نیو دہلی (اصل میڈیا ڈیسک) متنازع شہریت کے قانون کے خلاف بھارتی اداکارہ سوارا بھاسکر بھی مودی حکومت کے خلاف احتجاج کا حصہ بن گئیں۔
بھارت میں متنازع شہریت کے قانون کے حوالے سے شدید احتجاج جاری ہے، بھارت میں مسلم مخالف متنازع قانون پر احتجاج کے دوران اب تک متعدد افراد جاں بحق اور درجنوں زخمی ہوچکے ہیں۔ اپوزیشن جماعتوں کی جانب سے بھارت بچاؤ کے نام سے ریلیاں نکالی جارہی ہیں جب کہ مظاہروں میں بڑی تعداد میں لوگ شریک ہیں اور متنازع قانون منسوخ کرنے کا مطالبہ کررہے ہیں۔
ہرتھیک روشن اور فرحان اختر کے بعد اب بھارتی اداکارہ سوارا بھاسکر بھی مودی حکومت کے خلاف احتجاج کا حصہ بن گئی ہیں، متنازع شہریت بل کے خلاف بھارتی اداکارہ سوارا بھاسکر نے احتجاج میں شرکت کی اور حکومت کی جانب سے منظور کردہ متنازع شہریت قانون کے خلاف نعرے بازی کی، سوارا بھاسکر نے مظاہرین کے ساتھ مل کر ’ہلہ بول‘ کے نعرے لگائے۔
واضح رہے کہ بھارت میں شہریت کے متنازع قانون کے بل کی ہرتھیک روشن، پرینیتی چوپڑا، ایوشمان کھرانہ، کونکونا سین، ہما قریشی، رتیش دیش مکھ اور دیا مرزا سمیت دیگر کئی اداکاروں نے شدید مذمت کی تھی جب کہ نامور اداکارہ شبانہ اعظمی نے سخت الفاظ میں متنازع قانون کی مخالفت کی اور مودی حکومت کو تنقید کا نشانہ بنایا تھا۔
اقراء عزیز اور یاسر حسین شادی کے بندھن میں بندھ گئے
شہروز اور سائرہ کے درمیان طلاق کی خبریں بے بنیاد ہیں، بہروز سبزواری
