چکوال کی خبریں 21.09.2013
Posted on September 21, 2013 By Geo Urdu سٹی نیوز
گورنمنٹ بوائز ہائی سکول نمبر 1 چکوال میں ہونیوالے ضمنی امتحانات کے مطالعہ پاکستان کے پرچے میں نقل کرتے ہوئے حسیب نامی طالبعلم کو پکڑ لیا گیا
چکوال(ڈسٹرکٹ رپورٹ) گورنمنٹ بوائز ہائی سکول نمبر 1 چکوال میں ہونیوالے ضمنی امتحانات کے مطالعہ پاکستان کے پرچے میں نقل کرتے ہوئے حسیب نامی طالبعلم کو پکڑ لیا گیا جس پر سپریٹنڈنٹ احمد نواز نے حسیب صفدر ولد غلام صفدر ساکن مینگن پرچے میں ناجائز ذرائع استعمال کرتے ہوئے نقل کررہا تھا سپرٹنڈنٹ احمد نواز نے تھانہ سٹی میں تحریری درخواست دی جس پر تھانہ سٹی کی پولیس نے 3 پنجاب یونیورسٹی ترمیمی 1999 کے تحت ملزم حسیب کے خلاف مقدمہ درج کرکے گرفتار کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ سٹی اور صدر چکوال میں چوری کے دو مختلف مقدمات درج کرلئے گئے
چکوال(ڈسٹرکٹ رپورٹ) تھانہ سٹی اور صدر چکوال میں چوری کے دو مختلف مقدمات درج کرلئے گئے کامران مقبول سکنہ نواب ٹاؤن نے بتایا کہ اس کے گھر پر کھڑے ہوئے دو موٹر سائیکل ہنڈا 125 [gview file=”نامعلوم چور اڑا لے گئے جبکہ جہانگیر ولد فضل حسین سکنہ ڈھوک بیر نے صدر پولیس کو بتایا کہ واصف ولد نامعلوم سکنہ واڑے نے اس کے گھر سے ایک بھیڑ اور ایک بچھڑا چوری کرلیا ہے پولیس نے مقدمات درج کر کے ملزمان کی تلاش شروع کردی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ کلرکہار اور تھانہ نیلہ کے علاقہ سے چور لکڑیاں اور بکرا لے اڑے ممتاز حسین ولد امیر علی سکنہ ملکوال نے کلرکہار پولیس کو درخواست دی
چکوال(ڈسٹرکٹ رپورٹ) تھانہ کلرکہار اور تھانہ نیلہ کے علاقہ سے چور لکڑیاں اور بکرا لے اڑے ممتاز حسین ولد امیر علی سکنہ ملکوال نے کلرکہار پولیس کو درخواست دی کہ محمد عارف وغیرہ نے مسلح ہوکر اس کی اراضی سے پھلاہی کے درخت زبردستی چوری کرلئے جبکہ محمد اسلام ولد عالم خان سکنہ سوہیر نے تھانہ نیلہ میں درخواست دی کہ تین نامعلوم اشخاص اس کے بھتیجے نذر ولد عرب شاہ سکنہ دیہہ کا ایک عدد بکرا مالیتی 25 ہزار اٹھا کر لے گئے پولیس نے مقدمہ درج کرکے ملزمان کی تلاش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ کلرکہار میں امانت میں خیانت کا مقدمہ درج ہوگیا
چکوال (ڈسٹرکٹ رپورٹ) تھانہ کلرکہار میں امانت میں خیانت کا مقدمہ درج ہوگیا۔ امجد حسین ولد عدالت حسین نے پولیس کو درخواست دی کہ خالد محمود ولد محمد خان سکنہ سرکال مائر نے اس سے سوزوکی گاڑی چند دن کیلئے مانگی جوکہ بعدازاں واپسی کا مطالبہ کرنے پر دینے سے صاف انکاری ہوگیا جس پر کلرکہار پولیس نے مقدمہ
درج کرتے ہوئے ملزمان کی تلاش شروع کر دی ہے۔
