واشنگٹن (اصل میڈیا ڈیسک) امریکی صدر ڈونلڈ ٹرمپ نے کرونا سے نمٹنے کے لیے ایک نئے اقتصادی پیکج کی منظوری دی ہے۔ ان کا کہنا ہے کہ ‘کرونا’ ایک مشکل اور پیچیدہ دشمن ہے مگر اس کے خلاف جنگ میں جلد فتح حاصل کریں گے۔
امریکی صدر نے ‘کرونا’ وبا کے بارے میں امریکی انتظامیہ کی ایک پریس کانفرنس میں مزید کہا کہ کرونا کا پتہ لگانے کے لیے مفت ٹیسٹ کی سہولت موجود ہے۔
ٹرمپ نے چین پر الزام لگاتے ہوئے کہا کہ کرونا کی وبا کے ظاہر ہونے کے لمحے میں چین کو ہمیں مطلع کرنا چاہیے تھا۔ انہوں نے اخبار “واشنگٹن پوسٹ” کو بھی شدید تنقید کا نشانہ بنایا اور کہا کہ یہ اخبار واقعات کے ٹھوس ثبوت کے بغیر ان کی کوریج کرتا ہے۔
ٹرمپ نے کرونا کی وبا کی وجہ سے نیویارک شہر کو آفت زدہ علاقہ قرار دے دیا۔
امریکی صدر نے کہا کہ ملیریا کی دوائی کو کرونا کی روک تھام کے لیے استعمال کیا جا سکتا ہے۔ مستقل قریب میں ہم اس کی ویکسن بھی تیار کرلیں گے۔
اس موقعے پر امریکی نائب صدر مائیک پینس نے کہا کہ امریکی عوام نے کرونا مخالف فیصلوں پر مثبت رد عمل کا اظہار کیا ہے۔
پینس نے مزید کہا کہ ہم وائرس کا مقابلہ کرنے کے لئے تمام ڈاکٹروں کی تمام ضروریات کو پورا کرنے کی کوشش کر رہے ہیں۔ پینس نے مزید کہا کہ ڈیموکریٹک اور ریپبلکن جماعتیں کرونا کا مقابلہ کرنے کے لیے تعاون کر رہی ہیں۔
فرانس کرونا کی لپیٹ میں، وباء کے نئے کیسز کی تصدیق
ملیریا مخالف ویکسین نئے کورونا وائرس کے علاج میں کتنی مفید؟
