لاہور(جیوڈیسک) پاکستان کرکٹ بورڈ (پی سی بی) کے چیئرمین شہریار خان نے تصدیق کی ہے کہ محمد عامر کے حوالے سے سینئر کھلاڑیوں محمد حفیظ اور اظہر علی کا معاملہ اب ختم سمجھا جائے۔ سپاٹ فکسنگ کیس کے سزا یافتہ فاسٹ بولر محمد عامر کے معاملے پر دونوں کھلاڑیوں سے خوشگوار ماحول میں بات چیت ہوئی ہے۔
محمد حفیظ اور اظہر علی کا اختلاف ذاتی نہیں بلکہ اصولی ہے۔ دونوں کھلاڑی بورڈ کی پالیسی کیخلاف نہیں ہیں۔ حفیظ اور اظہر کل سے کیمپ جوائن کریں گے۔ ان کا کہنا تھا کہ محمد عامر نے کھلاڑیوں سے اپنی غلطی کی معافی بھی مانگی ہے۔ اس نوجوان کو کارکردگی کی بنیاد پر چانس دیا جا رہا ہے۔
دورہ نیوزی لینڈ ، محمد عامر تنازعہ حل کرنے کیلئے شہریار خان نے اجلاس بلا لیا
نیوزی لینڈ نے سری لنکا کو پہلے ون ڈے میں شکست دے دی
