چارسدہ (جیوڈیسک) صوبہ خیبرپختونخوا کے شہر چارسدہ میں ایک معمولی سی بات پر تکرار جان لیوا تصادم میں بدل گئی اور دو فریقین نےایک دوسرے پر فائرنگ کردی، جس کے نتیجے میں دو خواتین سمیت 6 افراد جاں بحق جبکہ 2 زخمی ہو گئے۔
پولیس کے مطابق چارسدہ کے علاقے رجڑ میں قلندر شاہ اور صابر شاہ نامی افراد میں کسی معمولی بات پر تکرار ہوگئی، جس پر دونوں نے ایک دوسرے پر اندھادھند فائرنگ کر دی۔
فائرنگ سے قلندر شاہ، اس کی بیوی گل رخ، صابرشاہ، انور شاہ، احمد شاہ اور ناوی گل نامی خاتون موقع پر ہی جاں بحق ہوگئیں جبکہ 2 افراد زخمی ہوئے۔
واقعے کی اطلاع ملنے پر پولیس موقع پر پہنچ گئی اور لاشوں اور زخمیوں کو ڈسٹرکٹ ہیڈ کوارٹرز اسپتال منتقل کر دیا گیا۔
ڈپٹی سپرنٹنڈنٹ پولیس (ڈی ایس پی) سٹی بشیر احمد کے مطابق مرنے والے تمام افراد آپس میں رشتے دار ہیں۔
پولیس نے 3 افراد کو گرفتار کرکے تفتیش کا آغاز کر دیا۔
امریکا کے آلہ کار نہیں بن سکتے، برابری کی بنیاد پر تعلقات چاہتے ہیں، ترجمان پی ٹی آئی
اپوزیشن کو ساتھ لے کر چلنا عمران خان کا وژن ہے، فواد چوہدری
