گجرات کی خبریں 18/6/2014
Posted on June 19, 2014 By Geo1 Webmaster سٹی نیوز
حلقہ پی پی 113اور پی پی 114کی زکوٰة کمیٹیاں تشکیل دینے کا عمل جاری ہے ‘ انہوں نے مقامی مسلم لیگ راہنمائوں سے اپیل کی ہے کہ وہ اس سلسلہ میں تعاون کریں ،چوہدری تنویر گوندل
گجرات ( جی پی آئی ) مستحقین زکوٰة کو اُن کا حق پہنچانا ہم سب کا فرض ہے ان خیالات کا اظہار ضلعی چیئر مین زکوٰة و عشر کمیٹی چوہدری تنویر گوندل اپنے دفتر ضلع کی 634مقامی زکوٰة کمیٹیوں میں سے 62کمیٹیوں کے چیئر مینوں کو نوٹیفکیشن اور مستحقین کیلئے امدادی رقوم کے چیک دینے کی تقریب سے خطاب کرتے ہوئے کیا انہوں نے کہا ہے کہ ضلع بھر میں 634کمیٹیاں موجود ہیں ‘ جن میں سے 131کمیٹیاں رہ گئیں ہیں باقی سب کو چیک تقسیم کر دیئے گئے ہیں حلقہ پی پی 113اور پی پی 114کی زکوٰة کمیٹیاں تشکیل دینے کا عمل جاری ہے ‘ انہوں نے مقامی مسلم لیگ راہنمائوں سے اپیل کی ہے کہ وہ اس سلسلہ میں تعاون کریں تاکہ مستحقین تک اُن کا حق پہنچ سکے ‘ اگر یہ کمیٹیاں تشکیل نہ دی گئی تو اُن کی رقم واپس چلی جائے گی ۔ فی کمیٹی 16280روپے چیک دیئے جا رہے ہیں ‘ مور ا سکالر شپ سکیم طلباء کیلئے ہوتی ہے ‘ طلباء کو سکالر شپ کیلئے فارم جولائی میں جاری کئے جائیں گے ‘ اس سلسلہ میں جو طلباء و طالبات یہ سکالر شپ حاصل کرنے چاہتے ہیں جولائی میں مقامی زکوٰة کمیٹیوں کے چیئر مینوں کے ذریعے فارم جمع کروا دیں انہوں نے کہا ہے کہ جہیز فنڈز میں رقم موجود ہے فوری طور پر درخواست چیئر مین کو دی جائے تاکہ چیک جاری کئے جا سکیں ‘ انہوں نے کہا ہے کہ تمام مقامی چیئر مینوں کے فرض ہے کہ وہ اپنے فرائض احسن طریقہ سے سر انجام دیں اور اُن پر جو اعتماد کیا جا رہا ہے اُس پر پورا اترنے کی کوشش کریں ۔ چوہدری ظہور الٰہی آف صباحت انڈسٹریز نے کہا ہے کہ مستحقین زکوٰة تک امدادی رقوم کی فراہمی کیلئے ہر شخص کو اپنے کردار ادا کرنا چاہیے ‘اور چوہدری تنویر گوندل نے جس انداز سے کام شروع کیا ہے ‘ یہ قابل تحسین ہے ‘ اور ہم سب میاں برادران کو اُن کے اعتماد پر مبارکبا دپیش کرتے ہیں ‘ اس موقع پر چوہدری طالب حسین آف مہسیاں ‘ چوہدری قمر چیئر مین ‘ چوہدری محمد زمان گھریرہ’ چیئر مین ضمیر الزمان ‘ ڈاکٹر ظفر دیو ڑا و دیگر بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صاحبزادہ پیر حکیم جواد الرحمن نظامی سیفی کی خدمات قابل تحسین ہیں، رانا مشرف علی ناز
گجرات ( جی پی آئی ) ممتاز سماجی شخصیت رانا مشرف علی ناز نے کہا ہے کہ صاحبزادہ پیر حکیم جواد الرحمن نظامی سیفی کی خدمات قابل تحسین ہیں ‘ اور وہ جس انداز میں تبلیغ اسلام کیلئے کوشاں ہیں وہ قابل فخر ہیں ‘ صاحبزادہ جواد الرحمن نظامی سیفی نے ضلع میں امن وامان کا کام شروع کیا ہوا ہے ‘ ہم اُنہیں خراج تحسین پیش کرتے ہیں ‘ وہ گزشتہ روز جامع مسجد نظامی میں صاحبزادہ پیر حکیم جوادا لرحمن نظامی سیفی کو عمرہ کی سعادت حاصل کرنے پر مبارکباد پیش کر رہے تھے ‘ اس موقع پر ممتاز صحافی وحید مرزا ‘ ظہیر مرزا ‘ ڈاکٹر رزاق احمد غفاری ‘ صاحبزادہ محمد علی صابر نظامی سیفی و دیگر بھی موجود تھے ‘ رانا مشرف علی ناز نے حکیم جواد الرحمن نظامی سیفی کیلئے نیک خواہشات کا اظہار کیا اور انہیں ہار پہنائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجدد اعظم حضرت سید نوشہ گنج بخش قادری کا سالانہ عرس مبارک 27-26جون جمعرات جمعتہ المبارک دارلفیض رنمل شریف میں منعقد ہو گا
گجرات (جی پی آئی) مجدد اعظم حضرت سید نوشہ گنج بخش قادری کا سالانہ عرس مبارک 27-26جون جمعرات جمعتہ المبارک دارلفیض رنمل شریف میں منعقد ہو گا ، مرکزی تقریب 26جون بروز جمعرات دن 10بجے تا نماز مغرب عالمی مبلغ اسلام حضرت علامہ پیر سید معروف حسین شاہ عارف قادری نوشاہی بانی دی ، ورلڈ اسلامک مشن برطانیہ سجادہ نشین دربار نوشاہی نوشہ پور شریف جہلم کی زیر سرپرستی منعقد ہو گی ، رونق محفل حضرت صاحبزادہ سید حسن شاہ ازہر نوشاہی ہوں گے ، نامور ثناء خوانِ مصطفی حافظ عبدالقادر نوشاہی برطانیہ ، قاری محمد شفیع نوشاہی گولڈ میڈلسٹ ، علامہ منور حسین نوشاہی ، علامہ سلیمان لیاقت جلال سمیت نامور علماء کرام خطاب کریں گے تمام امور کی نگرانی چوہدری نثار احمد نوشاہی ناظم اعلیٰ مرکزی بزم نوشاہی ناظم اعلیٰ مرکزی بزم نوشاہیہ پاکستان کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری تنویرگوندل صحیح انداز میں عوام الناس کی خدمت کیلئے کوشاں ہیں،چوہدری زمان گھریرہ
گجرات ( جی پی آئی ) مسلم لیگ ن کی ممتاز سماجی شخصیت چوہدری زمان گھریرہ نے کہا ہے کہ چوہدری تنویرگوندل صحیح انداز میں عوام الناس کی خدمت کیلئے کوشاں ہیں ‘ انہوں نے بحیثیت چیئر مین زکوٰة کمیٹی بہت کم عرصہ میں مستحقین کی امداد کیلئے جو قدم اٹھائیں ہیں ‘ وہ قابل تحسین ہیں ‘ اور ہم پاکستان مسلم لیگ ن کے قائدین کو خراج تحسین پیش کرتے ہیں کہ انہوں نے ایسی شخصیت کو چیئر مین نام مقرر کیا گیا ہے ‘ جو خدمت خلق عبادت سمجھ کر کرتے ہیں ۔ ہم چوہدری تنویر گوندل کو اُن کی شاندار خدمات پر خراج تحسین پیش کرتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیئر مین ضلعی زکوٰة کمیٹی چوہدری تنویر گوندل اور چوہدری ظہور الٰہی آف صباحت انڈسٹری گزشتہ روز عیادت کیلئے رانا مشرف علی ناز کی رہائشگاہ پر گئے
گجرات ( جی پی آئی ) چیئر مین ضلعی زکوٰة کمیٹی چوہدری تنویر گوندل اور چوہدری ظہور الٰہی آف صباحت انڈسٹری گزشتہ روز عیادت کیلئے رانا مشرف علی ناز کی رہائشگاہ پر گئے اور اُن کی صحت یابی کیلئے دعا کی ۔ اس موقع پر چوہدری تنویر گوندل نے کہا ہے کہ رانا مشرف علی ناز ہمارے بزرگ رہنما ہیں ‘ جو مسلم لیگ ن کی مضبوطی کیلئے دن رات کوشاں رہتے ہیں اور اُن کی خدمات نا قابل فراموش ہیں ۔ اللہ تعالیٰ اُن صحت و تندرستی عطا فرمائے ‘ چوہدری ظہور الٰہی نے کہا ہے کہ رانا مشرف علی ناز جیسا راہنما ہمارے لئے قابل فخر ہے جو کہ اپنی جماعت کے وقار میں اضافہ کیلئے دن رات کوشاں رہتے ہیں ۔ رانا مشرف علی ناز نے دونوں رہنمائوں کا شکریہ ادا کیا جنہوں نے اپنے قیمتی وقت میں سے اُن کیلئے کچھ وقت نکالا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج برصغیر کی عظیم روحانی شخصیت حضرت شاہ جہانگیر رحمتہ اللہ علیہ کا سالانہ عرس مبارک منعقد ہوگا ‘ عرس کی تقریبات تین روز تک جاری رہیں گی
گجرات ( جی پی آئی ) آج برصغیر کی عظیم روحانی شخصیت حضرت شاہ جہانگیر رحمتہ اللہ علیہ کا سالانہ عرس مبارک منعقد ہوگا ‘ عرس کی تقریبات تین روز تک جاری رہیں گی ‘ محکمہ اوقاف کے زیر اہتمام یہ تقریبات منعقد ہو رہی ہیں ‘ آج بعداز نماز عصر ممتاز سیاسی و سماجی شخصیت وزیر النساء ایڈووکیٹ کی رہائشگاہ پر محفل میں منعقد ہوگی جس میں ممتاز شخصیات شرکت کرینگی ‘ بعدازاں دربار شریف پر چادر چڑھائی جائے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
علامہ طاہر القادری اور مرحومین کے خانوادہ کو یہ صدمہ برداشت کرنیکی توفیق عطا فرمائے، چوہدری منظور حسین ا
گجرات ( جی پی آئی )حسینہ ٹرسٹ ( رجسٹرڈ ) کے صدر چوہدری منظور حسین اور پروفیسر سید سرفراز جعفری جنرل سیکرٹری ‘ جواد حسین جعفر ممبر حسینہ ٹرسٹ و سید الطاف عباس کاظمی ممبر حسینہ ٹرسٹ نے اپنے ایک مشترکہ بیان میں عوامی تحریک پاکستان کے کارکنوں پر پنجاب حکومت کی سرپرستی میں ہونے والے ظلم و بربریت کے واقعات پر حکمرانوں کے اندر حکمرانی کی شدید مذمت کی ‘ ادارہ منہاج القرآن اور عوامی تحریک کے شہداء کی بلندی درجات کیلئے دعا کرتے ہوئے ظلم کا شکار ہونے والے خانوادوں سے اظہار یکجہتی اور تعزیت کا اظہار کیا ۔ جس طرح سے منصوبہ بندی کر کے گلوبٹ جیسے بد معاشوں اور بدکرداروں پولیس کے ٹائوٹ لوگوں کو استعمال کرتے ہوئے توہین انسانیت کی نئی تاریخ رقم کی وہ جہاں حکمرانوں کیلئے باعث شرم ہے وہاں لوگوں کو طاقت کے استعمال اور قانون شکنی کی ترغیب کے مترادف ہے ‘ پورے ملک میں درد دل رکھنے والے لوگوں کو اس عمل نے سوگوار کر دیا ہے ‘ دعا ہے کہ علامہ طاہر القادری اور مرحومین کے خانوادہ کو یہ صدمہ برداشت کرنیکی توفیق عطا فرمائے اور اپنے غصہ و غیض و غصب پر قابو پانے کا حوصلہ عطا فرمائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہاں بے گناہ ہوں کا تحفظ و انتظامات ضروری ہیں ‘ وہاں آپریشن کی مصلحت کا شکار نہیں ہوناچاہئے،حسینیہ ٹرسٹ
گجرات ( جی پی آئی )صدر حسینیہ ٹرسٹ چوہدری منظور حسین ‘ سید الطاف عباس کاظمی ممبر حسینہ ٹرسٹ جواد حسین جعفر ممبر حسینہ ٹرسٹ اور پروفیسر سید سرفراز حسین جعفری جنرل سیکرٹری ٹرسٹ نے مشترکہ بیان میں دہشت گردوں ‘ ملک دشمنوں ‘ انسانیت دشمنوں کے خلاف افواج پاکستان کے ضرب عضب آپریشن پر اظہار یکجہتی کرتے ہوئے کہا ہے کہ ہم دعا گو ہیں کہ اس آپریشن کے نتیجہ میں ملک پاکستان کے امن دشمنوں اور بے گناہ انسانوں کے خون سے ہولی کھیلنے والوں کے خلاف کامیابی سے ہمکنار کرے ‘ یہ آپریشن جو بہت پہلے شروع ہو جانا چاہئے تھا مگر حکمرانوں کو فیصلہ کرنے میں بڑی دیر لگی جس کے نتیجہ میں اہم ترین ادارہ پر حملہ کیوجہ سے پاکستان اقوام عالم میں مذاق بن کر رہ گیا ۔ جہاں بے گناہ ہوں کا تحفظ و انتظامات ضروری ہیں ‘ وہاں آپریشن کی مصلحت کا شکار نہیں ہوناچاہئے ‘ پاکستانی عوام اپنے فوجی جوانوں کے ساتھ ہیں ‘ اور انہیں انکی صلاحیتوں پر پورا اعتبار ہے ‘ امید ہے سالار افواج پاکستان کے چہرے پر جہاں رعب و دبدبہ ہے ‘ وہاں مضبوط ارادہ و عزم کا بھی عکاسی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلعی انتظامیہ اور پولیس پاکستان عوامی تحریک کے قائد کی آمد کے موقع پر استقبال کرنیوالے افراد کو فول پروف سکیورٹی کی فراہمی یقینی بنائے گی،DCO
گجرات(جی پی آئی )ڈی سی او لیاقت علی چٹھہ کی زیر صدارت اہم اجلاس منعقد ہوا جس میں ڈی پی او رائے اعجاز احمد، ضلعی صدر پاکستان عوامی تحریک سمیع اللہ وڑائچ، جنرل سیکرٹر ی گلریز احمد و دیگر عہدایدارن نے شرکت کی۔ اس موقع پر خطاب کرتے ہوئے ڈی سی او لیاقت علی چٹھہ نے سانحہ لاہور پر گہرے رنج و غم کا اظہار کیا جبکہ شرکاء نے شہداء کی بلندی درجات اور مغفرت کے لئے دعا کی۔ ڈی سی او لیاقت علی چٹھہ نے خطاب کرتے ہوئے کہا کہ ضلعی انتظامیہ اور پولیس پاکستان عوامی تحریک کے قائد کی آمد کے موقع پر استقبال کرنیوالے افراد کو فول پروف سکیورٹی کی فراہمی یقینی بنائے گی۔ انہوںنے کہا کہ عوامی تحریک اگر گجرات میں اجتماع منعقد کرنا چاہتی ہے توکسی سٹرک کی بجائے اسٹیڈیم میں اسکا انعقاد کرے تاکہ اس میں شریک افراد کی قیمتی جانوں کی حفاظت کے لئے انتظامات کئے جاسکیں۔ انہوں نے کہا کہ پاکستان عوامی تحریک کے ذمہ داران ایسے مقام پر استقبالی کیمپ لگائیں گے جہاں سکیورٹی انتظامات میں آسانی ہو نیز گاڑیوں کی پارکنگ کے لئے بھی مناسب جگہ دستیاب ہو۔ ڈی پی او رائے اعجاز احمد نے کہا کہ گجرات پولیس عوامی تحریک کے کارکنوں کو تحفظ فراہم کرنے کے لئے تمام وسائل برئوے کار لائے گی تاہم عوامی تحریک کے عہدیدداروں اور کارکنوں کو اس مقصد کے لئے انتظامیہ اور پولیس سے مکمل تعاون کرنا چاہیے تاکہ کوئی شرپسند اپنی ناپاک سازش میں کامیاب نہ ہو سکے۔ پاکستان عوامی تحریک کے ضلعی صدر چوہدری سمیع اللہ وڑائچ، جنرل سیکرٹری گلریز احمد نے اظہا رخیال کرتے ہوئے یقین دلایا کہ لاء اینڈ آرڈر برقرار رکھنے کے لئے ضلعی انتظامیہ اور پولیس سے مکمل تعاون کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس کامنشیات فروشوں کے خلاف کر یک ڈائون، 7 منشیات فروش گرفتار 2کس ناجائز اسلحہ بردار بھی گرفتار
گجرات ( جی پی آئی )پولیس کامنشیات فروشوں کے خلاف کر یک ڈائون،7منشیات فروش گرفتار 2کس ناجائز اسلحہ بردار بھی گرفتار تفصیلات کے مطابق گجرات پولیس نے منشیات فروشوں اورناجائزاسلحہ برداروں کے خلاف گھیرا تنگ کر دیا ۔ ضلع بھر میں منشیات فروشوں کے خلاف کارروائی کے دوران 7افراد کو گرفتار کرلیا اور ان کے قبضہ سے مجموعی طور پر 655گرام ہیروئن اور 1350گرام چرس برآمد کرلی ۔اس کے علاوہ 2افراد کو ناجائز اسلحہ قبضہ میں رکھنے کے جرم میں گرفتار کرلیا ۔تھانہ صدر سرائے عالمگیر نے ملزمان 1۔شاہد جاوید سکنہ لالہ موسیٰ سے 115گرام ہیروئن ،2۔صفدر اقبال سکنہ سرائے ‘عالمگیر سے 145گرام ہیروئن ،3۔نجم انیس سکنہ کھمبی سرائے عالمگیر سے 1.120کلو گرام چرس برآمد کی ۔’صدر لالہ موسیٰ پولیس نے ملزمان 1۔عدنان سلیم سکنہ پوہلہ سے 115گرام چرس ،2۔ندیم رضا سکنہ لالہ موسیٰ سے115گرام چرس برآمد کی۔سٹی جلالپور جٹاں پولیس نے ملزمان 1۔ارشد محمود عرف پیرو سکنہ جلالپور سے 145گرام ہیروئن ،2۔عطیب الرحمن ۔سکنہ جلالپور سے پسٹل 30بور معہ روند برآمد کرلئے ۔تھانہ سٹی سرائے عالمگیر :ملزم محمد معروف سکنہ سرائے عالمگیر سے 250گرام ہیروئن ۔تھانہ ڈنگہ :ملزم خرم شہزاد سکنہ ڈنگہ سے پسٹل 30بور معہ روندبرآمد کر کے مقدمات درج کر لئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزڈم گروپ اور طفیل ایسوسی ایٹس نے سید مقرب حسین اجمل ایڈووکیٹ ہائی کورٹ کو متفقہ طو ر پرا پنا امیدوار ممبر پنجاب با ر کونسل گجرات سیٹ کے لیے ڈکلیئر کردیا ہے
گجرات(جی پی آئی )وزڈم گروپ اور طفیل ایسوسی ایٹس نے سید مقرب حسین اجمل ایڈووکیٹ ہائی کورٹ کو متفقہ طو ر پرا پنا امیدوار ممبر پنجاب با ر کونسل گجرات سیٹ کے لیے ڈکلیئر کردیا ہے اس موقع پر تمام شرکاء نے ہر طرح سے اپنی حمائیت کا یقین دلایا جبکہ سید مقرب حسین اجمل نے تمام شریک وکلاء کا شکریہ ادا کرتے ہوئے کہاکہ وہ وکلاء کی بہتری کے لیے ہمیشہ ہم تن گوش رہے ہیں اور آئندہ بھی وکلاء اور بار کے لیے اپنی بہترین صلاحتیں استعمال کریں گے اس موقع پر سید امجد حسیہن شاہ، خالد حسین، سید تسینم افتخار بٹ، جاوید مکیانہ، محمد یونس گوندل، نوید چیچی ، شہزاد انجم، شہزاد اسلم میر، ملک رشید انور، سید صدیق شاہ، جنید امجد، کاشف حسین بھٹی، احسن عزیز ، علی انجم ہنجرا، راحیل ناظم، چوہدری فرخ انور گجر آف کوٹ بیلہ، چوہدری خالد پرویز ایڈووکیٹ، محمد منیر گوندل سمیت دیگر وکلاء بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع گجرات میںٹریفک پولیس نے بغیر نمبر پلیٹ 883 گاڑیوں کے چالان کیے ، بغیر لائسنس 768، 243کم عمر ڈرائیورز اور 344بغیر فٹنس پرچالان کیے گئے
گجرات(جی پی آئی ) ایس پی ٹریفک گوجرانوالہ کی ہدایت پر ٹریفک قوانین کی خلاف ورزی کرنے والے افراد کے خلاف ماہ جون میں 7,487گاڑیوں کے چالان کر کے ان کے مالکان اور ڈرائیوروں پر مجموعی طور پر26لاکھ ، 24ہزار جرمانہ عائد کیا گیا ہے ، جبکہ تیز رفتاری پر چھ افراد کے خلاف مقدمہ درج کیا گیا ، ان خیالات کا اظہار ڈی ایس پی ٹریفک میاں سہیل فاضل نے بات چیت کے دوران کیا ، انہوںنے بتایا کہ ضلع گجرات میںٹریفک پولیس نے بغیر نمبر پلیٹ 883گاڑیوں کے چالان کیے ، بغیر لائسنس 768، 243کم عمر ڈرائیورز اور 344بغیر فٹنس پرچالان کیے گئے ، موٹر سائیکل پر 2سے زائد سواری کرنے پر 319چالان کیے گئے ، جبکہ دوران ڈرائیو موبائل فون استعمال کرنے پر 153گاڑیوں اور موٹر سائیکلوں کے چالان کیے گئے انہوںنے بتایا کہ اور لوڈ پریشر ہارن اور دھواں چھوڑنے والی سینکڑوں گاڑیوں کے چالان کیے گئے ، انہوںنے بتایا کہ جن چھ افراد کے خلاف مقدمہ درج کیا گیا انہوں نے تیز رفتاری سے گاڑی چلاتے ہوئے لوگوں کی جانوں و مال کو خطرات سے دوچار کیا ، ڈی ایس پی ٹریفک نے خبردار کیا کہ ٹریفک قوانین کی خلاف ورزی کرنے والوں کے خلاف کریک ڈائون جاری رہے گا اور ایسے عناصر کے خلاف بلا تفریق کاروائی جاری رہے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بجلی بند رہے گی
گجرات (جی پی آئی )گوجرانوالہ الیکٹرک پاور کمپنی(گیپکو) کی پریس ریلیز کے مطابق نئے کھمبوں کی تنصیب اور دیگر انتہائی ضروری ترقیاتی کاموں کی وجہ سے23,19اور 26جون کو 132کے وی حافظ آباد روڈ گوجرانوالہ گرڈ اسٹیشن سے ملحقہ فروٹ منڈی، وڑائچ، عادل سٹیل، کوکا کولہ ارو فرینڈز فیڈروں جبکہ24ارو30جون کو 132کے وی ایمن آباد گرڈ اسٹیشن کے اٹاوہ فیڈر سے بجلی کی سپلائی صبح 08سے سہ پہر02بجے تک معطل رہے گی اسی طرح نئی لائنیں بچھانے و دیگر ضروری کاموں کی وجہ سے 21,19,18اور25جون کو 132کے وی گرڈ اسٹیشن قلعہ دیدار سنگھ کے تھبلہ ڈچہ فیڈر سے بجلی کی سپلائی صبح 07سے سہ پہر04بجے تک جبکہ20جون کو صبح 07سیدوپہر12بجے تم منقطع رہے گی ۔ 18جون کو 132کے وی کینٹ گرڈ اسٹیشن گوجرانوالہ کے T2اورT3پاور ٹرانسفارمروںسے لوڈ کی منتقلی کرنے کے سلسلہ میں انکم ٹیکس،ایم ایل آر ایس،منڈیالہ ڈی سی ون،شہزاد سٹیل،علامہ اقبال ٹائون , فیروز کالونی ،ڈیفنس،علی سٹیل،گارڈن ٹائون،خالد اشرف سٹیل،عرفان رولنگ سٹیل،سونیکا،میڈیکل کمپلیکس فیڈروں پردن11بجے سے دوپہر01بجے تک بجلی کی سپلائی معطل رہے گی جبکہ اسی دن پنڈی بھٹیاں گرڈ اسٹیشن کی پنڈی بھٹیاں ٹرانسمیشن لائن کے تمام فیڈروں اور 21جون کو اعوان شریف گرڈ اسٹیشن کی اعوان شریف ٹرانسمیشن لائن سے ملحقہ تمام فیڈروں سے بجلی کی سپلائی دن 10سے ایک بجے تک مععطل رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
”ٹی ایم اے کی ستم ظریفی”ٹی ایم اے گجرات کا ملازم ایک سال کی تنخواہ سے محروم نوبت فاقوں پر آگئی
گجرات(جی پی آئی )”ٹی ایم اے کی ستم ظریفی”ٹی ایم اے گجرات کا ملازم ایک سال کی تنخواہ سے محروم نوبت فاقوں پر آگئی معلوم ہوا ہے کہ ٹی ایم اے گجرات شعبہ واٹر سپلائی میں تعینات ملازم چوہدری عقیل نت کو ایک سال سے تنخواہ کی ادائیگی نہیں کی گئی جس کی وجہ سے گھر میں فاقے کی نوبت آگئی چوہدری عقیل نت نے متعدد بار ٹی ایم اے کے افسران سے اپنی تنخواہ کے متعلق آگاہ کیا مگر کوائی شنوائی نہ ہوسکی ،چوہدری عقیل نت نے بتایا کہ اگر ٹی ایم اے نے تنخواہ کی ادائیگی نہ کی تو ٹی ایم اے کے سامنے خود سوزی کرلونگا ڈی سی او گجرات ایڈمنسٹریٹر بلدیہ ٹی ایم اے میری تنخواہ کی ادائیگی کروائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او گجرات رائے اعجاز احمد کی قیادت میں جرائم پیشہ افراد کے خلاف گھیرا تنگ کیا جارہا ہے
گجرات(جی پی آئی )تھانہ صدر لالہ موسیٰ کے ایس ایچ او فراست حسین چٹھہ نے کہا ہے کہ ڈی پی او گجرات رائے اعجاز احمد کی قیادت میں جرائم پیشہ افراد کے خلاف گھیرا تنگ کیا جارہا ہے اور جرائم میں ملوث متعدد افراد کو گرفتار کرلیا ہے انہوں نے کہاکہ تھانہ صدر لالہ موسیٰ کے علاقہ میں امن وامان قائم رکھنے کے لیے پولیس گشت کو موثر بنایا گیا تاکہ جرائم کی روک تھام ہوسکے فراست چٹھہ نے کہاکہ علاقہ کے لوگوں کے لیے تھانہ کے دروازے ہروقت کھلے ہیں شہری اور علاقہ کے لوگ براہ راست رابطہ کرکے اپنے مسائل حل کرواسکتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گنجاہ میں فائرنگ کرکے ایک نوجوان کو قتل کردیا گیا
گجرات(جی پی آئی ) گنجاہ میں فائرنگ کرکے ایک نوجوان کو قتل کردیا گیا بتایا گیا ہے کہ تھانہ گنجاہ کے قریب نامعلوم مسلح افراد نے فائرنگ کرکے گنجاہ کے رہائشی محمد افضل کو قتل کردیا ہے اورفرار ہوگئے ہیں گنجاہ پولیس مصروف تفتیش ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جلالپورجٹاںسبزی منڈی کے قریب دن دیہاڑے ڈکیتی کی واردات کے دوران مسلح ڈاکو لاکھوں روپے کی نقدی لے اڑے
گجرات(جی پی آئی )جلالپورجٹاںسبزی منڈی کے قریب دن دیہاڑے ڈکیتی کی واردات کے دوران مسلح ڈاکو لاکھوں روپے کی نقدی لے اڑے بتایا گیا ہے کہ تھانہ سٹی جلالپورجٹاں کے علاقہ سبزی منڈی کے قریب وحید بٹ سے نامعلوم مسلح ڈاکوئوں نے گن پوائنٹ پر لاکھ روپے کی نقدی اور دیگر سامان وغیرہ لوٹ لیا اور فرار ہوگئے سٹی جلالپورجٹاں پولیس نے مقدمہ درج کرکے تفتیش شروع کردی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب حکومت نے ظلم وبربریت کی نئی تاریخ رقم کردی ہے،چوہدری وقار نادر جوڑا
گجرات(جی پی آئی )سابق وائس چیئرمین بلدیہ اور خاموش اکثریت کے ترجمان چوہدری وقار نادر جوڑا نے ماڈل ٹائون میں ہونے والے سانحہ کی شدید الفاظ میں مذمت کرتے ہوئے کہاکہ پنجاب حکومت نے ظلم وبربریت کی نئی تاریخ رقم کردی ہے بے گناہ اور نہتے لوگوں کو فائرنگ کرکے قتل کرنا کہاں کا انصاف ہے انہوں نے کہاکہ پنجاب حکومت کواس المناک واقعہ پر فوری طور پر مستعفی ہوجانا چائیے چوہدری وقار نادر جوڑا نے کہاکہ پنجاب حکومت نے لاہور میں کارکنوں کو مار کر کونسی جمہوریت کی خدمت کررہے ہیں موجودہ حکمران جمہوریت کی بساط لپیٹنا چاہتے ہیں لاہور میں خون کی ہولی کھیلنے کی بھرپور مذمت کرتے ہیں انہوں نے اعلیٰ حکام سے اپیل کی ہے کی اس سانحہ میں ملوث افراد کو گرفتار کرکے اصل حقائق کو منظر عام پر لایا جائے۔
جعلی مینڈیٹ پر بننے والی حکومت نے ایک سال میں ملک کو ناقابلِ تلافی نقصان پہنچایا ہے۔ سیف اللہ طاہر مغل
گجرات کی خبروں کی تصویری جھلکیاں
