چکوال کی خبریں 7.7.2013
Posted on July 7, 2013 By Geo Urdu سٹی نیوز
یڈیشنل ڈسٹرکٹ اینڈ سیشن جج و سول جج صاحبان کی تقرری پر ان کے اعزاز میں ایک تقریب کا انعقاد کیا
چکوال: ڈسٹرکٹ بار چکوال نے بار کے رکن راجہ شاہد ضمیر کی بطور ایڈیشنل سیشن جج تعیناتی اور ضلع چکوال میں نئے تعینات ہونے والے ڈسٹرکٹ اینڈسیشن جج ،ایڈیشنل ڈسٹرکٹ اینڈ سیشن جج و سول جج صاحبان کی تقرری پر ان کے اعزاز میں ایک تقریب کا انعقاد کیا۔تقریب میں ایڈیشنل ڈسٹرکٹ اینڈ سیشن جج گوجرانوالہ راجہ شاہد ضمیر کے علاوہ ڈسٹرکٹ اینڈ سیشن جج چکوال سردار طاہر صابر، ایڈیشنل ڈسٹرکٹ اینڈ سیشن جج راجہ پرویز اختر،ایڈیشنل ڈسٹرکٹ اینڈ سیشن جج خالد محمود چیمہ،سول جج شفقت اللہ خان،سول جج کامران ظہیر عباسی، سول جج محمد ذوالقرنین، سول جج احمدالیاس، سول جج میڈم مہرالنسائ،سول جج شازیہ حسن اور سول جج نبیلہ جعفری نے شرکت کی۔ڈسٹرکٹ اینڈ سیشن جج چکوال راجہ طاہر صابرنے اس موقع پر خطاب کرتے ہوئے کہا کہ کرپشن کے خاتمے کے لیے بینچ اور بار کو مل جل کرکام کرنا ہوگا۔اور بینچ اور بار ہی دونوں مل کر ضلع چکوال کو کرپشن فری ضلع بنائیںگے۔ڈسٹرکٹ اینڈ سیشن جج کا کہنا تھا کہ وکلاء اس سلسلے میں تعاون کریں انہوںنے کہا کہ جوڈیشل پالیسی کے حوالے سے ضلع چکوال کو خاص مقام حاصل ہے۔اپنے اعزازمیں منعقدہ تقریب سے خطاب کرتے ہوئے ایڈیشنل ڈسٹرکٹ اینڈ سیشن جج گوجرانوالہ راجہ شاہد ضمیر نے اپنی تقرری کو والدین کی خصوصی دعائوں کانتیجہ قرار دیا۔ انہوںنے کہا کہ انہوں نے جب وکالت کا آغاز کیا تو اسی دن سے عہد کیاتھا کہ وہ اس رتبے پر فائز ہونگے۔اور اللہ کی مدد ،والدین کی خصوصی دعائوں کے نتیجہ میں آج وہ اپنے مشن میں کامیاب ہو گئے ہیں۔انہوں نے کہاکہ ڈسٹرکٹ بار میں رہتے ہوئے انہوںنے سینئر وکلاء ضیاء الحسن زیدی، قاضی محمد امین، امیر بٹ اور چوہدری محمود اختر سے بہت کچھ سیکھا۔راجہ شاہد ضمیر نے اس عزم کا اظہارکیا کہ وہ آئین اور قانون کی بالادستی اور سائلین کوانصاف کی فراہمی کے لیے بھرپور اقدامات اٹھائیں گے۔صدر ڈسٹرکٹ بار عبدالجلیل ایڈووکیٹ نے صدارتی خطبہ میں خطاب کرتے ہوئے کہاکہ وکلاء بار سے بینچ کی طرف جانا چاہتے ہیں تو انہیں راجہ شاہد ضمیر کو مشعل راہ بنانا ہوگا۔ انہوںنے کہا کہ ہم نے راجہ شاہد ضمیر کی صورت میں اپنا قیمتی سرمایہ جوڈیشلی کو ٹرانسفر کر دیا ہے ڈسٹرکٹ بار کو شاہد ضمیر کی کمی ہمیشہ رہے گی۔عبدالجلیل ایڈووکیٹ کاکہنا تھا کہ نئے ڈسٹرکٹ اینڈسیشن جج سردار طاہر صابر کی تعیناتی سے ڈسٹرکٹ بار کے ساتھ ساتھ پیشی پر آنیوالے سائلین کو بھی ریلیف بنا۔ ان کے بیٹھنے کے لیے شیڈ بنائے گئے ہیں۔ جبکہ عدالتوں میں ایک بڑا جنریٹر بھی نصب کیا گیا ہے۔ قبل ازیں ڈسٹرکٹ بار کے جنرل سیکرٹری چوہدری محمدزبیر ایڈووکیٹ نے تقریب سے خطاب کرتے ہوئے کہا کہ بار ،ججز اور وکلاء کا اصلی گھر ہے، دونوںکا آپس میں گہرا رشتہ ہے انہوںنے کہا کہ راجہ شاہد ضمیر کو سیشن جج بننے پر ہم مبارک باد پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایڈیشنل ڈسٹرکٹ اینڈ سیشن جج راجہ شاہد ضمیر جب تقریب میں شرکت کے لیے ڈسٹرکٹ بار ایسوسی ایشن چکوال پہنچے
چکوال: ایڈیشنل ڈسٹرکٹ اینڈ سیشن جج راجہ شاہد ضمیر جب تقریب میں شرکت کے لیے ڈسٹرکٹ بار ایسوسی ایشن چکوال پہنچے تو جنرل سیکرٹری چوہدری محمد زبیر کی قیادت میں ملک زعفران زلفی ایڈووکیٹ ،راجہ قاسم عباس ایڈووکیٹ، چوہدری شعیب طارق ایڈووکیٹ،عمران رفیق ایڈووکیٹ،ذوالفقار احمدسباجہ ایڈووکیٹ اور پارکنگ انچارج انتظار نے استقبال کیا اور پھولوں کی پتیاں نچھاورکیں۔تقریب گاہ پہنچنے تک جگہ جگہ وکلاء ان کا استقبال کرتے رہے۔ تقریب کے اختتام پر سابق سیکرٹری ڈسٹرکٹ بار چوہدری غلام جیلانی منہاس، آصف ملک ایڈووکیٹ، نیئر عباس اعوان ایڈووکیٹ، چوہدری خالق داد خان ایڈووکیٹ، عمران رفیق ایڈووکیٹ،خواجہ خالد فاروق ایڈووکیٹ،خواجہ اصغر فاروق ایڈووکیٹ، حافظ غلام احمدطارق ایڈووکیٹ، اور دیگر نے راجہ شاہد ضمیر ایڈووکیٹ کو ایڈیشنل سیشن جج بننے پر مبارک باد دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ سٹی چکوال کے علاقے علامہ اقبال ٹائون میں نوجوان نے گھریلو جھگڑوں سے تنگ آ کر اپنے آپ کو گولی مار کر زندگی کا خاتمہ کر لیا
چکوال: تھانہ سٹی چکوال کے علاقے علامہ اقبال ٹائون میں نوجوان نے گھریلو جھگڑوں سے تنگ آ کر اپنے آپ کو گولی مار کر زندگی کا خاتمہ کر لیا۔ تصور عباس عرف سنی کا گھر والوں کے ساتھ جھگڑا ہوگیا۔اور اس نے دلبرداشتہ ہوکر پستول سے فائر کر کے اپنے آپ کو گولی ماردی۔ ریسکیو 1122 نے لاش کو ہسپتال پہنچایا جہاں پوسٹ مارٹم کے بعد لاش کو ورثاء کے حوالے کر دیاگیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوآسیدن شاہ ٹی ایم اے ہال میں صوبائی وزیر ملک تنویر اسلم سیتھی کی زیر صدارت عوامی نمائندوں کا اجلاس منعقد ہوا
چکوال: چوآسیدن شاہ ٹی ایم اے ہال میں صوبائی وزیر ملک تنویر اسلم سیتھی کی زیر صدارت عوامی نمائندوں کا اجلاس منعقد ہوا۔ جس میں صوبائی وزیر پبلک ہیلتھ و انجینئرنگ ڈپارٹمنٹ نے چوآسیدن شاہ میں پانی کی فراہمی کے لیے واٹر سپلائی سکیم کے لیے دو ٹیوب ویل لگانے کی منظوری دی۔ اجلاس میں حاجی محمد یونس، چوہدری شہزاد گجر، چوہدری زمان،ملک ذوالقرنین، راجہ ارشد ڈنڈوت، چوہدری صدق آڑہ، راجہ محمد یونس ڈنڈوت، خان ندیم بشارت،اور دیگرنے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیلہ پولیس نے قتل کے الزام میں گرفتار دو بھائیوں سے آلہ قتل برآمد کر لیے
چکوال: نیلہ پولیس نے قتل کے الزام میں گرفتار دو بھائیوں سے آلہ قتل برآمد کر لیے۔ ملزمان عمران دلدار اور فیصل دلدار سے تیس بور پستول اور بارہ بور بندوق برآمد کی گئی۔ دونوں ملزمان کے خلاف ناجائز اسلحہ کی برآمدگی کا علیحدہ مقدمہ درج کر لیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکوال: صدر پولیس چکوال نے ساتویں کلاس کی طالبہ کے ساتھ زیادتی کی کوشش کرنے والے دونوں ملزمان کے خلاف مقدمہ درج کرلیا
چکوال: صدر پولیس چکوال نے ساتویں کلاس کی طالبہ کے ساتھ زیادتی کی کوشش کرنے والے دونوں ملزمان کے خلاف مقدمہ درج کرلیا۔مقدمہ ایڈیشنل سیشن جج کی ہدایت پر درج کیا گیا۔ملزمان انجم اور خرم نے مسلح ہوکر محمداکبر کے گھر داخل ہو کر ساتویں کلاس کی طالبہ (غ)کو اسلحہ کی نوک پر زبردستی زیادتی کا نشانہ بنانے کی کوشش کی تھی اس دوران طالبہ چھری کے وار سے زخمی بھی ہو گئی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ صدر چکوال کے علاقے تترال میں تین ملزمان نے میاں بیوی پر فائرنگ کردی
چکوال: تھانہ صدر چکوال کے علاقے تترال میں تین ملزمان نے میاں بیوی پر فائرنگ کردی ،خاوند تو بچ گیا مگر بیوی شدید زخمی ہو گئی۔طاہر عباس اپنی بیوی کے ہمراہ چکوال جانیکے لیے روانہ ہوا تو ملزمان شہباز ،پرویز اور رفیق نے فائرنگ کر دی۔جس سے اس کی بیوی شدید زخمی ہو گئی۔ پولیس نے مقدمہ درج کر کے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ سٹی چکوال کے علاقے مدینہ ٹائون کے رہائشی سے دو لاکھ روپے ہتھیانے والے شخص کے خلاف مقدمہ درج کر لیا گیا
چکوال: تھانہ سٹی چکوال کے علاقے مدینہ ٹائون کے رہائشی سے دو لاکھ روپے ہتھیانے والے شخص کے خلاف مقدمہ درج کر لیا گیا۔ بھلوال کے رہائشی فیصل مختار نے شاہد محمود ساکن جنوال ٹائون سے دولاکھ روپے کی رقم ادھار لی بعد ازاں مکر گیا۔ پولیس نے مقدمہ درج کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیلہ روڈ پر دیہاتیوں اور ڈاکوئوںکے درمیان فائرنگ کا تبادلہ،بہادر نوجوان نے گولی لگنے کے بعد زخمی ہونے کے باوجود پیچھا کر کے ڈاکوئوں کوپکڑ لیا
چکوال: نیلہ روڈ پر دیہاتیوں اور ڈاکوئوں کے درمیان فائرنگ کا تبادلہ، بہادر نوجوان نے گولی لگنے کے بعد زخمی ہونے کے باوجود پیچھا کر کے ڈاکوئوں کوپکڑ لیا۔ چار ڈاکو ڈھوک ڈبری اور اردگرد کے علاقوں میں ڈکیتی کی واردات کے بعد فرار ہو رہے تھے کہ اسی اثناء میں شور پڑ گیا اور شور سنتے ہی محمد رمضان اور دیگر درجنوں دیہاتی ڈاکوئوں کے پیچھے بھاگ پڑے ڈنگی موڑ کے قریب ڈاکوئوں نے فائرنگ کردی۔ جس سے محمد رمضان شدید زخمی ہو گیا۔ تاہم اس نے ہمت نہ ہاری اور بالآخر دوڈاکوئوں کو دیگر ساتھیوں کی مدد سے پکڑ لیا۔ جبکہ دوسرے دو ڈاکو پولیس نے پکڑ لیے۔ چاروں ڈاکوئوں کو نیلہ تھانے میں بند کر دیا گیا۔ جبکہ زخمی نوجوان کو ڈسٹرکٹ ہیڈ کوارٹر ہسپتال چکوال داخل کر دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور ہائی کورٹ کے احکامات کے بعد اندرون شہر کئی سی این جی غیر قانونی قرار پائے گئے ہیں
چکوال: لاہور ہائی کورٹ کے احکامات کے بعد اندرون شہر کئی سی این جی غیر قانونی قرار پائے گئے ہیں۔ جہلم روڈ کے دو، تلہ گنگ روڈ کے چار اور پنڈی روڈ کے دو سی این جی سٹیشن بند ہوں گے۔
آج کے معصوم بچے کل کی قوم کے معمارہیں ان کی بہترین پرورش ہمارا نصب العین ہونا چاہئے(چیف جسٹس پاکستان افتخار محمد چوہدری)
