چکوال کی خبریں 19.06.2013
Posted on June 20, 2013 By Tahir Webmaster سٹی نیوز
چوآچوک پر لگے ناکے پر دو موٹر سائیکل سوار پٹھانوں نے شناخت کے لیے روکے جانے پر پولیس اہلکاروں کی دھنائی کر دی
چکوال (ڈسٹرکٹ رپورٹر) چوآچوک پر لگے ناکے پر دو موٹر سائیکل سوار پٹھانوں نے شناخت کے لیے روکے جانے پر پولیس اہلکاروں کی دھنائی کر دی جس سے ایک اہلکار کی وردی پھٹ گئی۔ شہزاد احمد اور قومی رضا کار کے اے ایس آئی رفاقت حسین چوآ چوک پر ناکے پر موجود تھے کہ اسی اثناء میں دو موٹر سائیکل سوار عزیز خان اورعمران کان آ گئے پولیس اہلکاروں نے انہیں شناخت کے لیے روکا تو انہوں نے ان کے ساتھ جھگڑا شروع کر دیا۔ جس سے اے ایس آئی رفاقت حسین کی وردی پھٹ گئی۔ صدر پولیس نے مقدمہ درج کر کے تفتیش شروع کردی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پانچ مسلح افراد نے جبیرپور روڈ سے بھٹے پر موجود نوجوان کو اغواء کر لیا
چکوال(ڈسٹرکٹ رپورٹر) پانچ مسلح افراد نے جبیرپور روڈ سے بھٹے پر موجود نوجوان کو اغواء کر لیا۔ مغوی سیف اللہ ملک سجاد کے بھٹے پر مزدوری کر رہا تھا کہ تین کاروں پرعرفان، مختار، عدنان وغیرہ مسلح ہو کر آ گئے اور سیف اللہ کو اغواء کر کے لے گئے۔ بعد ازاں70ہزار روپے تاوان کا مطالبہ کیا۔ صدر پولیس نے مقدمہ درج کر کے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نامعلوم چور سروس ایریا کلرکہار میںکھڑی گاڑی سے لیپ ٹاپ اور لاکھوں روپے کا قیمتی سامان لے اڑے
چکوال(ڈسٹرکٹ رپورٹر) نامعلوم چور سروس ایریا کلرکہار میں کھڑی گاڑی سے لیپ ٹاپ اور لاکھوں روپے کا قیمتی سامان لے اڑے۔ ناصر خان نے سروس ایریا کلرکہار میں اپنی گاڑی کھڑی کی اور ہوٹل کے اندر چلا گیا۔ اس دوران گاڑی سے چور موبائل ،لیپ ٹاپ اور دیگر قیمتی سامان مالیتی ایک لاکھ اڑتیس ہزار چار سو روپے لے کر فرار ہو گئے۔ پولیس نے مقدمہ درج کر کے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کلرکہار پولیس نے دو مختلف واقعات میں دو ملزمان سے چار کلو سے زائد منشیات برآمد کر لی
چکوال(ڈسٹرکٹ رپورٹر) کلرکہار پولیس نے دو مختلف واقعات میں دو ملزمان سے چار کلو سے زائد منشیات برآمد کرلی۔محمد سجاد پٹھان کے قبضے سے 2100 گرام چرس اور سردار علی کے قبضے سے 2075 گرام چرس برآمد کر کے انہیں جیل روانہ کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ ڈھڈیال کے علاقے چوہان سے غیر قانونی طور پر پٹرول فروخت کرنے والے نوجوان کو گرفتار کر لیا گیا
چکوال(ڈسٹرکٹ رپورٹر) تھانہ ڈھڈیال کے علاقے چوہان سے غیر قانونی طور پر پٹرول فروخت کرنے والے نوجوان کو گرفتار کر لیا گیا۔ آصف سلیم غیر قانونی طور پر پٹرول فروخت کر رہا تھا کہ پولیس نے چھاپہ مارا اور گرفتار کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹل اینجل پبلک سکول کے ہونہار طالب علم قاری منیب حسن نورانی نے آل پاکستان سکول ایسوسی ایشن کی زیر اہتمام منعقد
چکوال(ڈسٹرکٹ رپورٹر) ٹل اینجل پبلک سکول کے ہونہار طالب علم قاری منیب حسن نورانی نے آل پاکستان سکول ایسوسی ایشن کی زیر اہتمام منعقد ہونے والے مقابلہ تلاوت میں اول پوزیشن حاصل کی ہے۔ ان کا آبائی علاقہ چک بھون ہے۔منیب حسن نورانی کی عمر سات سال ہے۔ قاری منیب حسن نورانی معروف عالم دین صاحبزادہ غلام حسین فاروقی اور جے یوپی ( نورانی) کے صوبائی ڈپٹی سیکرٹری اطلاعات نورالمصطفیٰ نورانی کے بھانجے ہیں۔ جو سکول کی تعلیم کے ساتھ ساتھ قرآن پاک حفظ بھی کر رہے ہیں۔وہ بڑا ہو کر قاری قرآن بننے کا شوق رکھتے ہیں۔
