چنیوٹ میں ڈمپر سے تصادم کے بعد مسافر وین میں آگ لگ گئی، دو بچوں سمیت 17 مسافر جاں بحق ہو گئے۔ حادثہ ہائی روف کی تیز رفتاری کے باعث پیش آیا۔ اسلام آباد سے فیصل آباد جانے والی مسافر وین تیز رفتاری کے باعث چنیوٹ کے قریب را باغ کے علاقے میں ڈمپر سے ٹکرا گئی۔
حادثے کے نتیجے میں ویگن میں آگ بھڑک اٹھی جس سے 2 بچوں سمیت 17 مسافر زندہ جل گئے جن کی شناخت نہیں ہو سکی۔ ریسکیو ٹیموں نے ویگن کو کاٹ کر لاشوں کو نکالا۔ حادثے کی وجہ سے دروازے لاک ہو گئے جو نہ کھلنے کے باعث مسافر وین کے اندر زندہ جل گئے۔ جاں بحق ہونے والے سات افراد کا تعلق گاں بابورا سے ہے۔
ڈی پی او را منیر ضیا کا کہنا ہے کہ وین میں آگ سلنڈر پھٹنے سے نہیں لگی، وین کے اگلے حصے میں آگ لگی ہے۔ عینی شاہدین کا کہنا ہے کہ گاڑیوں کے ٹکرانے سے آگ کے شعلے بھڑک اٹھے، مشکل سے دو افراد کو نکالا گیا۔ بزنس کمیونٹی پاکستان کے نائب صدر محمد جمیل فخری کا کہنا ہے کہ قانون کو سختی سے نافذ کیا جائے۔
حکومت کے احکامات کے باوجود سی این جی سلنڈر وین کے اندر سیٹوں کے نیچے لگائے گئے تھے۔ ڈمپر سے ٹکرانے کے بعد ایک سلنڈر سے ہونے والی گیس لیکیج وین میں آگ لگنے کا سبب بنی۔
وزیر اعظم نے وفاقی کابینہ کا ہنگامی اجلاس آج طلب کر لیا
چنیوٹ: ویگن کا سلنڈر پھٹ گیا، 12 جاں بحق، متعدد زخمی
