کراچی (جیوڈیسک) وزیراطلاعات سندھ شرجیل میمن کا کہنا ہے کہ چودھری نثار نے سانحہ ایئر پورٹ پر بیان دینے سے پہلے حقائق کو نظر انداز کیا۔ ملک میں صرف سندھ حکومت ہی طالبان کے خلاف بر سر پیکار ہے، مسلم لیگ (ن) طالبان کے لیے نرم گوشہ رکھتی ہے۔ وزیراطلاعات سندھ شرجیل میمن نے اپنے ایک بیان میں کہا ہے کہ چودھری نثار کو کراچی ایئر پورٹ حملے کے متعلق بیان دینے سے پہلے حقائق کو مد نظر رکھنا چاہیے تھا۔
اس وقت ملک میں سندھ حکومت ہی طالبان کے خلاف برسر پیکار ہے اور سندھ حکومت دہشت گردوں اور کالعدم تنظیموں کے خلاف جنگ جاری رکھے گی، شرجیل میمن کا کہنا ہے کہ مسلم لیگ (ن) طالبان کے لیے نرم گوشہ رکھتی ہے۔ وزیراعظم نواز شریف یا چودھری نثار نے طالبان کے خلاف ایک بیان بھی نہیں دیا۔
گوجرانوالہ : مبینہ پولیس مقابلے میں مطلوب اشتہاری شکیل عرف بلا ہلاک
کیٹی بندر اور قریبی علاقوں میں 10 سے زائد دیہات زیر آب
