کرسمس کا یہ تہوار امن و محبت کا درس دیتا ہے جبکہ یسوع مسیح کی ولادت دکھی انسانیت کے لئے امید کی کرن ہے

Posted on December 25, 2013 By Majid Khan کراچی

کراچی: کرسمس کا یہ تہوار امن و محبت کا درس دیتا ہے جبکہ یسوع مسیح کی ولادت دکھی انسانیت کے لئے امید کی کرن ہے اور ان کی تعلیمات پر عمل کر کے دنیا کو امن کا گہوارہ بنا سکتے ہیں ان خیالات کا اظہار ایڈمنسٹریٹر بلدیہ کورنگی غلام رسول نے کورنگی زون کے مختلف چرچز کے دورے کے موقع پر کیا اس موقع پر ان کے ہمراہ میونسپل کمشنر بلدیہ کورنگی طلعت محمود ،XEN محمد مبین ،ڈپٹی ڈائر یکٹر ہیلتھ سید محمد احمد نقوی اور دیگر محکمہ جاتی افسران بھی موجود تھے ایڈمنسٹریٹر بلدیہ کورنگی غلام رسول نے کہا کہ کورنگی کے تمام گرجا گھروں، عبادت گاہوں کے اطراف اور گذرگاہوں سے صفائی ستھرائی اور روشنی کے انتظامات پر اپنے اطمینان کا اظہار کیا۔

اقلیتی برادری کو بہترین سہولیات کی فراہمی کے لئے ہر ممکن اقدامات کئے گئے ہیں خصوصاً ان کے مذہبی تہوار کرسمس کے حوالے سے اقلیتی برادری کے رہائشی علاقوں میں اور عبادت گاہوں کے اطراف بلدیاتی سہولیات فراہمی کے انتظامات مکمل اور مسیحی ملازمین کی تنخواہوں کی ادائیگی کو یقینی بنایا گیا ہے تاکہ مذہبی بھائی اپنا تہوار کسی پریشانی کے بغیر مناسکیں اور موقع پر موجود چرچ کے پادری اور منتظمین کو کرسمس کی پیشگی مبارکباد دیتے ہوئے کہا کہ انتظامیہ بلا رنگ ونسل و مذہب و زبان عوام کی خدمت میں مصروف عمل ہے اور ماضی کی روایات کو برقرار رکھتے ہوئے کرسمس کے موقع پر بہتر اور مثالی بلدیاتی سہولیات کی فراہمی کا سلسلہ آئندہ بھی جاری رکھے گی دورے کے موقع پر چرچ کے منتظمین نے انتظامیہ کی جانب سے کرسمس کے حوالے سے مثالی انتظامات کی انجام دہی کو سراہتے ہوئے زبردست خراج تحسین پیش کیا۔

by Majid Khan

Nasir Mehmood - Chief Editor at GeoURDU.com

Find on Google+ Follow me opinions Website