شکاگو (جیوڈیسک) شکاگو کے ایک اپارٹمنٹ میں آتشزدگی سے 10 سالہ پاکستانی بچہ جھلس کر جاں بحق ہو گیا۔ گیارہ افراد زخمی ہو گئے۔ شکاگو میں پاکستانی قونصل جنرل فیصل ترمزی نے بتایا کہ شکاگو کے کِم بال ایوینیو کے ہولی وڈ پارک اپارٹمنٹس میں آگ لگی۔
ہونے والی اس آتشزدگی کے دوران بچے کے والدین نے چوتھے فلور سے چھلانگ لگا کر جان بچائی تاہم دونوں کی حالت ہسپتال میں تشویش ناک ہے۔
فیصل ترمزی نے بتایا کہ اپارٹمنٹ میں آگ رات کے تین بجے لگی جب تک فائر فائٹرز اور ریسکیو اہلکار پہنچے اس وقت تک بچہ زخموں کی تاب نہ لاتے ہوئے جان کی بازی ہار چکا تھا۔اس حادثے میں گیارہ دیگر افراد زخمی بھی ہوئے۔
واضح رہے کہ جھلس کر ہلاک ہونے والا بچہ مشہور پاکستانی ڈرامہ سیریل ‘الفا براوو چارلی’ کے کیپٹن عبداللہ کا بیٹا تھا۔
