آئی سی سی چیمپئینز ٹرافی کے وارم اپ میچز میں آج سری لنکا کا مقابلہ ویسٹ انڈیز جبکہ بھارت کی ٹیم اور آسٹریلیا کا سامنا کرے گی۔ چیمپئینز ٹرافی کیوارم اپ میچز کے آج آخری روز دو میچز کا فیصلہ ہوگا۔ برمنگھم میں ویسٹ انڈیز اور سری لنکا کی ٹیمیں آمنے سامنے ہوں گی۔ ویسٹ انڈیز کو اپنے پہلے وارم اپ میچ میں آسٹریلیا کے ہاتھوں چار وکٹوں سے شکست کا سامنا کرنا پڑا تھا۔
جبکہ سری لنکا کا پاکستان کے خلاف میچ بارش کی نظر ہوگیا تھا۔ ایونٹ میں ویسٹ انڈیز کی ٹیم گروپ بی اور سری لنکا گروپ اے میں موجود ہے۔ کارڈف میں دوسرا وارم اپ میچ بھارت اور دفاعی چیمپئین آسٹریلیا کے درمیان ہوگا۔
آسٹریلوی کھلاڑیوں نے میچ سے قبل بھرپور پریکٹس کی۔ آسٹریلوی کرکٹر ایڈم ووگس کا کہنا ہے کہ بھارت ون ڈے کی نمبر ون ٹیم ہے، مقابلہ کانٹے کا ہوگا۔ بھارتی بیٹسمین فارم میں ہیں اور ان کی ٹیم کو محتاط ہوکر کھیلنا ہوگا۔
فرنچ اوپن ، ثانیہ مرزا ان فٹ ہونے سے تیسرا رانڈ ہار گئیں
بنگلہ دیش کے سابق کپتان محمد اشرفل نے میچ فکسنگ کا اعتراف کرلیا
