لندن (جیوڈیسک) سپانسرز نے کہا ہے کہ وہ یوراگوئے کے سٹار سٹرائیکر لوئس سواریز کی جانب سے حریف کھلاڑی کو کاٹنے کے واقعہ پر فیفا کی تحقیقات کو فکر مندی سے دیکھ رہے ہیں۔
منگل کی رات فٹبال ورلڈ کپ کے گروپ ‘ڈی’ کے ایک انتہائی میچ کے دوران سوریز نے اطالوی کھلاڑی جیورجیو چیلنی کو کندھے پر کاٹ لیا تھا۔ آن لائن جوئے کی ایک کمپنی نے کہا کہ وہ اس واقعہ کے بعد سواریز کے ساتھ اپنے تعلق کا ‘جائزہ’ لے رہے ہیں۔
کمپنی نے ٹوئٹر پر مزید کہا ‘لوئس سواریز کے خلاف حالیہ الزامات کے بعد ہم ان کے ساتھ تعلق کا جائزہ لے رہے ہیں۔ ہم کھیل میں اس طرح کا رویہ برداشت نہیں کریں گے۔ کھیلوں کا سامان بنانے والی کمپنی ایڈیڈاس نے کہا ہےکہ وہ بھی فیفا کی تحقیقات پر نظر رکھے ہوئے ہے۔
جرمن کمپنی کے مطابق وہ اس معاملے سے آگاہ ہیں۔’ہم اس واقعہ پر فیفا کی مکمل تحقیقات کے منتظر ہیں، جس کے بعد ہی ہم اپنا ردعمل ظاہر کریں گے۔ یاد رہے کہ 2010 کے بعد سے سواریزپرحریف کھلاڑیوں کو کاٹنے پر دو مرتبہ پابندی لگ چکی ہے۔
فٹ بال ورلڈ کپ: ارجنٹائن، نائجیریا پری کوارٹر فائنلز میں
میلبورن: سری نواسن آئی سی سی کے چیئرمین منتخب
