واشنگٹن (جیوڈیسک) امریکی خفیہ ایجنسی سی آئی اے نے سماجی ویب سائٹس فیس بک اور ٹوئٹر پر اپنا اکاؤنٹ بنا لیا ہے۔ عالمی رجحانات کے پیش نظر سی آئی اے نے باضابطہ طور پر فیس بک اور ٹوئٹر اکائونٹ بنا لیا ہے جس کا مقصد عوام کے ساتھ براہ راست بہتر رابطہ قائم کرناہے۔
سی آئی اے کے ٹوئیٹر پرآتے ہی 90 منٹ سے بھی کم وقت میں 84 ہزار سے زائد فولورز ہو گئے جبکہ سی آئی اے کو فولو کرنے کی تعداد میں تیزی سے اضافہ ہورہا ہے ۔ سی آئی اے کے سربراہ جان برینن نے ایک بیان میں کہا ہے۔
کہ ان پلیٹ فارمز کا حصہ بن کر ایجنسی عوام سے برارہ راست رابطہ جوڑ سکے گی اور ایجنسی کے مشن، تاریخ اور دیگر معلومات فراہم کی جاسکے گی۔ اس سے قبل سی آئی اے کی ایک سرکاری ویب سائٹ کے علاوہ یوٹیوب اور فلیکر اکائونٹس بھی موجود ہیں۔
اسرائیل کا ڈیڑھ ہزار گھروں کی تعمیر کا منصوبہ تیار
ہندوستان: نوجوان کی ہلاکت پر 17 پولیس اہکاروں پر فرد جرم عائد
