لاہور (جیوڈیسک) بھارت کے شہر کولکتہ میں متنازع بیان دینے پر قومی ٹی ٹوئنٹی ٹیم کے کپتان شاہد آفریدی کو قانونی نوٹس جاری کردیا گیا۔
اظہر صدیق ایڈوکیٹ کی جانب سے شاہد آفریدی کو بھجوائے گئے لیگل نوٹس میں کہا گیا ہے کہ کولکتہ کے ایڈن گارڈن میں دیا گیا آفریدی کا بیان غداری ہے۔ نوٹس میں کہا گیا ہے کہ کیا پاکستان مخالف بیان دینا ہی کرکٹ ڈپلومیسی ہے، کیا بھارت سے کرکٹ نہیں کھیلیں گے تو پاکستان میں کرکٹ ختم ہو جائے گی؟ آفریدی اپنے بیان کی وضاحت کریں اور قوم سے معافی مانگیں۔
واضح رہے کہ شاہد آفریدی نے ایڈن گارڈن میں پریس کانفرنس کرتے ہوئے کہا تھا کہ بھارت میں کرکٹ کھیلنے کا ہمیشہ بہت مزہ آّتا ہے، بھارت میں جتنا پیار ملا، اتنا پیار تو پاکستان میں بھی نہیں ملا۔
فضل الرحمان گھر میں تابعدار شوہر، باہر جاہ و جلال دکھاتے ہیں : رانا ثنااللہ
فلم انڈسٹری سے کروڑوں کمانے والوں نے برے وقت میں نظریں پھیر لیں، صوفیہ مرزا
