چکوال کی خبریں 18.09.2013
Posted on September 18, 2013 By Geo Urdu سٹی نیوز
شہر بھر میں عطائی ڈاکٹروں نے موت کا بازار گرم کر رکھا ہے، ڈسٹرکٹ ہسپتال میں سہولیات کا فقدان، زمہ داران لمبی تان کر سو گئے
چکوال (ڈسٹرکٹ رپورٹر) شہر بھر میں عطائی ڈاکٹروں نے موت کا بازار گرم کر رکھا ہے، ڈسٹرکٹ ہسپتال میں سہولیات کا فقدان، زمہ داران لمبی تان کر سو گئے، شہریوں کا خادم اعلیٰ پنجاب سے نوٹس کا مطالبہ تفصیلات کیمطابق ڈسٹرکٹ ہیڈ کوارٹر ہسپتال میں سہولیات کے فقدان کی وجہ سے شہریوں نے پرائیوئٹ کلینک کی طرف رخ کر لیا جہاں پر موجود عطائی ڈاکٹر جو کہ کسی بھی لحاظ سے ڈاکٹر کے فریم میں فٹ نہ بیٹھتے ہیں نے عوام میں غلط نسخوں کی مدد سے موت بانٹنا شروع کر رکھی ہے بعض جگہوں پر تو میڈیکل سٹوروں پر موجود فارما سسٹ ہی پریکٹس کرتے ہوئے نظر آتے ہیں اور کہیں پر لیڈی ہیلتھ ورکر نے گھروں میں کلینک کھول رکھے ہیں ان تمام غیر قانونی اقدام کو رکنے کیلئے پنجاب حکومت کے تعینات کردہ زمہ داران افسران شہر سے گدھے کے سر سے سینگھوں کی طرح غائب ہیں اور کاغذی کاروائی کے زریعہ سے ڈیوتی انجام دے رہے ہیں شہریوں نے خادم اعلیٰ پنجاب سے فوری نوٹس لیتے ہوئے کاروائی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب حکومت کی طرف سے چکوال کے عوام کے ساتھ ایک نیا مذاق، شکایات کا ازالہ اراکین اسمبلی کے زریعہ سے حل ہوگا
چکوال (ڈسٹرکٹ رپورٹر) پنجاب حکومت کی طرف سے چکوال کے عوام کے ساتھ ایک نیا مذاق ،شکایات کا ازالہ اراکین اسمبلی کے زریعہ سے حل ہوگا،عوام میں تشویش کی لہر دوڑ گئی تفصیلات کیمطابق گذشتہ چند روز قبل ایک اجلاس بلایا گیا جس میں ڈی سی او چکوال نے شرکت کی اس میں کہا گیا کہ عوامی شکایات کا ازالہ اراکین اسمبلی کے زریعہ سے کیا جائے گا جبکہ پندرہ روز قبل ایم پی اے ہاؤس بھون چوک چکوال میں ٹی ایم اے عملہ کا ایک ہنگامی اجلاس بلایا گیا اور ان کو پندرہ دن کے اندر اندر سارے شہر کی صفائی کی ہدائت کی گئی مذکورہ اجلاس کو پندرہ روز مکمل ہونے کے باوجود شہر کی گندگی صاف ہونے کے برعکس دن بدن بڑھتی ہوئی دکھائی دے رہی ہے شہریوں میں اس حوالے سے تشویش پائی جارہی ہے کہ جس ایم پی ہاؤس کے ہنگامی اجلاس میں ہونے والے احکامات کو ٹی ایم اے کا صفائی کا عملہ ماننے کو تیار نہ ہے اُن اراکین اسمبلی کے احکامات کی روشنی میں شہر کے دیگر مسائل کون حل کرے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الیکشن کمیشن نے بلدیاتی انتخابات کے حوالے سے چاروں صوباں کا اجلاس بلانے کیا فیصلہ کر لیا ہے
چکوال (ڈسٹرکٹ رپورٹر) الیکشن کمیشن نے بلدیاتی انتخابات کے حوالے سے چاروں صوباں کا اجلاس بلانے کیا فیصلہ کر لیا ہے اجلاس میں بلدیات کے حوالے سے اہم
موضوعات پر گفتگو کی جائے گی تاہم اجلاس کیلئے حتمی تاریخ کا اعلان تاحال نہ کیا گیا ہے جو کہ جلد کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حی القیوم جنرل سٹور پر کیڑے والے دودھ کے ڈبے فروخت ہو نے لگے جس کو پینے سے شہری بیمار ہونے لگے
چکوال (ڈسٹرکٹ رپورٹر) حی القیوم جنرل سٹور پر کیڑے والے دودھ کے ڈبے فروخت ہو نے لگے جس کو پینے سے شہری بیمار ہونے لگے تفصیلات کیمطابق موتی بازار چکوال کے رہائشی کاشف نامی شخص نے مشہور جنرل سٹور حی القیوم سے خشک دودھ کا ڈبہ خریداڈبے کا دودھ پینے سے کاشف کا معصوم بچہ بیمار ہوا تو اس کے ڈبہ چیک کرنے پر ڈبے کے اندر سے کیڑے برآمدہوئے جس پر کاشف کے تھانہ سٹی میں شکایت کرنے کے بعد کہیں جاکر محکمہ فوڈ کے انسپکٹر کو ہوش آئی جس نے ڈبے کے اس دودھ کو ناقص قرار دیدیا فوڈ انسپکٹر کی جاری کردہ رپورٹ کی روشنی میں کاشف کی مدعیت میں تھانہ سٹی پولیس نے مقدمہ درج کر لیا شہریوں کا کہنا ہے کہ جب تک فوڈ انسپکٹر خود دوکانوں پر جا کر چھاپے مار کر چیک نہیں کرے گا تب تک اس طرح کے واقعات رونما ہوتے رہیں گے، اعلیٰ حکام اس واقعہ اور عملہ کی سستی کیخلاف نوٹس لیں۔
