مسیحی بستیوں میں بلدیاتی سہولیات کی فراہمی کو یقینی بنایا جائے۔ نشاط ضیاء قادری

Posted on December 13, 2013 By Majid Khan کراچی

کراچی: رکن صوبائی اسمبلی نشاط ضیاء قادری نے کہا ہے کہ کرسمس کے موقع پر مسیحی عوام کو مسائل سے پاک معاشرے کی فراہمی کو یقینی بنا نے کے لئے بلدیاتی ادارے مسیحی بستیوں اور گرجا گھروں کے اطراف بلدیاتی سہولیات کی فراہمی کے حوالے سے انتظامات کو ہنگامی بنیا د پر انجام دیں ،انہوں نے بلدیاتی اداروں سے کہا ہے کہ کرسمس سے قبل مسیحی ملازمین کوتنخواہ کی ادائیگی کو یقینی بنا یا جائے ان خیالات کا اظہار رکن صوبائی اسمبلی نشاط ضیاء قادری نے بلدیاتی افسران کے ہمراہ شاہ فیصل کالونی کے مختلف علاقوں کا دورہ کرکے علاقائی مسائل کے حوالے سے عوام کو در پیش مشکلات کا معائنہ کرتے ہوئے کیا اس موقع پر رکن صوبائی اسمبلی نشاط ضیاء قادری نے بلدیاتی افسران کو ہدایت کی کہ صفائی وستھرائی، روشنی کے انتظامات کی بہتری سمیت دیگر بلدیاتی سہولیات کی فراہمی کے حوالے سے انتظامات کئے جائیں۔

عوام کو درپیش بنیادی علاقائی مسائل سے نجات دلا کر مسائل سے پاک معاشرے کا قیام یقینی بنا یا جائے اس موقع پر شاہ فیصل کالونی میں قائم مسیحی بستیوں کا دورہ کرکے علاقائی مسائل کا جائزہ لیتے ہوئے متعلقہ افسران کو ہدایت کی کہ کرسمس سے قبل مسیحی بستیوں اور گرجا گھروں کے اطراف بلدیاتی سہولیات کی فراہمی کو یقینی بنانے کے لئے اقدامات کئے جائیں اس موقع پر مسیحی عوام سے گفتگو کرتے ہوئے رکن صوبائی اسمبلی نشاط ضیاء قادری نے یقین دلا یا کہ حق پرست قیادت مسیحی عوام کے ہر خوشی اور غم میں اُن کے ساتھ انہوں نے یقین دلا یا کہ کرسمس کے موقع پر مسیحی عوام کو ہر ممکن سہولیات کی فراہمی کو یقینی بنا یا جائے گا مسیحی عوام کی جانب سے علاقائی درپیش مسائل کے حل کے لئے موقع پر موجود افسران کو شکایات کے ازالے کی ہدایت کرتے ہوئے رکن صوبائی اسمبلی نشاط ضیاء قادری نے کہاکہ کرسمس کے موقع پر گرجا گھروں کے اطراف خصوصی حفاظتی انتظامات کئے جائیں تاکہ مسیحی عوام اپنے عبادات پر امن اور پر سکون ماحول میں ادا کر سکیں۔

by Majid Khan

Nasir Mehmood - Chief Editor at GeoURDU.com

Find on Google+ Follow me opinions Website