کراچی (اصل میڈیا ڈیسک) کراچی میں کورونا وائرس کے بڑھتے کیسز کے بعد انتظامیہ نے ضلع جنوبی کے 3 سب ڈویژنز میں مائیکرو اسمارٹ لاک ڈاؤن نافذ کر دیا ہے۔
مائیکرو اسمارٹ لاک ڈاؤن والے ڈویژنز میں گارڈن، صدر اور سول لائن کے علاقے شامل ہیں اور اس حوالے سے ڈپٹی کمشنر ضلع جنوبی نے نوٹیفکیشن بھی جاری کر دیا ہے۔
مائیکرو اسمارٹ لاک ڈاؤن والے علاقوں میں عیدگاہ لین گلی نمبر 8 سے 11 کا علاقہ شامل ہے جبکہ ڈیفنس سن سیٹ اسٹریٹ فیز 2، نیول ہائیٹس، رومی اسٹریٹ کلفٹن، کلفٹن ٹاور، مکی مسجد محمدیہ، اقبال لین ایل بلاک، بوٹ بیسن، خیابان شاہین اور خیابان بدر کے ایک گھر میں مائیکرو اسمارٹ لاک ڈاؤن لگایا گیا ہے۔
مائیکرو اسمارٹ لاک ڈاؤن والے علاقوں کے رہائشیوں کو ایس او پیز پر سختی سے عملدرآمد کی ہدایت کی گئی ہے۔
خیال رہے کہ کراچی میں کورونا وائرس کی شرح اب بھی 40 فیصد کے قریب ہے جس کے پیش نظر ضلع انتظامیہ کی جانب سے اسمارٹ لاک ڈاؤن لگانے کا فیصلہ کیا گیا ہے۔
مری میں برفانی تودے گرنے سے نظام زندگی مفلوج، نتھیا گلی سے مری جانیوالی سڑکیں بند
’27 فروری سے پہلے بلدیاتی قانون کا معاملہ حل نہ ہوا تو بلاول ہاؤس پرپڑاؤ ڈالیں گے’
