چکوال کی خبریں 25.06.2013
Posted on June 26, 2013 By Tahir Webmaster سٹی نیوز
ضلعی سیکرٹری اطلاعات مسلم لیگ ن چوہدری غلام جیلانی منہاس نے کہا ہے کہ حلقہ پی پی22کے مسائل ترجیحی بنیادوں پر حل ہوں گے
چکوال : ضلعی سیکرٹری اطلاعات مسلم لیگ ن چوہدری غلام جیلانی منہاس نے کہا ہے کہ حلقہ پی پی 22 کے مسائل ترجیحی بنیادوں پرحل ہوں گے۔ ایم پی اے سردار ذوالفقار علی خان عوامی مسائل کے حل کے لیے سرگرم عمل ہو چکے ہیں۔ جلد ہی ترقیاتی کام شروع ہونے والے ہیں۔ سردار ذوالفقار علی خان دلہہ نے اس معاملہ میں وزیراعلیٰ میاں شہباز شریف سے متعدد بار ملاقاتیں کر چکے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلعی سیکرٹری اطلاعات مسلم لیگ ن چکوال چوہدری غلام جیلانی منہاس نے میڈیا سے گفتگو کرتے ہوئے کہا ہے کہ مشرف پر غداری کا مقدمہ چلے گا
چکوال : ضلعی سیکرٹری اطلاعات مسلم لیگ ن چکوال چوہدری غلام جیلانی منہاس نے میڈیا سے گفتگو کرتے ہوئے کہا ہے کہ مشرف پر غداری کا مقدمہ چلے گا سپریم کورٹ کے احکامات کی روشنی میں جمہوری حکومت نے یہ ثابت کیا ہے کہ سپریم کورٹ کے فیصلہ پر مکمل عمل کیا جائے گا۔ کیونکہ موجودہ جمہوری حکومت اور وزیراعظم میاں نوازشریف رول آف لاء پر یقین رکھتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جیلانی ویلفیئر فائونڈیشن کے صدر چوہدری غلام جیلانی منہاس ایڈووکیٹ نے ڈی پی او چکوال اور ڈی ایس پی ٹریفک چکوال سے مطالبہ کیا
چکوال : جیلانی ویلفیئر فائونڈیشن کے صدر چوہدری غلام جیلانی منہاس ایڈووکیٹ نے
ڈی پی او چکوال اور ڈی ایس پی ٹریفک چکوال سے مطالبہ کیا ہے کہ روزانہ صبح کے وقت مینگن بلہے بالا سٹاپ پر ناجائز آڑھتیوں نے سبزیوں کی خرید و فروخت کرنے کے لیے قبضہ کر رکھا ہے اور ریڑھی بان سڑک کو مکمل طور پر جام کیا ہوا ہے اور ٹریفک کئی کئی گھنٹے بند رہتی ہے۔ آڑھتیوں کے خلاف سخت کاروائی کی جائے اور ٹریفک کو بحال کیا جائے ٹریفک جام ہونے سے چکوال شہر میں آنیوالی گاڑیوں کو شدید پریشانی کا سامنا کرنا پڑتا ہے اور لوگ اپنے اپنے دفتروں میں تاخیر سے پہنچتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صوفی محمد سرفراز خان نقشبندی مجددی چکوال کے مطابق پیر طریقت رہبر شریعت الحاج خواجہ محبوب الٰہی نسیم سجادہ نشین دربار عالیہ نقشبندیہ مجددیہ وادی عزیز شریف چنیوٹ مورخہ چھبیس جون بروز بدھ ایک روزہ تبلیغی دورہ پر ڈھریالہ کہون نزد بیسٹ وے سیمنٹ چوآسیدن شاہ روڈ تشریف لا رہے ہیں
چکوال : پیر طریقت رہبر شریعت حضرت صوفی محمد سرفراز خان نقشبندی مجددی چکوال کے مطابق پیر طریقت رہبر شریعت الحاج خواجہ محبوب الٰہی نسیم سجادہ نشین دربار عالیہ نقشبندیہ مجددیہ وادی عزیز شریف چنیوٹ مورخہ چھبیس جون بروز بدھ بعد نماز عصر ایک روزہ تبلیغی دورہ پر ڈھریالہ کہون نزد بیسٹ وے سیمنٹ چوآسیدن شاہ روڈ تشریف لا رہے ہیں۔ حضرت موصوف کے ہمراہ نامور نعت خوان حضرات ملک کے جید عالم دین کے علاوہ کثیر تعداد میں صوفیائے کرام بھی تشریف لا رہے ہیں۔ حضرت موصوف کا نماز عصر کے بعد شاندار استقبال کیا جائیگا۔ بعد ازاں نماز مغرب کی ادائیگی کے بعد مرکزی جامع مسجد ڈھریالہ کہون میں ایک شاندار روحانی، عرفانی، وجدانی محفل ذکر اللہ ہو اور میلاد مصطفی ۖ حضرت موصوف کی زیر صدارت منعقد ہوگی۔ چکوال شہر سے روحانی قافلہ حضرت صوفی محمد سرفراز نقشبندی کی قیادت میں اللہ ہو کا ورد کرتے ہوئے شامل ہو گا۔ وادی دھن کہون، چوآسیدن شاہ، میال شریف، علاقہ کلرکہار علاقہ ونہار سے بھی کثیر تعداد میں صوفیائے کرام اور مسلمانان اسلام ایک بابرکت محفل پاک میں شامل ہونگے۔ تمام مسلمان بھائیوں سے اس بابرکت محفل پاک
میں پر زور شرکت کی اپیل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صوبائی وزیر ملک تنویر اسلم سیتھی کی مبینہ پشت پناہی سے ہونے والا ہماری زمین پر قبضہ تو ہم نے روک لیا
چکوال : صوبائی وزیر ملک تنویر اسلم سیتھی کی مبینہ پشت پناہی سے ہونے والا ہماری زمین پر قبضہ تو ہم نے روک لیا لیکن اگر حکومتی ارکان اوچھے ہتھکنڈوں سے باز نہ آئے تو تحریک انصاف ان کے خلاف مضبوط اپوزیشن کا رول ادا کرے گی ان خیالات کا اظہار پاکستان تحریک انصاف چکوال کے رہنما پیر شوکت حسین کرولی نے پریس کانفرنس کے دوران کیا انہوں نے کہا کہ ملک تنویر اسلم کو یہ خیال رکھنا چاہیے کہ وہ صر ف مسلم لیگیوں کے نہیں بلکہ پنجاب کی ساری عوام کے وزیر ہیں اور حلقہ پی۔پی اکیس میں بسنے والے ہر شخص کے ایم۔پی۔ اے ہیں قبضہ گروپوں اور جرئم پیشہ عناصر کی پشت پناہی انہیں زیبا نہیں دیتی اور اگر یہ انتقامی کاروائیاں جاری رہیں تو ہمارا احتجاج چکوال بھون چوک سے شروع ہوگا اور وزیر اعلیٰ پنجاب ہاؤس سے ہوتا ہوا ایوان صدر تک زیادتیوں کے ازالہ تک جاری رہے گا انہوں نے مزید کہا ہے کہ میں میڈیا کے زریعہ سے باور کروانا چاہتا ہوںکہ اگر ہماری زمینوں پر قبضہ کرنے کی کوشش کرنے والوں کلیم، سلیم، ناصراور ان کے معاون اے۔ ایس،آئی فاروق کیخلاف کاروائی نہ کی گئی تو احتجاج کا آغاز کر دیا جائے گاجو کسی عملی کام کے بغیر اختتام پذیر نہ ہوگا اس موقع پر ان کے ہمراہ راجہ یاسر ہمایوں سرفراز،ملک شاہد اقبال ایڈووکیٹ اور علی ناصر بھٹی بھی موجود تھے جنہوں نے پیر شوکت حسین کا مکمل ساتھ دینے کا اعلا ن کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کے سابق امیدوار برائے صوبائی اسمبلی اور بھٹی گروپ کے سیاسی سربراہ علی ناصر بھٹی نے کہا ہے کہ ہم نے جب پاکستان تحریک انصاف میں شمولیت اختیار کی
چکوال : پاکستان تحریک انصاف کے سابق امیدوار برائے صوبائی اسمبلی اور بھٹی گروپ کے سیاسی سربراہ علی ناصر بھٹی نے کہا ہے کہ ہم نے جب پاکستان تحریک انصاف میں شمولیت اختیار کی تھی اسی وقت ہم نے بھٹی گروپ ختم کر دیا تھا ہمارے گروپ سے تعلق رکھنے والا ہر فرد پاکستان تحریک انصاف کا رکن بن چکا ہے اور ہمارا گروپ تحریک انصاف میں زم ہو چکا ہے وہ گذشتہ روز تحریک انصاف کی منعقدہ پریس کانفرنس کے دوران خطاب کر رہے تھے انہوں نے مزید کہا ہے کہ کسی گروپ یا پارٹی کے ساتھ کوئی الائنس نہ کیا ہے اور اپنی سیاست کے تمام فیصلے اپنی پارٹی کے بالا عہدیداروں کو سونپ چکا ہوں اور ان کے تما فیصلوں کی تائید کرتے ہو ئے سیاست کروں گا اور ہمارے سابق گروپ پر پارٹی کے ہر عہدیدار کا اتنا ہی کنٹرول ہے جتنا کبھی ہمارا ہوا کرتا تھا۔
