وزیراعلی پیجاب کی جانب سے راولپنڈی واقعہ کی تحقیقات کیلئے بنائے گئے جوڈیشل کمیشن کو خوش آئند قرار دیا ہے
Posted on November 17, 2013 By Noman Webmaster سٹی نیوز
مجلس وحدت مسلمین کے مرکزی ترجمان علامہ حسن ظفر نقوی نے وزیراعلی پیجاب کی جانب سے راولپنڈی واقعہ کی تحقیقات کیلئے بنائے گئے جوڈیشل کمیشن کو خوش آئند قرار دیا ہے اور مطالبہ کیا ہے کہ جوڈیشن کمیشن کو یہ اختیار بھی دیا جائے کہ وہ غفلت برتنے والے اداروں اور شخصیات کا بھی تعین کرے۔ مرکزی دفتر سے جاری بیان میں علامہ حسن ظفرنقوی نے کہا کہ جو سازش 2009 میں کراچی میں تیار کی گئی وہی سازش راولپنڈی بھی میں دہرائی گئی۔
انہوں نے کہا کہ تمام مکاتب فکر کے علما سے امن وامان برقرار رکھنے کیلئے اپنا کردار ادا کرنے کی اپیل کرتے ہیں،پوری قوم اپنے اتحاد سے ملک دشمنوں کے عزائم کو ناکام بنادیں۔ ان کا کہنا تھا کہ راولپنڈی کے واقعہ نے پنجاب پولیس اور حکومت کی سیکیورٹی کے فول پروف انتظامات کے تمام دعوں کی دھجیاں بکھیر دیں۔ علامہ حسن ظفر نقوی نے کہا شہباز شریف کی حکومت میں ہی لاہور میں سانحہ یوم علی پیش آیا جس میں 50سے زائد افراد زندگی کی بازی ہار گئے۔
گذشہ سال اسی راولپنڈی شہر میں سانحہ ڈھوک سیداں کا واقعہ ہوا اور اسی طرح کے دیگر واقعات رونما ہوئے جن میں سیکڑوں افراد جاں بحق ہو گئے لیکن شہدا کے خانوادے یہ سوال پوچھنے میں حق باجانب ہیں کہ ان واقعات کیلئے جوڈیشل کمیشن کیوں تشکیل نہ دیا گیا۔
انہوں نے ملت جعفریہ سے اپیل کی کہ وہ پرامن رہیں اور قانون نافذ کرنے والے اداروں کی بھرپور معاونت کریں تاکہ دہشتگردوں کو گرفت میں لایا جاسکے۔ انہوں نے کہا کہ شیعہ قوم تمام مکاتب فکر کی مساجد، امام بارگاہوں اور اہلسنت کی مقدسات کی حفاظت کیلئے اقدامات اٹھائیں اور کسی بھی سازش کو ناکام بناتے ہوئے قومی وحدت کا ثبوت دیں۔
