا کہ ن لیگ والے سامنے آنے کی بجائے چھپ کر وار کرنے کے خوگر ہیں ، ہم ہرگز ڈرنے والے نہیں بلکہ میدان میں رہ کر ان کے تمام ہتھکنڈوں کا مقابلہ کریں گے۔ انہوں نے مزید کہا کہ بلاول اور زرردای کے پارلیمنٹ میں آنے سے نہ صرف اپوزیشن مضبوط ہوگی بلکہ ایوان کے اندر بھی حکومت کے گرد گھیرا تنگ کردیا جائے گا۔ انہوں نے مزید کہا کہ آصف زرداری اور بلاول بھٹو کی قیادت میں پاکستان پیپلز پارٹی ملک کی تقدیر بدل دے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پنجاب ایمر جنسی سروس ریسکیو 1122جھنگ نے گزشتہ سال 2016میں 26321ایمر جنسیز پر رسپانڈ کر کے31334افرادکو سروس فراہم کی۔علی حسنین جھنگ (تحصیل رپورٹر )انچارج ریسکیو1122علی حسنین نے گزشتہ سال کی کارکردگی بیان کرتے ہوئے کہا کہ پنجاب ایمر جنسی سروس ریسکیو 1122جھنگ نے ابتک لاکھوں لوگوں کو سروس فراہم کی ہے اورحسب روایت بہت سی قیمتی جانوں کو ضائع ہونے سے بچایا ہے گذشتہ سال 2016 میں ریسکیو 1122جھنگ کو 182595 کالز موصول ہوئیں جن میں 26321ایمرجنسی 22526معلوماتی 114رانگز 06 فیک جبکہ 134728 دیگر کالیں تھیں۔ ریسکیو 1122نے جن 26321 ایمرجنسی کالز پر ریسپونڈ کیا ان میں 6471روڈ ایکسیڈنٹ ، 16437 میڈیکل ایمرجنسی10517متاثرہ افراد کو موقع پرہی ابتدائی طبی امداد مہیا کی ۔ 278آگ لگنے کے واقعات 715کرائم کالز اور 2328 متفرق واقعات شامل تھے ۔ 57بلڈنگ مندہیم ہونے کے ، 27ڈوبنے کے اور 08 بلاسٹ کے واقعات شامل ہیں اور ریسکیو 1122کو روزانہ ایمرجنسی کالز کی ایوریج 72.11 کے قریب رہی اور ریسپونڈ ٹائم کی ایوریج 4.9 فیصد رہی ۔ گذشتہ سال میں 31334متاثرہ افرادکو سروس فراہم کی گی جن میں19472مریضوں کو ہسپتال شفٹ کیا گیااور 773 لوگ مختلف واقعات میں اپنی جان کی بازی ہار بیٹھے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مسافر بس اور ٹرک کادرمیان تصادم 08افراد شدید زخمی۔ ریسکیو1122 کی ٹیم نے ابتدائی طبی امداد فراہم کی جھنگ( تحصیل رپورٹر ) میڈیا کواڈیینیٹر محمد زبیر کے مطابق ملتان روڈ شاہ صادق نیاہنگ کے قریب فوگ کی وجہ سے مسافر بس اور ٹرک درمیان تصادم ہو ا جس سے 50سالہ غلام حیدر 40 سالہ ظفر اقبال 56 سالہ زولفقار 22سالہ عمر دراز 25سالہ راشد 27سالہ کاشف 15سالہ روہاب فاظمہ اور 45سالہ محمد منیر زخمی ہوا . واقعہ کی اطلاع ملتے ہی ریسکیو 1122 کی ٹیم موقع پر پہنچی اور زخمیوں مو قع پر ہی ابتدائی طبی امداد فراہم کر کے فارغ کر دیا۔
سادگی کی مثال، میاں محمد اسلام سائیکل پر سوار ہو کر اپنے دفتر آرہے ہیں
ہر دور میں اسلام کے غازیوں نے ناموس رسالت کے محاذ پر پہرہ دیا ہے، اویس نورانی صدیقی
