جہاں گزشتہ ہفتے مُلک کے سب سے بڑے شہرکراچی میں شدت پسندوں کی جانب سے ایم کیو ایم ، اے این پی اور پی پی پی کے انتخابی دفاترپر مسلسل ہونے والے دہشت گردی کے واقعات نے سارے مُلک کو خوفزدہ کردیاتھاتووہیں اتوار کے روز اِس دہشت گردی کا دائرہ خیبرپختونخواہ تک پھیل گیا اور اِن واقعات میں کئی معصوم انسانی جانیں القمہ جل بنیں اور کئی زخمی ہوکر مفلوج ہوگئے ، جن کا بعد میں شاید کو ئی بھی پرسانِ حال نہ ہو،اَب اِن حالات میں کون ہوگاجو گیارہ مئی کو ووٹ ڈالنے نکلے گا، اور مُلک میں کسی مثبت تبدیلی کے آنے کا خواب دیکھ پائے گا۔
اگرچہ آج میں بھی آپ ہی طرح الیکشن کے التواء یاملتوی کئے جانے کا حامی تو نہیں ہوں…! مگرجب ایک مخصوص گروپ کی جانب سے اپنی شریعت اور اپنے قوانین کے نفاذ کے خاطرضدمیں علی اعلان دہشت گردی کی جارہی ہو اور اِس میں کمی آنے کے بجائے جوں جوں انتخابات کی تاریخ قریب آتی جارہی ہے مُلک میں دہشت گردی بڑھتی ہی جائے، اور حکومتی رٹ کو چیلنچ کردیاجائے۔
مُلک کی تین بڑی جماعتوں پی پی پی ، ایم کیو ایم اور اے این پی کے اُمیدواروں، کارکنوں اور اِن جماعتوں کے انتخابی دفاتراور جلسے، جلوسوں اور ریلیوں پر منصوبہ بندی کے تحت حملے کئے جائیں تو پھر یقینا اُن اداروں اور ذمہ داروں کو یہ ضرور سوچناچاہئے کہ اِن حالات میں گیارہ مئی کو ووٹرز کیسے ووٹ کاسٹ کرنے نکلیں گے…؟جب ایسے میں الیکشن کمیشن اور قانون نافذ کرنے والے اداروں کی حکمتِ عملی خواب میں بدلتی ہوئی۔
محسوس ہورہی ہو، اور دہشت گردی سارے مُلک میں پھیل جائے توپھرتو یقینااِن حالات میں کیا ایسانہیں لگتاہے کہ انتخابات کا انعقاد اُس طرح کیسے ممکن ہوسکے گا…؟ جس طرح اِن کے پُرامن انعقاد کا تصورکیاجارہاہے، ابھی بھی وقت ہے ہمارے قومی اداروں کے پاس دس ، گیارہ روز ہیں اگریہ چاہتے ہیں کہ گیارہ مئی کے انتخابات پُرامن طریقے سے ہوجائیں تو اِن کو جنگی بنیادوں پر ایساکچھ ضرورکرناچاہئے کہ آج مُلک کے تینوں صوبوں سندھ، خیبرپختونخواہ اور بلوچستان میں ایک مخصوص گروپ کی جانب سے دہشت گردی کا جو بازار گرم کیاگیاہے۔
اِنہوں نے حکومتی رٹ کو علی اعلان چیلنچ کرتے ہوئے کوہاٹ ، پشاور اور کراچی میں دھماکوں کی ذمہ دار قبول کرلی ہے اور ساتھ ہی یہ بھی کہہ دیا ہے کہ ہم پاکستان مسلم لیگ (ن)جمیعت علمائے اسلام (ف)جماعت اسلامی اور تحریک اِنصاف پاکستان کو نشانہ نہیں بنائیں گے جبکہ سابق حکمران جماعت سمیت اِس کی دواتحادی جماعتوں کو نشانہ بنانے کی اِن کی شوری ٰ منظوری دے چکی ہے، لہذااِس گروپ کے ذمہ دار کی جانب سے اِس بیان کے آنے کے بعد ضرورت اِس امر کی ہ۔
Election Commission
جیسے الیکشن کمیشن آف پاکستان نے بعض سیاسی جماعتوں کے رہنماؤں کی جانب سے کیں گئیں تقاریر میں دوسری جماعتوں کے رہنماؤں کے ذاتی قول وفعل کی کردارکشی کا سختی سے نوٹس لے لیا ہے یکدم اِسی طرح الیکشن کمیشن اور قانون نافذکرنے والے اداروں کے ذمہ داران کوملک میں کھلم کھلادہشت گردی کرنے والے ٹولوں اور عناصر کو قابوکرنے اور اِنہیں نکیل ڈالنیکے لئے یہ چاہئے کہ اِن کے تحفظات دورکریں اور افہام وتفہیم کی راہ نکال کر اِنہیں مذاکرات کی دعوت دیں۔
اِن کے کسی وجہ سے پیداہونے والے غصے کو ٹھنڈاکرنے کے لئے ایسے اقدامات کریں کہ دہشت گردی کے واقعات نہ ہوںاور مُلک میں گیارہ مئی کو انتخابات کا انعقاد پُرامن طور پر ہوسکے اور اِس طرح وہ تبدیلی آجائے جس کے لئے اچھے اور بُرے سب ہی منتظر ہیں۔ذراٹھیریئے میں مزید کچھ کہنے سے قبل یہاں اپنے قارئین کو یہ بتاتاچلوں کہ میرا تعلق نہ تو سابق حکمران جماعت سے ہے اور نہ ہی اِس کی اُن دو، تین بڑی اتحادی جماعتوں(ایم کیو ایم، اے این پی ، پی ایم ایل (ق) اور نہ دیگر) سے ہے جو آج دہشت گردی کے نشانے پر ہیں اور نہ ہی میراتعلق آج اِن جماعتوں سے ہے جنہیں مخصوص گروپ نے نشانہ نہ بنانے کی چھوٹ دے کر اِن سے وعدہ کررکھاہے ۔ہاں میں تو بس ایک عام سا پاکستانی ہوں اور اِس ناطے میں اپنے کالموں میں اپنے خیالات کا اظہار کرتارہتاہوں میری کسی بات سے اگر کوئی یہ سمجھے کہ میں کسی کا جانبدار ہوں تو براہ کرم اپنی تصحیح کرلے میراتعلق کسی جماعت یا گروپ سے نہیں ہے میںایک بار پھر یہ کہتے ہوئے آگے بڑھوں گاکہ میں تو بس ایک پاکستانی ہوں اور اپنے مُلک کی بھلائی اور ہر پاکستانی کی سلامتی کے لئے جو سوچتاہوں وہ لکھتاہوں۔
بہر کیف ..!جب میں نے سولہ مارچ کو سعودی عر ب سے عمرے کی سعادت حاصل کرنے اور وہاں بیس روز گزار نے کے بعد اپنے وطن عزیز پاکستان کی سرزمین پر قدم رکھاتو میں نے سوچاکہ میں اپنے قارئین کے لئے سب سے پہلے حرم شریف اور مسجدِ بنوی صلی اللہ عیلہ وآلہ وسلم میں گزارے اپنے حسین اور پُرکیف لمحات قلم بندکروں گاجبکہ افسوس کہ میں اَب تک ایسانہیں کرسکاہوں اِس کی یہ وجہ ہے کہ میرے مُلک اور شہر میںہونے والے متواتربڑھتے ہوئے بم دھماکوںاور ٹارگٹ کلنگ کے واقعات نے مجھے پریشان کردیا۔
میں سب کچھ بھول کر اِس تشویش میں مبتلا ہوگیاکہ کیا ہم ابھی تک ظہورِ اسلام سے قبل والے دورِ جہالت میں ہیں..؟جب کفار گھوڑاآگے بڑھانے ، پانی پلانے، حق کو دبانے، ضدکو بڑھانے، سچ کو جھوٹ ، جھوٹ کو سچ کرنے کے لئے لڑنے جھگڑنے کے لئے طرح طرح کے بہانے ڈھونڈاکرتے تھے، معاف کیجئے گا…!افسوس کی بات تو یہ ہے کہ آج ہم اَسوہ حسنہ صلی اللہ عیلہ وآلہ وسلم کی پیروی کا ڈھنڈوراتوبہت پیٹ رہے ہیں حتی کہ اَب تو اپنے کرتوتوں کو دیکھ کر ایسالگنے لگاہے کہ جیسے کہ ہم اپنایہ ڈھنڈوراپیٹ ، پیٹ کر تھک گئے ہیں۔
Pakistan Blood
تب ہی تو بھٹک بھی گئے ہیں، اور یہی وہ المیہ ہے کہ ہم چودہ سوسال بعد بھی ظہورِ اسلام سے پہلے والی حالتِ جہالت کا وہی نمونہ پیش کررہے ہیں، جب اُس وقت کے اِنسان آپس میں بلاوجہ لڑنے اور ایک دوسرے کا خون بہانے کا بہانہ تلاش کیا کرتے تھے ، ایسے ہی اور اِس سے بھی بدترین کیفیت سے آج بھی ہم دوچار ہیں ،جبکہ آج ہمیں تو اُسوہ حسنہ صلی اللہ عیلہ وآلہ وسلم اور قرآن وسُنت پر عمل کرنے والا ایسا مسلمان ہوناچاہئے تھا کہ ساری دنیا کے لئے ہم نمونہ ہوتے۔
چارسوہمارے قول وفعل کی اچھی مثالیں دی جاتیں،مگر افسوس کہ ہم اپنے دین اسلام کی تعلیمات، قرآن و سُنت کے احکامات کی اُس طرح پیروی نہ کرسکے جیسی ہمیں کرنی چاہئے تھی، موجودہ حالات میں ایسالگتاہے کہ جیسے آج ہم نے دینِ اِسلام کی تعلیمات کو ایک طرف رکھ کراِن سے اپنی مرضی سے مفاہم اخذکرلیئے ہیں اوریوں ہر شخص خود کو اسلام اور قرآن و سُنت کا سب سے بڑاعلمدار تصورکرکے اپنی مرضی کے گروپ تشکیل دے کراپنی مرضی اور منشاکی سُنت بزورِ طاقت اور ڈنڈادوسروں پر لاگوکرناچاہتاہے۔
میں چوں کہ پچھلی سطور میں کہہ چکاہوں کہ لگتاہے کہ جیسے ہم اصل اسلامی تعلیمات سے ہٹ کراپنی مرضی سے وضع کئے گئے اُصولوں اور ضابطوں کے مطابق خود بھی چلناچاہ رہے ہیں اور دوسروں کو بھی چاہ رہے ہیں کہ وہ بھی ہماری مرضی اور قوانین کے مطابق اپنی زندگیاں گزاریں ،اَب جبکہ ہر شخص خود کو اِس طرح کا مسلمان ہونے کا لبادہ اُڑھ اور اپنی مرضی کی تعلیمات کو لے کر پیش ہوگاتو پھر شاید یہی کچھ ہوتارہے گاجو آج ہورہاہے، اَب اِس گرداب اور حالتِ جہالت سے نکلنے اور دینِ اسلام کی اصل تعلیمات پر چلنے کے لئے لازمی ہے۔
ہمیں خندہ پیشانی اور صبروبرداشت کا مظاہرہ کرناچاہئے کیوںکہ ہمارے دینِ اسلام کی اصل روح ہی صبروبرداشت اور عفوودرگزر رہے، اور جب ہم اِس سے روگردانی کریں گے توپھریہ یاد رہے کہ ہم دینِ اسلام کی تعلیمات کو پروا ن چڑھانے کے بجائے ، صبروبرداشت اور عفوودرگزرکا دامن چھوڑ کر لامحالہ اپنی مرضی اور منشا کی شریعت اور قوانین کا اطلاق چاہ رہے ہیں، جو کہ ہمارے جیسے معاشرے اور مُلک کے لئے یقینا بگاڑ کا سبب ہے۔
یہ بات ہمارے اُن ڈنڈابرداراسلامی اور مسلمان بھائیوں کو سوچناچاہئے جو بم دھماکوں، دہشت گردی اور قتل وغارت گری کا بازار گرم کرکے یہ عزم کئے ہوئے ہیں کہ یہ اِس طرح دینِ اسلام کی تبلیغ کررہے ہیں اور ربِ کائنات کی عظیم تحلیق اِنسانوں اور بالخصوص مسلمانوں کو بموں سے اُڑاکر اپنا ٹھکانہ جنت میں ڈھونڈرہے ہیں، جب کہ ایسے لوگ، اور گروپ صریح غلطی پر ہیںکیونکہ اِن کے اِس عمل سے نہ تو دینِ اسلام کی کوئی تبلیغ ہورہی ہے اور نہ ہی معصوم مسلمانوں کو دہشت گردی اوربم حملوں کا نشانہ بناکر اِنہیں جنت ملے گی۔
Pakistan
اِن حالات میں کہ جب مُلک میں ایک ناراض گروپ کی جانب سے اپنا آپ منوانے کے لئے دہشت گردی بڑھتی ہی جارہی ہے توایسے میں قانون نافذکرنے اور عوام کو تحفظ فراہم کرنے والے بڑے ذمہ دار اداروں پر یہ لازم آتاہے کہ یہ اپنے اُن ناراض بھائیوں کو جو کسی وجہ سے بھٹک گئے ہیں اِنہیں منانے کے لئے لچک کا مظاہرہ کریں اور اِن کے قریب جاکراِن کی بات سُنیں اور اِنہیں سمجھانے کے لئے مذاکرات کی دعوت دیں۔
اِنہیں قائل کریں کہ یہ ایسانہ کریں جس سے مُلک کے معصوم شہری القمہ اجل بن رہے ہیں، انتخابات کے انعقاد کو پُرامن بنانے کے لئے ضروری ہے کہ اُس گروپ کی بھی ضرور سُنی جائے جو خود سے یا کسی کے بہکاوے کی وجہ سے اُس راہ پر چل پڑاہے جہاں پہنچ کر اِنسانیت بھی کانوں کو ہاتھ لگاتی ہے۔
خوشبوئے بدایوں! سلطان المشائخ حضرت خواجہ نظام الدین اولیاء
کامیاب ترین سیاستدان
