چکوال کی خبریں 07.10.2013
Posted on October 8, 2013 By Tahir Webmaster سٹی نیوز
انصاف یوتھ ونگ کے شمالی پنجاب کے انفارمیشن سیکرٹری کا دورہ چکوال
چکوال (ڈسٹرکٹ رپورٹر) انصاف یوتھ ونگ کے شمالی پنجاب کے انفارمیشن سیکرٹری کا دورہ چکوال،انصاف سٹوڈنٹس فیڈریشن کے ضلعی صدر چوہدری احسن زاہد اور ضلعی یوتھ کمیٹی کے انچارج اعجاز بٹ سے تفصیلی ملاقات، چکوال کے نوجوانوں کی پارٹی کے حوالہ سے سرگرمیوں پر تبادلہ خیال،بہترین کارکردگی پر اظہار اطمینان تفصیلات کیمطابق گذشتہ روز انصاف یوتھ ونگ شمالی لاہور کے انفارمیشن سیکرٹری عطا الرحمٰن نے چکوال کا دورہ کیا اس دوران انہوں نے انصاف سٹوڈنٹس فیڈریش کے ضلعی صدر چوہدری احسن زاہد اور یوتھ کو آرگنائز کرنے کے حوالے سے تشکیل دی گئی کمیٹی کے سربراہ اعجاز بٹ سے بھی ملاقات کی ملاقات میں تنظیم کو فعال بنانے اور نوجوانوں کی پارٹی کے حوالے سے سرگرمیوں پر تبادلہ خیال کیا گیااس موقع پر یوتھ ونگ کمیٹی کے سربراہ اعجاز بٹ کو باقی کمیٹی ارکان کے ہمراہ تحریک انصاف چکوال کے عہدیداروں کی مشاورت بارے ہدایات بھی جاری کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹمن میں شادی کی تقریب میں مدعو ڈانسرکو اجتماعی زیادتی کا نشانہ بنا دیا گیا
چکوال(ڈسٹرکٹ رپورٹر) ٹمن میں شادی کی تقریب میں مدعو ڈانسرکو اجتماعی زیادتی کا نشانہ بنا دیا گیا۔ متاثرہ ڈانسر شازیہ لیاقت کو اسلام آبادسے ٹمن میں شادی کی تقریب میں ڈانس کے لیے بلایا گیا تھا اس دوران ملزمان ثاقب ،تنویر اور محمود وغیرہ نے ڈانسر کو زبردستی پکڑ کر دوسرے کمرے میں لے جا کر زیادتی کا نشانہ بنا ڈالا۔ پولیس نے ڈانسر کی تحریری درخواست پر مقدمہ درج کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موضع ڈورے میں بارہ سالہ لڑکا تالاب میں ڈوب کر جاں بحق ہو گیا
چکوال(ڈسٹرکٹ رپورٹر) موضع ڈورے میں بارہ سالہ لڑکا تالاب میں ڈوب کر جاں بحق ہو گیا۔ اسامہ نہانے کے لیے تالاب میں اترا اور اس دوران گہرے پانی میں چلے جانے کی وجہ سے اس کی موت واقع ہو گئی۔ اہلیان گائوں نے لاش تالاب سے نکالی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ ڈوہمن کے علاقے جند اعوان میں تین افراد نے ٹھیکے کی رقم ہضم کرنے کے لیے ساتھی کو زہریلی چائے پلا کر مار ڈال
چکوال(ڈسٹرکٹ رپورٹر) تھانہ ڈوہمن کے علاقے جند اعوان میں تین افراد نے ٹھیکے کی رقم ہضم کرنے کے لیے ساتھی کو زہریلی چائے پلا کر مار ڈالا۔مقتول عرفان پرویز ،افتخار ولد بوٹا ساکن موہڑہ گل شیر کی کوٹھی کا ٹھیکہ لے کر تعمیر کر رہا تھا وقوعہ کے وقت
نثار ولد بوٹا نے گھر سے چائے منگوائی اور افتخار اور سخاب کے ساتھ مل کر چائے میں زہر ملا دیا جس سے عرفان پرویز کو خون کی قے آنا شروع ہو گئی فوری طورپر ڈی ایچ کیو ہسپتال چکوال پہنچایا گیا مگر وہ جانبر نہ ہو سکا۔پولیس نے مقدمہ درج کر کے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھون روڈ پر بیٹے نے کاروباری معاملہ پر پوچھ گچھ کرنے پروالد پر حملہ کر دیا
چکوال(ڈسٹرکٹ رپورٹر) بھون روڈ پر بیٹے نے کاروباری معاملہ پر پوچھ گچھ کرنے پروالد پر حملہ کر دیا اور دفتر میں توڑ پھوڑ کی، حافظ بلاک فیکٹری کے مالک حافظ قمر دین نے اپنے بیٹے قطب دین سے کاروبار کی بابت پوچھ گچھ کی تو قطب دین نے طیش میں آ کر اپنے والد پر حملہ کر دیا اور تیس ہزار روپے کی رقم بھی لے کر فرار ہو گیا۔والدین کے مطابق قمر دین نے اپنے سسرالیوں کے کہنے پر بغاوت کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹمکان پر قبضہ کرنے کیلیے مسلح افراد کا بیوہ عورت پر وحشیانہ تشدد
چکوال(ڈسٹرکٹ رپورٹر)ٹمکان پر قبضہ کرنے کیلیے مسلح افراد کا بیوہ عورت پر وحشیانہ تشدد،مکان میں توڑ پھوڑ،بیٹی بچانے کے لیے پہنچی تو اس کا سر پھاڑ ڈالا۔اور گردن میں رسی باندھ کر ڈیڑھ گھنٹہ تک سڑک میں گھسیٹتے رہے۔ ڈسٹرکٹ ہیڈ کوارٹر ہسپتال چکوال کے عقب میں مسلح افرادجن میں دو خواتین آسیہ اور ساجدہ بھی شامل تھیں مکان پر قبضہ کرنے کے لیے قمر سلطانہ کے گھر پہنچے اور دروازہ توڑ کر اندر داخل ہو گئے مزاحمت پر قمر سلطانہ کو وحشیانہ تشدد کا نشانہ بنایا۔ بیوہ خاتون کی بیٹی ماں کو بچانے کے لیے آگے بڑھی تو اس کا سر پھاڑ ڈالا اور اس کے گلے میں رسی باندھ کر برہنہ کر کے باہر سڑک پر گھسیٹتے رہے۔ ڈیڑھ گھنٹہ تک ملزمان ماں بیٹی کو تشدد کا نشانہ بناتے رہے۔ پولیس چند گز کے فاصلے پر ہونے کے باوجود اڑھائی گھنٹے بعد پہنچی۔ تاہم اس دوران اہلیان محلہ نے زخمی ماں بیٹی کو ہسپتال پہنچایا۔پولیس نے واقعہ کا مقدمہ درج کرلیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موضع کوٹلے کی رہائشی سابق کونسلر خالدہ بیگم نے کہا ہے کہ انہیں اور ان کی فیملی کو مختلف واقعات کے ذریعے پریشان کیا جا رہا ہے
چکوال(ڈسٹرکٹ رپورٹر)موضع کوٹلے کی رہائشی سابق کونسلر خالدہ بیگم نے کہا ہے کہ انہیں اور ان کی فیملی کو مختلف واقعات کے ذریعے پریشان کیا جا رہا ہے۔ اور ان واقعات میں میجر(ر) نوید کا مرکزی کردار ہے کیونکہ میجر نوید کے ساتھ عدالت میں کیس چل رہا تھا جو ہمارے حق میں ڈگری ہوا۔ اور میجر(ر) نوید نے ہمیں سنگین نتائج کی دھمکیاں دیں۔ تین افراد نے شہ زور بک کی اور ڈرائیور سے کہا کہ وہ محمد بشیر کوٹلے کے گھر جانا چاہتے ہیں۔ تاکہ جہیز کا سامان اٹھا لیں کوٹلے پہنچ کر تینوںافراد ڈرائیور کوگولی مار کرپستول وہیں پھینک کر فرار ہوگئے۔ دوسری جانب زخمی ڈرائیور قاضی رضوان کے ورثاء نے ملزمان کے خلاف کوئی کاروائی کرنے سے انکار کر دیا۔ خالد بیگم نے
کہا کہ ملک رزاق، ملک افسر، ملک اشرف، ملک نور حسین، ملک جہانگیر، قمر الاسلام، ملک شکیل، ملک بابر حسین اس واقعہ کے چشم دید گواہ ہیں۔ خالدہ بیگم کا کہنا تھاکہ پولیس نے اس موقع پر دیانتداری اور فرض شناسی کامظاہرہ کیا تاہم زخمی قاضی رضوان کے ورثاء نے تعاون نہیں کیا۔ انہوںنے کہا کہ ہمیں کوئی نقصان پہنچا تو اس کا ذمہ دارمیجر(ر) نوید ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام کو سہانے سپنے دکھانے والوں کی بے چینی اور عدم دلچسپی کے باعث دن بدن مسائل میں اضافہ ہو رہا ہے
چکوال(ڈسٹرکٹ رپورٹر)پاکستا ن تحریک انصاف لاہور کے صدر عبدالعلیم خان نے کہا کہ دن بدن حالات خرابی کیطرف جا رہے ہیں عوام کو سہانے سپنے دکھانے والوں کی بے چینی اور عدم دلچسپی کے باعث دن بدن مسائل میں اضافہ ہو رہا ہے اور ملک کو درپیش معاشی حالات گھمبیر ہوتے جا رہے ہیں ، انہوں نے کہا کہ تحریک انصاف کی نقل کرتے ہوئے تبدیلی لانے اور نئے پاکستان تشکیل دینے کا نعرہ نواز لیگ کے لئے ڈرائونا خواب دیکھائی دیتا ہے جنہوں نے ڈالر کی قیمت میں اضافے کا ریکارڑ قائم کر کے ملک کو مہنگائی ،بے روزگاری اور معاشی ابتری کی جانب دھکیل دیا ہے جبکہ حکمران جس شاخ پر بیٹھے ہے اور اسی شاخ کاٹنے میں مصروف دیکھائی دیتے ہیں ،عبدالعلیم خان نے کہا کہ پنجاب میں امن و امان کی صورتحال مخدوش ہو رہی ہے ،چوریوں اور ڈکیتیوں کی معمول کے علاوہ بچوں کی اغواء اور ان کے قتل جیسے بھیانک جرائم گڈ گورنس کا دعویٰ کرنے والوں کے لئے بہت بڑا سوالیہ نشان ہے، انہوں نے کہا کہ درپردہ بھتہ خوری اور کھلے بندوں کے اغواء برائے تاوان جیسے واقعات سے چشم پوشی قابل مذمت ہے ،پنجاب حکومت دوسرے معمولات میں دخل اندازی بند کر کے اپنی ذمہ داریوں کا احساس کرے اور عوام کے جان ومال کے تحفظ کو یقینی بنائے۔
